【pH值介乎於7飄浮的愛情故事】《一腳踏兩船》(2)

上回講到Macro話一萬唔夠嘅話可以再高啲～萬二？萬五？
其實Joanne都仲係未揸定主意嘅～
就喺呢個時候，LB入咗喇喎！
LB都估開到萬五～
咁就唔得啦～兩萬就差唔多喇～
Macro本來就唔係好想～不過LB開到聲就兩萬啦～
Joanne俾LB嘅光陽笑容迷到答應咗～
出到嚟搵返Crystal～知道Joanne答應咗都戥佢開心～
好姊妹吖嘛～
咁就要Joanne請食飯喇～
咁都要請？
之前做神秘顧客又係Crystal介紹～今次做MV女主角又係Crystal介紹～
其實Joanne都係想陪Crystal姐～
去食嘢～Joanne都仲係未知點同Jeff講～
有咩唔知點講姐？直接講咪得囉～
真係得？
食飽同Crystal行去搭車，佢哋又各自搭上對面嘅列車...向對方揮揮手...
一開車，Joanne都拎部電話打俾Jeff先...
「嘟...嘟嘟喂～」Jeff好快就接聽，「搞掂喇？」
『嗯～而家搭緊車～』
「咁順唔順利吖？幾時拍吖？」
『順～順嘅～嗰邊話預喺呢一兩個禮拜啦～』
「咁都好快咋喎～」
『係吖係吖～咁我哋幾時去睇藝術展？』
「你想拍MV之前定之後？」
『之前好似好啲喎！』
「咁就睇吓呢個禮拜？放學之後得唔得閒？唔得嘅話就星期六日睇吓你拍MV未？」
『都好都好！』
Joanne都係簡單又直接咁向Jeff交代...唔想再繼續喺拍MV嘅話題上...
唔知點解...總係唔想喺Jeff面前提起...尤其係提起LB...
TO BE CONTINUED
跟住既劇情發展又會係點呢？



準備出文