【pH值介乎於7飄浮的愛情故事】《一腳踏兩船》(2)

920 回覆
6 Like 0 Dislike
2024-12-11 12:30:08
2024-12-11 12:30:20
揸𨋢早
2024-12-11 12:31:05
各位早晨
連夢中嘅月月都係突然消失
2024-12-11 12:40:38
2024-12-11 12:51:38
2024-12-11 13:27:23
2024-12-11 15:14:21
2024-12-11 19:00:06

上回講到都係Crystal衰!搞到Joanne唔記得放學要同Jeff去睇藝術展!
不過唔緊要啦~Jeff咁就Joanne~遲啲睇都得㗎啦~
咁點同Jeff講吖?
直接講咪得囉~
Joanne想㗎~不過又好似遇唔啱時間去同Jeff講喎~
直到放學先有機會~
Jeff都好戥Joanne高興吖~仲話藝術展遲啲睇都得~做女主角就機會難得~
咁Jeff都話冇問題就冇問題啦~
本來Jeff想同Joanne去㗎~不過又俾Crystal搶走咗囉~
啲好姊妹就係咁麻煩嘅~
Joanne同Crystal上到去間公司~
同Crystal坐低講唔夠幾句,姐姐就由房行返出嚟:「Joanne~可以入嚟喇~」
『哦好好~你坐喺度等我喇...』Joanne就行過去...
「OK啦~」Crystal就坐定定。
入到房,就見到一個成熟戴眼鏡留有鬚根嘅男人。
呢個男人...就係Macro...
「Joanne你好~請坐~」Macro向Joanne示意坐喺佢面前。
『哦好好...』Joanne就有返啲儀態咁坐好。
原來佢就係Macro...
Joanne記得...上次試鏡佢都在場...係坐喺LB身邊嘅...唔聲唔聲...靜靜哋咁...
「正如之前所講,我哋想請你做MV嘅女主角...」Macro俾咗份文件我睇,「呢度寫咗啲細節...你可以睇睇有冇問題...」
文件...細節...
Joanne就揭嚟睇睇...
「其實就唔複雜嘅~都好簡單㗎姐~個MV預計要拍兩日...實際時間都係一日半左右~」Macro簡單咁講解,「咁報酬方面...你可以睇睇有冇問題...」
『哦哦...哦哦...』報酬...報酬...
Joanne揭多兩揭...就睇到個銀碼...係寫咗...一...一萬?
跟住既劇情發展又會係點呢?




準備出文

2024-12-11 19:00:26
嘩...拍日半就有一萬咁爽㗎咩?

一萬蚊喎...我媽咪辛辛苦苦咁打份工,一日返十二個鐘...一星期返足六日...一個月都係萬二三咋...(聽佢講...)

而家拍日半就有一萬喇喎...

多就真係多嘅...之但係...

Macro見我冇咩表示,就開口問:「係唔係價錢方面有咩問題?」

『呃...呃...呢層...』其實又唔係話價錢方面嘅...

其實...即係咁...就算而家我上到嚟...我都仲係未揸定主意囉...

即係點?即係...我都仲係唔多想拍...
2024-12-11 19:02:26
「假如係價錢方面...」Macro諗一諗,「可以再傾傾嘅~萬三?」

萬三吖?咁就多咗三千蚊喇喎!

「萬五?」Macro再問一問,「萬五嘅話都可以㗎~」

『呃...呃...萬五...』萬五喎!日半就仲多過我媽咪搵一個月!就快追到我老豆添!

不過都係嗰句啦...就算係萬五...我都仲係唔多想拍...

「萬五真係值得考慮㗎~」Macro再落啲嘴頭,「可以拍到MV嘅女主角喎~」

就係話要做女主角我先唔想...

但點解唔想呢?唔係應該好想先係㗎咩?

即係咁...好似話對Crystal呢啲痴女Fans嚟講就梗係想到流晒水啦!(我指口水...)

但對我嚟講喇喎...我唔係LB嘅Fans嚟㗎嘛!
2024-12-11 19:02:56
就喺呢個時候...

“咯 咯”有兩下敲門聲...

「入嚟~」Macro講咗一聲之後...

我回頭一望...

門一打開...LB就行咗入嚟!

LB帶住陽光嘅笑容行到嚟我哋面前:「Hi~」

『Hi...』我有啲驚訝...

又會喺度見到LB...
2024-12-11 19:03:49
「點吖?」LB問一問,「有冇阻住你哋傾嘢吖?」

「冇~」Macro擰擰頭,「我哋都係仲傾緊報酬方面...」

「嗯?」LB好奇咁打量住我,「報酬方面吖?萬五?」

『呃...』我都未諗到點答...

「咁啱吖~」Macro就接住講,「啱啱我都係提議萬五~」

「咁就唔得喇~」LB帶住微笑擰擰頭,「兩萬啦~」

兩...兩萬?!

「喂!」Macro急住叫停,「兩萬喎...」

「你就唔好咁孤寒啦~」LB恥笑住Macro擰擰頭,「兩萬就兩萬啦~再唔係喺我度扣返喇~」

「唉~好啦好啦...」Macro無奈咁點點頭,「兩萬就兩萬啦...」

兩萬...兩萬...日半就兩萬?
2024-12-11 19:04:33
LB同Macro都打量住我,等我嘅回覆。

『呃...呃...』兩萬...真係多㗎喎!

要知到我老豆又係一日返十二個鐘...一星期返足六日...仲要有時返埋假日OT先得嗰萬七八!(聽佢講...)

