【pH值介乎於7飄浮的愛情故事】《一腳踏兩船》(2)

932 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁

駐連燈首席美軍 2024-12-20 18:12:03

幻覺嚟
你食完pure and truth先會睇到真數
我睇到呢個post就五億正評嘅

飛揚 2024-12-20 18:45:12

咁你都要快啲食返粒pure and truth先得喇

飛揚 2024-12-20 19:00:05

上回講到Joanne有啲擔心...但Jeff就大安旨意咁～
有轉變喎！點會唔擔心吖？
Jeff有信心吖嘛～係對Joanne有信心吖～
對人咁有信心係好事咩？
飲飽食醉又玩完貓貓～都係時候走喇～
Joanne仲係喺心裡盤算緊之時，嚟到一個公園喎～
有韆鞦玩吖～
Joanne就同Jeff一齊入去打返個韆鞦先啦～
Jeff仲係好弱～要Joanne幫手囉～
然後佢哋兩個就Keep住同步～
呢種感覺令Joanne覺得好窩心～
開始日落喇～要坐巴士返去喇～
挨喺Jeff手臂上～窩心嘅感覺依然存在～
拖住Jeff隻手，送到嚟Joanne屋企樓下：「返上去小心啲喇～」
『我上去要幾小心吖？你返去小心啲先真吖～』
「嗯嗯～好小心～」
『嗯～』
Joanne錫啖Jeff～就揮揮手～行入大堂～
Jeff一直目送住Joanne入𨋢～
返到上去，當然第一時間就打俾Jeff啦～
『喂～行緊去搭車喇嘛？』同時Joanne就執執啲嘢～
「行緊喇～好小心添喇～」
『我都好小心咁放緊啲嘢吖～』
「要好小心吖～唔好打爛嘢吖～」
『我邊有咁論盡吖？嘩！差啲跌咗AirPods個盒落地！』
「嗱你睇你睇～仲話自己唔論盡～」
『係吖係吖！』
其實真係唔係Joanne論盡！
只係...Joanne分咗心姐...
Joanne分咗心喺卜占師講嘅嘢度...
Joanne都仲係耿耿於懷緊...佢同Jeff之間...好快就會有轉變...
總係有種好強烈嘅感覺...將會有大危機發生...
TO BE CONTINUED
跟住既劇情發展又會係點呢？

準備出文

飛揚 2024-12-20 19:00:21

[Day 07－一日拍攝] PART 01

“很感激喜歡我十年仍不休”

電話響...

“近日舊同學說我已耿耿於你心六百週”

感覺比起平時更早...

“很可惜這一世未能長廝守”

我亦比起平時更早有意識...拎起部電話...

『喂......』雖然都係死聲死氣...

「喂～～～起身喇～」Jeff都係勁溫柔～

『唔...唔唔...』當然我都係唔願醒...

飛揚 2024-12-20 19:01:04

「喂～唔好瞓喇～起身喇～」

『唔...唔...咁早...』

「又係你尋晚叫我今朝早啲叫你起身嘅～快啲起身啦～」

『唔唔！都太早喇...』

「你今日要拍MV吖嘛～要預早啲起身吖嘛～」

『嗯嗯...』

冇錯...今日係要拍MV...本來好早就要開始...要早啲起身...再早多少少做準備...

但我都係賴床㗎！

飛揚 2024-12-20 19:02:18

「喂你唔係想要人哋等你咁大牌吖化？」

『得啦得啦...嗚呀～～～』我喺床上伸個大懶腰...

「咁起身啦嘛？」

『錫啖我先～』

「啜啜卜～」

『嗯嗯～而家起喇起喇煩～～～』

其實咁早起要準備啲乜嘢？

冇㗎喎～妝話唔使化～頭就咁梳好就得～衫都可以隨便著～冇乜嘢要準備㗎咋喎～

淨係準備好個人囉～

飛揚 2024-12-20 19:02:49

『唔唔嗯～唔嗯嗯嗯唔！唔唔！』

刷乾淨牙～

『等等我先！洗面！』

洗乾淨塊面～

『是旦著啲易除咪得囉～』

Tee加條熱褲～

『帶咗喇...梗係有帶啦！係喎係喎！差啲唔記得添...係喇係喇！好彩有你提！』

執埋個袋仔就著鞋出門口～

飛揚 2024-12-20 19:03:48

「喂唔好搭錯車喎～」

落到樓都係同Jeff傾住電話～

『得啦！你當我傻㗎咩？』

一路上都有Jeff陪住咁過去～

不過部電話都唔可以用得太多...

