【pH值介乎於7飄浮的愛情故事】《一腳踏兩船》(2)

飛揚

920 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁

飛揚 2024-12-24 19:04:40

離遠咁望係冇問題嘅～

「OK！Hold住吖！試吓呢個角度...係喇係喇！笑多啲！加油加油！」

可以好自然咁～當正係睇Jeff練波咁～

「OK晒喇！跟住就...」Mark導點點頭，睇睇份劇本，「要幫LB抹汗...」

要幫LB抹汗？

「係喇...俾包紙巾Joanne...」Mark導又手指指...

阿Da就立即拎咗包紙巾俾我！

『哦唔該唔該...』係我要幫LB抹汗？

飛揚 2024-12-24 19:05:27

LB已經帶住微笑行到嚟我面前：「呢個位？」

Mark導就指指：「後啲...嗰邊多啲啲...」

我同LB就跟住Mark嘅指引行後啲...左邊多啲啲...

「再後啲添...」Mark導再指指，「嗰邊有陽光...用自然光...鏡頭呢邊...係係背背地光咁得唔得？」

大家都準備好...

「好好...預備...Action！」

我就幫LB印印汗...

又喺啲咁近嘅情況之下...好難幻想係Jeff...

搞到我好鬼緊張...

飛揚 2024-12-24 19:06:49

「好好...繼續...印...印...」

尤其係要咁近望住LB嘅笑容...佢對識發光嘅眼神...殺死人...

搞到我心跳越嚟越快...仲Feel到自己塊面有啲熱...有啲紅...

我諗都唔係有啲...應該都紅卜卜...

「係喇係喇...就係咁...Joanne望住！望住LB對眼！」

仲要我望住LB對眼...有啲難...

我想迴避...但又要迫自己望實...

「係喇係喇～Keep住！Keep住！」

我又好似Keep到又Keep唔到咁...

飛揚 2024-12-24 19:07:31

「啱喇...啱喇...Cut！Good Take！」

『呼...』終於搞掂...

個心就快跳出嚟囉！塊面仲要勁熱！一定紅晒啦！

咁近咁同LB對望喎！真係失禮死喇...

不過總算叫做搞掂啦...

LB都帶住微笑向我點點頭～

係唔係都滿意我嘅表現吖？

Mark導又指指：「幫佢哋兩個執執個妝先。」

化妝師同髮型師都走到過嚟幫我同LB印印汗吖～補補粉吖～再梳梳把頭髮吖～

飛揚 2024-12-24 19:08:50

雖然都係拍咗幾個鏡頭，但都搞咗好耐...

拍MV都咁...拍戲咁點算？

咁我又唔使諗咁多嘅～諗拍好個MV都夠啦～

希望跟住都可以順順利利就好喇...

補完妝梳好埋個頭...

「好！」Mark導又拍拍手，「跟住就係喺操場追逐！試吓Joanne追LB先！」

『哦好好...』我行去操場，『呢度？』

「OK㗎喇你嗰度！」Mark導俾個OK手勢，「LB都過去嗰邊！盡量喺有光嘅地方吖！好預備...Action！」

我就追住LB嚟跑！

飛揚 2024-12-24 19:09:34

雖然話著住裙...但我又唔會話好難跑嘅...

平時都會同Crystal跑嚟跑去㗎啦～

我就好似平時咁～跑住咁追LB～

LB又左閃右避～差啲差啲～又唔俾我捉到咁～

「OK～試吓到LB追Joanne！」

一聽到Mark導咁講...LB就立即轉身追過嚟！

『嘩嘩嘩！』我就立即轉身跑！又左閃右避！

飛揚 2024-12-24 19:10:46

又係差啲差啲...又捉我唔到咁～

不過分別在於係LB冇出盡全力追我姐～

我就好努力咁左閃右避㗎喇！

「OK～又換Joanne追LB！」

我哋兩個就聽住Mark導嘅指示...喺陽光照射下嘅操場上你追我逐～追追逐逐～

都追到我喘晒氣...不過又玩得幾開心～我同LB都笑晒口咁～兜住圈咁左閃右避～後退兩步又轉身跑～

就喺呢個時候...

「LB捉住Joanne！」Mark導一講完...

LB就一手捉實我！

飛揚 2024-12-24 19:12:14

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～