【pH值介乎於7飄浮的愛情故事】《一腳踏兩船》(2)

920 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁

格躺 2024-12-19 14:09:48

格躺 2024-12-19 14:10:20

格躺 2024-12-19 14:11:56

飛揚 2024-12-19 15:04:28

飛揚 2024-12-19 15:04:52

飛揚 2024-12-19 15:05:27

飛揚 2024-12-19 19:00:21

上回講到占卜師出現喇！
聽講個占卜師好靈㗎！又唔係成日有機會遇到！遇到就一定要搵佢占占卜！
Joanne就同Jeff一齊過去啦～
占卜師都係喬裝咁嘅樣～估唔到佢幾多歲～
只係散發住同奇怪姐姐一樣嘅氣息～
咁想問咩先？當然就係愛情啦～
占卜師占到佢哋經歷過一段好長時間嘅沉澱啦～
然後就有種衝動令佢哋喺埋一齊啦～不過就有啲陳舊乏味囉～
而最重要嘅都係嚟緊佢哋會有啲轉變喎！
咩轉變吖？係好定壞吖？
好壞就喺Joanne手中嘅～
咁...咁即係...
「三張牌得嚟嘅啟示係...」占卜師望住檯上三張牌，「你哋經歷過一段好長嘅時間沉思...雖然而家嘅關係相當陳舊乏味...之但係...好快就會有轉變...呢個轉變係好係壞...就要睇你點選擇...」
聽起上嚟好似有啲複雜...
睇檯面上嘅牌...又好似唔多好咁...
「唔需要太迷惘嘅～只要好好記住...選擇...你嘅選擇...好好記住喇。」占卜師再叮嚀佢哋多一句。
『嗯嗯！我會好好記住！係呢～』Joanne就摷摷個銀包仔，『幾錢吖？』
「我哋有緣...唔收你錢～」占卜師帶住微笑望住Joanne同Jeff揮揮手～
『咁多謝晒喇！」Joanne同Jeff都向占卜師鞠一鞠躬～
占卜師帶住微笑點點頭，同佢哋揮揮手～
Joanne同Jeff都向占卜師揮揮手後，就一齊起身轉身離開。
跟住既劇情發展又會係點呢？

準備出文

飛揚 2024-12-19 19:00:37

同Jeff坐返埋位之後，占卜師都拎起本書睇緊...

好快就會有轉變...好快就會有轉變...

“喵～”隻黃色貓貓叫一叫我～

『哦？想摸摸？』我就摸摸隻黃色貓貓～

「點吖你？」Jeff打量住我，「連貓貓都覺得你有嘢煩惱緊喎～」

『好快就會有轉變喎！好快就會有轉變喎！占卜師話我哋好快有轉變喎！你唔擔心㗎咩？！』我望一望占卜師嗰邊...咁啱就有一對情侶坐喺占卜師面前...

「咁個轉變唔一定係壞㗎嘛～可以係好㗎嘛～」Jeff又同啲貓貓玩～（正確嚟講係啲貓貓撩Jeff摸摸～）

『你會唔會太過正能量喇？萬一係壞咁點算吖？！』望住對情侶同占卜師講咗幾句...占卜師就開始為呢對情侶占卜...

飛揚 2024-12-19 19:01:50

「咁占卜師都話過個選擇喺你手上㗎嘛～」Jeff仲係大安旨意咁～

『你又會唔會太過自信吖？』我冷眼打量住Jeff，『萬一我選擇咗壞嘅方向呢？』

「唔係囉～」Jeff帶住微笑望住我，「我係相信你囉～」

『咁你太過相信我喇...』

「我點可能唔相信你喎～」

『唉～冇你辦法～』

人與人之間嘅信任，係點樣建立出嚟？

因為一啲事？因為幾句說話？

又係由幾時開始建立？

積少成多？聚沙成塔？

就連自己都未必信得過自己...又點去相信別人？

到而家我都唔明，點解Jeff可以對我咁有信心...

飛揚 2024-12-19 19:02:39

繼續同Jeff一齊玩吓貓貓食吓嘢又飲吓咖啡～

我不時都會望過去占卜師嗰邊...

見有唔少人都會搵佢占卜...嚟得嘅客人都必定會搵佢占占卜...

有啲有收錢...有啲又冇收錢...

