【pH值介乎於7飄浮的愛情故事】《一腳踏兩船》(2)

『口花花～』我冷眼打量住Jeff，『你今日夠靚仔啦～』

「今日咋？」

『係吖～今日咋～』

「好彩今日靚仔咋～先襯得起你～」

『所以你平日係襯唔起我㗎～』

「係喇係喇～咁行得未吖？」

『行得啦～拖住啦～』

「等你拖我吖嘛～」

同Jeff拖住手咁行去黨鐵站～企喺玻璃閘門前拖實Jeff～又挨吓喺佢身邊～又影吓相～

等咗一陣就上車～然後又搵個位坐～

個藝術展喺邊度？一程黨鐵就到嘅地方～

同Jeff落咗車之後，行出黨鐵站出口...

『唔...喺呢邊...好似係...』我企喺出口望左望右，『嗰邊？』

「好似唔係喎...」Jeff睇睇部電話，「好似係嗰邊喎...」

『係唔係㗎？』我就有啲唔係好信Jeff...

「係吖～」Jeff指指部電話，「地圖係指嗰邊～」

『吓？地圖唔係指嗰邊咩？』我就指住反方向～

「你真係覺得係嗰邊？」

『係吖係吖～』

「咁...行嗰邊囉～」

過一條馬路...又過一條馬路...

『好似係...嗰邊？』

喺燈位前企定定...左望右望...

『過咗對面再行...嗰邊！』

喺縱橫交錯嘅十字路口行行...兜兜...

『好似係...嗰邊嗰邊！』

兜咗好幾個圈...兜兜轉轉...

『到喇！到喇！嗄！終於都到喇！』終於俾我見到紅磚牆喇！

「係吖係吖～」Jeff拖實我點點頭，「終於到喇～」

『我都話係呢邊㗎啦～』我就拖實Jeff繼續向住紅磚牆方向行過去～

「係喇係喇～叻喇叻喇～」

「梗係～」

我梗係知自己行錯路啦！

而家睇清楚，嗰邊咪黨鐵站囉！頭先我哋咪喺嗰邊囉！Jeff咪就係喺嗰邊指過嚟囉！如果頭先一早就跟Jeff行，咪唔使行咁多冤枉路囉！

不過我就係都唔認衰㗎喇～係都話自己行啱㗎喇～

你估Jeff唔知我行錯晒咩？佢扮唔知咋嘛～

咁佢扮唔知我就更加冇理由自爆啦～

越行越近～終於都行到過嚟...

『到喇到喇！嗄...』我望住面前幅紅磚牆，『終於都嚟到牛棚喇！』

冇錯！個藝術展就係喺我哋眼前嘅牛棚舉行！

「嗯嗯～」Jeff點點頭，「終於都嚟到～」

『牛棚聽就聽得多...過嚟就第一次...』我不時都有留意啲藝術展...

有唔少藝術展都會喺呢度舉行...

之但係我又唔係個個藝術家都有興趣嘅...

又冇咁多時間呢...所以就冇嚟過囉...

難得今次咁好嘅機會...

「嗯嗯～」Jeff點點頭，望實我，「我哋又多咗一個第一次喇～」

『係吖係吖～又俾咗個第一次你喇～』

「咁我都係第一次咋嘛～」

『女仔嘅第一次矜貴啲囉好唔好？』

「咁呢次係我哋共同嘅第一次～係唔係仲矜貴啲？」

『係吖係吖～入去啦～』

我拍一拍Jeff手臂，就拖住佢沿住牛棚嘅外牆行...行去入口～

一入到去，啲建築物都係以紅磚建成～

除咗話參觀藝術展...呢個牛棚都好有參觀價值喎！

繼續行～拖住Jeff邊參觀牛棚邊行...然後見有門口打開咗...我哋就行入以紅磚建成嘅建築物裡～

一入到去...

『有喇有喇～』我見放咗唔少藝術展品，『有展品睇喇～』

係我一直都好留意嘅藝術家—崖鹿，所創作出嚟嘅藝術展品吖！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

同Jeff拖住手咁睇啲展品～

有一幅幅畫啦～有大有細咁掛喺牆上～放喺三腳架上～

啲油畫好多都七彩繽紛～好鮮艷～但裡面啲構圖...

好似又安全左啲

遠離Crystal 保平安

Crystal都唔係好人黎嘅

都話要對Joanne有信心㗎啦

冇錯 冇Crystal搞搞震就安全好多

啲好姊妹就係成日講你男朋友壞話 想你哋散咁

晚

記憶中香港傭兵定港男ff男主角都係嚟牛棚拍拖

小新晚

好幾個故都有牛棚嘅情節

懷疑飛揚淨係識牛棚

一景多用
好環保

俾你發現咗添

勾返起大家嘅回憶

勾返起大家飛揚嘅回憶

每日都會回憶

跟住Jeff 同Joanne 會坐101

啲回憶返晒嚟