【pH值介乎於7飄浮的愛情故事】《一腳踏兩船》(2)

上回講到Jeff早啲打俾Joanne叫佢起身～
點解要咁早？因為今日要拍MV喇～
唔可以要人等㗎嘛～
咁Joanne就同Jeff傾住電話咁準備啦～
好彩有Jeff提佢帶乜帶乜～唔係又唔記得～
同Jeff傾住電話咁出門口～傾住咁搭車～
不過都唔傾得耐～因為又唔記得叉電要留返啲電～
去到個場～係一間學校嚟嘅～
工作人員都到咗喇～準備緊～
一個叫阿Da嘅姐姐就嚟帶Joanne去見見Mark導先～
然後就要去換返套校服～
同Joanne間學校嗰套有少少分別咁啦～仲有就係條裙有啲短咁囉～
換完衫就要去化返個妝先～
入到去已經見個男化妝師準備緊。
Joanne一坐好，個男化妝師就睇清楚佢塊面。
Joanne就只好乖乖坐定定...
男化妝師好快手咁就拎起個掃！掃掃粉又掃掃Joanne塊面！
左掃右掃～上掃下掃～
掃完又搽～搽完又掃～
望望塊鏡～睇清楚左右～又打打陰影～
講真Joanne平時係有化吓妝嘅～但係相比起男化妝師嚟講，差天共地囉！
佢嘅手法又快又準！一步到位咁！呢啲咪叫專業囉～
話咁快，男化妝師就幫Joanne化好個淡妝！
咩叫淡妝？
即係睇落就唔似有化到妝～但啲眼耳口鼻明顯就清晰咗！鮮明咗！
望住塊鏡嘅自己...都好有純情學生妹嘅感覺囉！
男化妝師都望住鏡中嘅Joanne點點頭～好滿意咁～
然後就有個女仔行埋嚟，摸摸Joanne把頭髮：「咁我幫你Set埋個頭～」
『哦哦...好...有勞...有勞...』係髮型師？
跟住既劇情發展又會係點呢？



準備出文