『喂喂就到喇我～咁我搞掂先再打俾你啦～』

因為呢...

「嗯嗯～咁你加油喇～」

『嗯～Bye～』

我尋晚又唔記得叉電喇！

同Jeff傾到瞓著咗，又冇拎去叉電...又冇乜電咁出街...Jeff又唔喺我身邊...我又冇尿袋叉...唯有慳啲用啦～

飛揚 2024-12-20 19:04:40

嚟到拍攝嘅場地...係一間中學！

我行入學校唔夠幾步...

「Joanne？嚟咗喇？」就見到有個女工作人員，「我叫阿Da～過嚟呢邊先～」

『哦...好好...』我就跟住阿Da行...

行唔夠幾步，又見到長檯坐咗唔少人...又放咗唔少器材咁...

阿Da就帶我行到過去：「導演～Joanne嚟咗～」

係Mark導...

「早晨吖Joanne～」Mark導同我點點頭。

『早晨導演...』精神啲！

其實我係有啲緊張嘅...

而家先嚟緊張？

咁頭先同Jeff傾住電話吖嘛～唔覺唔覺㗎嘛～

飛揚 2024-12-20 19:05:53

「你換咗衫先～」Mark導就同阿Da手指指咁。

然後阿Da好快就拎咗套衫過嚟...

『哦好好...』就咁睇套衫...係校服？

「呢邊呢邊～」阿Da就帶我行。

『哦好好...』我都跟住阿Da...

行到其中一間房...

「你可以喺度換衫～」阿Da放好套衫，「你啲個人物品都可以放喺個箱裡面嘅～咁有咩問題都可以叫我幫手嘅～」

『哦哦好好唔該晒～』

「嗯～」

飛揚 2024-12-20 19:07:00

阿Da出返去之後，我都睇睇套校服先...

同我哋學校嘅校服有啲似...又有啲唔同...

白色嘅校裙...紅色嘅領帶...紅色嘅膠腰帶...

仲有白色學生襪...婆仔鞋都準備好...

都係換咗先啦～

揀啲易除嘅衫嚟著，果然係正確嘅選擇～

因為佢哋都同我講過，服裝係有供應嘅～嚟到換上就得喇～

我將自己件Tee同熱褲都除出嚟～放喺個箱度～

再著條校裙上身～就好似平時返學咁～朝早換校服咁～

飛揚 2024-12-20 19:07:59

然後就喺塊全身鏡前照照～睇睇～

『唔......』都可以話啱身嘅～好貼身咁～好彩我唔肥㗎姐～

係條裙有啲短咁囉...比起我自己最短嗰條校裙仲要有啲短咁囉...

有冇問題㗎？

唉唔好理～著埋對白色學生襪同對婆仔鞋就出去先～

著好晒再喺塊全身鏡照一照...確保冇大問題...就出返去。

一出到嚟，阿Da就打量住我：「有冇問題？好啱身喎～」

『嗯嗯...啱...啱身...』條裙唔會太短咩？

咁佢望住我條裙邊都冇話短...仲點點頭咁...即係冇問題啦...

飛揚 2024-12-20 19:08:43

「OK咁幫你化埋妝先～跟我嚟～」阿Da又帶住我行去另一間房。

其實都只係隔籬，行兩步就到。

入到去已經見個男化妝師準備緊。

我一坐好，個男化妝師就睇清楚我塊面。

我就只好乖乖坐定定...

男化妝師好快手咁就拎起個掃！掃掃粉又掃掃我塊面！

左掃右掃～上掃下掃～

掃完又搽～搽完又掃～

望望塊鏡～睇清楚左右～又打打陰影～

飛揚 2024-12-20 19:09:39

講真我平時係有化吓妝嘅～但係相比起男化妝師嚟講，差天共地囉！

佢嘅手法又快又準！一步到位咁！呢啲咪叫專業囉～

話咁快，男化妝師就幫我化好個淡妝！

咩叫淡妝？

即係睇落就唔似有化到妝～但啲眼耳口鼻明顯就清晰咗！鮮明咗！

望住塊鏡嘅自己...都好有純情學生妹嘅感覺囉！

男化妝師都望住鏡中嘅我點點頭～好滿意咁～

然後就有個女仔行埋嚟，摸摸我把頭髮：「咁我幫你Set埋個頭～」

『哦哦...好...有勞...有勞...』係髮型師？

飛揚 2024-12-20 19:10:05

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～