【pH值介乎於7飄浮的愛情故事】《一腳踏兩船》(2)
飛揚
920 回覆
6 Like
0 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁
嚇到認錯人
早
揸𨋢早
各位早晨
天氣唔錯
天氣唔錯
上回講到世事又邊有咁多突如其來嘅改變吖～
但往往就係咁出人意表～
小息Crystal又捉走咗Joanne～又阻住人拍拖～
又傾開有冇收到通知啦～
Joanne未睇IG喎～
咁就快啲睇咗先啦！
又真係有通知！仲真係LB個經理人Macro Send過嚟！話取錄咗Joanne添！
嘩！好驚喜呀！
不過Joanne就唔知應唔應好嘅...
點解唔應吖？機會難得吖！打咗過去先啦！
Joanne俾Crystal推之下就打咗過去～
仲同Macro約好時間上去佢哋公司傾添～
收咗線之後...Joanne都仲喺度諗諗...諗緊...
「喂喂喂點吖點吖？」Crystal又搖搖Joanne手臂！
『約咗放咗學四點上去佢哋間公司喎...』Joanne睇睇個Dm...Macro好快手就Send埋佢哋公司個地址俾Joanne...
做嘢真係快手...大人嘅世界就係咁快手快腳？
「好勁呀！」Crystal又嗌到勁大聲！「做明星喇！做明星喇！」
『喂細聲啲啦！』Joanne撳住Crystal個嘴！『做乜鬼明星吖？拍個MV咋嘛！』
「唔唔唔...」Crystal掙脫咗Joanne，「同大明星拍MV！仲要做女主角！仲唔係明星吖？」
『唉唔鬼知吖...』即係除咗話唔鬼知係唔係做明星...仲好似唔鬼知...一啲嘢...
係啲咩呢？
總係好似有啲好重要嘅嘢唔記得咗...
又好似應承咗啲嘢...頭先應承咗Macro放學上去...嗰陣...好似...
放學...今日放學...係喎！今日放學！Joanne應承咗話同Jeff放咗學去睇藝術展㗎！！！
跟住既劇情發展又會係點呢？
準備出文
[Day 05－意料之外] PART 02
『大鑊！』唔記得咗添！
「咩事咩事？有咩咁大鑊？」Crystal都俾我嘅大嗌嚇咗一嚇！
『我唔記得咗放學約咗Jeff去睇藝術展呀！』點解我咁都會唔記得㗎？！
「哦～～～」Crystal冇所謂冇所謂咁嘅樣擰擰頭，「仲以為咩事添～」
『咩仲以為咩事吖？最衰都係你啦！係咁叫我打去打去打去搞到我都唔記得咗！』係咯！我自己就唔會唔記得嘅！都係Crystal煩鬼住晒！
「有咩咁衰姐？」Crystal仲係冇所謂冇所謂咁嘅樣，『你而家咪又係記得～」
『而家記得咁又點吖？有鬼用吖？死啦咁點呢...』撞到啪啪聲喎！
「有咩點姐？同Jeff講約過第二日囉～」Crystal講得好輕鬆～
『吓...』約過第二日吖...
『大鑊！』唔記得咗添！
「咩事咩事？有咩咁大鑊？」Crystal都俾我嘅大嗌嚇咗一嚇！
『我唔記得咗放學約咗Jeff去睇藝術展呀！』點解我咁都會唔記得㗎？！
「哦～～～」Crystal冇所謂冇所謂咁嘅樣擰擰頭，「仲以為咩事添～」
『咩仲以為咩事吖？最衰都係你啦！係咁叫我打去打去打去搞到我都唔記得咗！』係咯！我自己就唔會唔記得嘅！都係Crystal煩鬼住晒！
「有咩咁衰姐？」Crystal仲係冇所謂冇所謂咁嘅樣，『你而家咪又係記得～」
『而家記得咁又點吖？有鬼用吖？死啦咁點呢...』撞到啪啪聲喎！
「有咩點姐？同Jeff講約過第二日囉～」Crystal講得好輕鬆～
『吓...』約過第二日吖...