「其實除咗錢方面...」LB就靠近我,「呢個機會都相當難得...」

呢個機會...機會?

LB對發光嘅眼神望實我:「話唔定對你將來好有幫助。」

話唔定對我將來好有幫助?

咩幫助?幫到啲咩?
2024-12-11 19:05:13
其實我就唔知對將來可以有咩幫助...

『嗯嗯...好好...』但最終我都係簽咗...

點解呢?點解我會簽㗎呢?

我痴痴迷迷咁行返出嚟都諗唔明...

淨係覺得當刻LB有種好獨特嘅魅力...迷到我痴痴呆呆咁答應咗...

「點吖點吖?」Crystal立即捉住我,「簽咗喇?」

『嗯嗯...』我點點頭...

「太好喇~」Crystal仲開心過我~
2024-12-11 19:06:15
太好?真係好?我都唔知好唔好...

人生就係不停嘅選擇選擇...

你永遠都唔知自己選擇得啱唔啱...往後嘅路又會通往邊個結果...

或者要行到最後先會知道...或者到最後先發現每次選擇都係錯嘅選擇...

或者...從來都冇一個選項係啱嘅...

「嗯?做咩吖?」Crystal打量住我,「好似仲好緊張咁嘅?唔使緊張喎~LB份人好好㗎!啱啱見佢行過,我就大膽咁走埋去問佢可唔可以合照!佢都大方咁同我影吖~你睇你睇~我哋貼得幾埋~」

Crystal俾我睇佢手機裡同LB嘅合照~

『係喎係喎...』真係貼得好埋...LB仲好親切添喎...

LB...不論鏡頭前...定鏡頭後...都係咁親切...

係因為佢本身就係咁親切嘅人?
2024-12-11 19:07:34
「喂你簽成咗就要請我食飯喇!」

『吓?點解吖?』

「唔係我你會有咁好嘅機會咩?」

『有幾好吖?』

「做LB女主角喎...係喎係喎!幾多錢吖?」

『兩萬囉...』

「嘩兩萬咁多?!咁一定要請啦!!!」

俾Crystal捉咗去食日本嘢...

「喂你仲咁緊張咁嘅?」Crystal撳撳電話落單。

『唔知吖...可能因為冇乜經驗掛...』我都唔知...個心跳得勁快咁...
2024-12-11 19:08:34
「經驗?」Crystal眼仔碌碌咁撳,「之前我哋都做過神秘顧客啦~」

『神秘顧客又點同呢?又唔使點做就有錢...況且都好耐冇做啦...』

「有咩唔同姐?今次仲多錢咁多喎!喂上次神秘顧客又係我介紹你!今次又係因為我你先有得做女主角!呢餐唔係你請都唔得啦!」

『神秘顧客係我陪你姐!今次我都係諗住陪你咋!』

「你咪又係做得好開心~今次都係㗎啦~呢餐你走唔甩喇...呢個月你都走唔甩喇!」

Crystal真係吖...老實不客氣...

不過講返究竟我心跳啲乜呢?

自從啱啱LB一打開門入嚟...見到佢嗰吓...我個心又跳咗一大跳!

又係嗰種...
2024-12-11 19:09:23
「係喎咁幾時拍吖?」

同Crystal邊食邊繼續傾...

『嗰邊話準備好就盡快Call我喎...預都係呢一兩個禮拜啦...』

「咁都好快喎~」

『都快吖...快到都唔知點同Jeff講...』

「吓有咩唔知點講?佢都唔介意㗎啦~佢介意咩?」

『咁佢應該就唔介意嘅...』

「咁咪得囉~」

咁咪得?

Crystal總係講得好輕鬆...但我就唔覺得有幾輕鬆...
2024-12-11 19:10:04
「多謝晒Joanne~」Crystal向我鞠個躬...

『你真係客氣喇...』食飽當然係我埋單啦...

「要多謝定你㗎嘛~」Crystal翹住我,「仲有好多餐要請~」

『咁你真係唔客氣喇...』

「好姊妹嚟㗎嘛我哋~」

同Crystal行去搭車,我哋又各自搭上對面嘅列車...向對方揮揮手...

一開車,我都拎部電話打俾Jeff先...

「嘟...嘟嘟喂~」Jeff好快就接聽,「搞掂喇?」

『嗯~而家搭緊車~』
2024-12-11 19:10:59
「咁順唔順利吖?幾時拍吖?」

『順~順嘅~嗰邊話預喺呢一兩個禮拜啦~』

「咁都好快咋喎~」

『係吖係吖~咁我哋幾時去睇藝術展?』

「你想拍MV之前定之後?」

『之前好似好啲喎!』

「咁就睇吓呢個禮拜?放學之後得唔得閒?唔得嘅話就星期六日睇吓你拍MV未?」

『都好都好!』

我都係簡單又直接咁向Jeff交代...唔想再繼續喺拍MV嘅話題上...

唔知點解...總係唔想喺Jeff面前提起...尤其係提起LB...

TO BE CONTINUED
2024-12-11 19:11:17



今晚出完

鍾意嘅朋友記得Like同Share俾身邊嘅朋友一齊追~

有咩記得喺下面留言講~我會一一回覆~




三句預告

[Day 06-做好準備] PART 01

“很感激 喜歡我十年仍不休”

電話一響...
2024-12-11 19:14:08
已經將[Day 05-意料之外] PART 02 Upload上Penana
2024-12-11 23:34:04
2024-12-12 00:00:08
2024-12-12 00:02:13
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