【pH值介乎於7飄浮的愛情故事】《一腳踏兩船》(2)

上回講到Joanne同Jeff玩貓貓～食吓嘢～Chill吓咁～
當然唔少得影多啲靚相Post IG啦～
係佢哋嘅共同回憶～
然後Crystal條八婆又打嚟煩鬼住晒囉！
好姊妹唔係唔煩㗎咩？
就係好姊妹先煩吖！
咁煩咩吖？
咪又係話聽日要拍MV喇喎～準備好未吖？有冇護膚吖？唔係仲掛住拍拖吖化？
拍唔拍拖關你鬼事咩？好似好想人哋散咁！
都係唔好理佢咁多～反正電話冇電又要借Jeff嘅尿袋叉電～
繼續邊玩貓貓邊食邊Chill～
Joanne再左望右望...望望間咖啡店...一張靠近落地大玻璃窗嘅空檯...
嗰張檯...應該就係...
「嗯？搵緊咩吖？」Jeff又跟住Joanne望望...靠近落地大玻璃窗嘅空檯。
『睇吓見唔見個占卜師囉～呢間咖啡店除咗古著同貓貓出名之外...最出名係個占卜師吖...』Joanne記得奇怪姐姐係咁講嘅！
上到嚟就一定要睇吓有冇機會遇到個占卜師...好靈咁話㗎喎！
「占卜師吖...」Jeff睇清楚又諗諗，「女仔除咗鍾意貓貓...仲鍾意占卜問卦...」
『喂～』Joanne古古惑惑咁打量住Jeff，『講到好似好了解女仔咁喎～』
做咩吖而家？情聖上身吖？咁突然吖？
「唔係啦唔係啦～」Jeff帶住尷尬嘅微笑擰擰頭，「係因為我份人又悶...把口又唔叻...所以諗住做多啲資料蒐集～唔好悶親你吖嘛～」
『都唔知係唔係嘅～』
“喵～～～”連啲貓貓都恥笑Jeff～
不過聽到佢咁講...又幾甜就真嘅～
就喺呢個時候...有個著住黑色...長袍嘅長髮女仔出現...
望住個黑色長袍女仔慢慢行...慢慢行...
黑色長袍好輕身...就好似紗一樣...輕飄飄...輕飄飄...
個黑色長袍女仔一直行...行埋去遠處...靠近落地大玻璃窗嘅一張空檯...坐低...
呢張檯...呢個位...正正就係...
『占卜師吖！』
跟住既劇情發展又會係點呢？



準備出文