點先收又點先唔收呢？

或者都係隨緣啦～

睇佢應該都搵唔少～手上本書都未揭到幾頁...就又有人嚟搵佢卜占～隨緣咁收都夠食啦～

講開又講...而家走去學定占卜都唔錯喎～又得閒～又自由～又搵得唔少～

飛揚 2024-12-19 19:03:16

再玩多陣～再坐多陣～

『好喇～都差唔多喇～』電話都叉滿電～～

「嗯～」Jeff都摸摸啲貓貓，「我哋走喇～」

『下次再嚟探你哋啦～』同啲貓貓揮揮手～

“喵～～～”

同啲貓貓揮揮手後，就拖住Jeff離開呢間充滿特色嘅古著貓貓占卜咖啡店～

喺街上行...行吓行吓...又諗諗...諗諗...

我都仲係諗緊嗰個問題...

聽完卜占師講...心裡總係有啲不安...

飛揚 2024-12-19 19:04:17

然後迷迷糊糊...痴痴呆呆...唔知行咗幾耐...好似都行咗好耐又好遠...就行到嚟一個...

「公園？」Jeff同我一齊望入去。

『係喎...有球場...仲有人踢緊波...咦咦咦仲有韆鞦添吖！』我指入公園裡面！

「係喎係喎...」Jeff望住韆鞦點點頭，「入去玩吓咯～」

『好吖好吖～』我就拖住Jeff衝入去～

行到入公園仔...我就坐上韆鞦～搖前～盪後～

Jeff都坐喺我身邊個韆鞦～搖前～盪後～

我就越搖越高～越盪越高～

但係Jeff仲係唔係好高咋喎～搖極盪極都唔高～

飛揚 2024-12-19 19:05:05

『喂～』我就繼續搖高啲～盪高啲，『你仲係唔識盪吖？』

「唔係唔識...」Jeff好努力咁，「係唔熟姐...」

『咁耐都唔熟～好弱㗎～』我就跳落嚟～跑到去Jeff身後推佢～

大大力咁推～大大力咁推～

「嘩嘩嘩嘩嘩…好高...」

推到Jeff盪到勁高咁～

然後我就坐返上韆鞦！

『喂Keep住吖！唔好停吖！』搖前～盪後～越盪越高～

「係係係！Keep住！」Jeff都好努力咁Keep住搖前～盪後～

飛揚 2024-12-19 19:05:49

我同Jeff終於都Keep到同一個高度～最高最高～

可以同步到...Keep住同步...總係有種...窩心？

點解會係窩心㗎呢？

係因為...彼此好近...冇咗距離感...

一直可以Keep住...呢種近在咫尺嘅距離...心嘅距離...

一直Keep住...一直努力咁Keep住...我同Jeff都一樣...

Keep咗好耐...盪好耐...直到日落黃昏...直到玩到攰...停落嚟...要搭巴士返屋企...

坐喺Jeff身邊...挨住佢膊頭...呢種感覺一直都Keep住...Keep住...

飛揚 2024-12-19 19:06:37

究竟呢種感覺可以Keep幾耐？

呢一刻...我覺得係可以一生一世...

年輕嘅時候...好多嘢都覺得可以一生一世...

而隨住時間嘅流逝...先發現原來一生一世係好遠...遠到遙不可及...

究竟係年少無知？定係要飽經風霜？

或者係人唔仆過街係唔知痛...

而更現實嘅係...人類總要重複同樣的錯誤...

飛揚 2024-12-19 19:07:37

拖住Jeff隻手，送到嚟我屋企樓下：「返上去小心啲喇～」

『我上去要幾小心吖？你返去小心啲先真吖～』

「嗯嗯～好小心～」

『嗯～』

我錫啖Jeff～就揮揮手～行入大堂～

Jeff一直目送住我入𨋢～

返到上去，當然第一時間就打俾Jeff啦～

『喂～行緊去搭車喇嘛？』同時我就執執啲嘢～

「行緊喇～好小心添喇～」

『我都好小心咁放緊啲嘢吖～』

「要好小心吖～唔好打爛嘢吖～」

飛揚 2024-12-19 19:08:23

『我邊有咁論盡吖？嘩！差啲跌咗AirPods個盒落地！』

「嗱你睇你睇～仲話自己唔論盡～」

『係吖係吖！』

其實真係唔係我論盡！

只係...我分咗心姐...

我分咗心喺卜占師講嘅嘢度...

我都仲係耿耿於懷緊...我同Jeff之間...好快就會有轉變...

總係有種好強烈嘅感覺...將會有大危機發生...

TO BE CONTINUED

飛揚 2024-12-19 19:08:42

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～