【pH值介乎於7飄浮的愛情故事】《一腳踏兩船》(2)

「OK～」阿Da行到嚟我身邊睇睇，「起身睇睇～」

『哦哦...』我就起身俾阿Da睇睇...

阿Da由頭打量到落我對婆仔鞋...點點頭...又幫我拉拉條腰帶...再點點頭...

整好埋件校服...

「OK喇～」阿Da好滿意咁點點頭，「去俾導演睇睇先～」

『係...』我就跟住阿Da，行去搵導演。

離遠已經見到Mark導...仲有LB！

LB已經著上一身運動裝！

我被LB嘅光芒吸引住...視線從來冇移開過咁向住佢行過去...

唔使幾耐...

「導演～」阿Da帶我嚟到Mark導面前，「Joanne都OK喇～」

Mark導打量我全身...點點頭...

而LB都帶住微笑向我點點頭：「早晨～」

『早晨...』喺咁近嘅距離望住LB...佢嘅光芒就更加耀眼！

運動Look喎...更加有陽光氣息...身上就好似不斷發出陣陣光芒...

發咩光姐？陽光射落LB身上咋嘛！

「嗯～OK！」Mark導點點頭，「咁我哋講返第一場先喇！」

「嗯～」LB點點頭～

『嗯嗯！』我都跟住點點頭！

第一場？係咯要做啲乜呢？

「好簡單㗎姐～」Mark導睇睇劇本，「LB就喺籃球場練波～咁Joanne就偷偷望住佢...然後就衝過去表白～」

『吓？』偷偷望住然後就衝過去表白？

咁都叫做簡單吖？！

「嗯？」Mark導打量住我，「有問題？」

LB就帶住微笑：「咁你都要話俾人聽要有啲咩Feel㗎～」

呃...係咯係咯...咩Feel？

Mark導攤開手：「我以為表白已經講咗個Feel㗎喎...OK OK～咁你哋都係初戀嚟㗎嘛...咁女仔第一次對自己鍾意嘅人表達心意...嗰種...嗰種...青...澀...明唔明？」

『唔......』講咗㗎喇？

「OK～試一次先～試試個Feel係點先～」Mark導拍拍手，「全世界準備～」

LB笑笑口咁點點頭：「OKOK～」

『OK...』OK囉...

工作人員都準備好～揸機嘅都準備好～

LB都拎埋個籃球走去籃球場...

「Joanne呢個位...係係冇錯...準備準備...Action！」

偷偷望住LB打波...

「Cut！再嚟過...」

就係偷偷望住LB練波...

「Cut！唔...再嚟過...」

淨係偷偷望住LB練波都拍咗十幾個Take...

我都係唔知Mark導想要嘅Feel係咩Feel...

或者係...咩Feel都冇？

我都唔知...

偷偷咁望住LB練波...佢係有姿勢有實際...係吸引嘅～

之但係呢...即係好似差緊啲...差緊啲...差緊啲乜呢？

「Cut！唔......再...」就喺Mark導都未講完...

「等等先！」LB跑咗過嚟！

「OK...」Mark導點點頭...

『呼...』仲以為會好似之前做神秘顧客咁易添...

「點吖你？」LB跑到嚟我面前，打量住我，「好緊張咁喎～」

『少少啦...』原來拍MV同嗰陣做神秘顧客好唔同...嗰陣啲經驗都用唔著...

「唔使咁緊張嘅～」LB帶住微笑擰擰頭，「放鬆啲得㗎喇～」

『Sor...Sorry啦！搞到你出晒汗咁都未拍好...』雖然話朝早...但而家咁好天...再加上都真係拍咗十幾個Take都搞唔掂...

「都話唔使咁緊張～放鬆啲～」LB抹抹自己啲汗，「出汗先好吖～夠真吖嘛～唔通練波冇汗出咩？又唔係賣止汗劑廣告～」

『哈～』都係嘅～

「係怕臭親你姐～」LB退後兩步～

『唔會唔會！』我擰擰頭，『我班男同學先臭...佢哋小息打完波返上嚟總係鍾意坐喺冷氣機前狂吹！』

對比起我班男同學嚟講...LB又真係冇乜味咋喎...

「喂出完汗狂吹真係好爽㗎喎～」

『係好爽...唔止一個呢...成班都係咁吹...吹到成個班房都臭晒...』

「咁咪成個班房都係男人味？」

『臭男人味就真吖！』

「咁應該喺當中冇你鍾意嘅男仔啦～」

『又真係冇喎...』

「好明顯啦～如果有嘅話...你會覺得係香㗎囉～」

『會唔會吖？』

「鍾意嘅人放個屁都係香㗎啦～」

『唔會囉～』

「咁你鍾意嘅人唔打波？」

『唔...唔打...』

「咁唔怪得啦～你要試吓...代入...自己鍾意嘅人係打波嘅～」

『自己鍾意嘅人...打波...』

「嗯～幻想吓～代入吓～投入啲～」

『唔...嗯嗯...』

「好咁我哋再嚟喇喎～」LB向Mark導揮揮手，「OK喇再嚟啦！」

「OKOK！」Mark導拍拍手，「全世界準備！埋位埋位...Action！」

代入...自己鍾意嘅人係打波...

我偷偷望住LB...

鍾意嘅人...

望住LB帶波上籃...

鍾意嘅人...Jeff...打波...

Jeff打波...帶波上籃...

Jeff每一個動作都好專注...又好努力...

常言道男人專注做一樣嘢...係特別有魅力...特別吸引...

冇錯...一直吸引住我...Jeff嘅一舉手...一投足...將我嘅靈魂都吸走...

「Cut！」Mark導大嗌一聲，「Good Take！補返Joanne啲近鏡吖吓～Joanne繼續！繼續好似頭先咁！」

『哦哦...』就係咁？就係好似頭先咁？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 07－一日拍攝] PART 02

「試吓喺呢度影...」

我就好似頭先咁...

已經將[Day 07－一日拍攝] PART 01 Upload上Penana

mola molaJeff仔好大頂綠帽喇

俾啲信心 信心係好重要㗎

唔似咁簡單喎
Joanne 有咁專一咩

望住佢心心眼呀
今次LB食硬學生妹啦

而Jeff又有咁聰明咩

暫時都算叫做專一㗎喇
話晒大明星喎 點都會望多兩眼啦

冇心心眼 冇啲咁嘅事
一定係眼花

Jeff唔係蠢 係老實姐

我邊有話佢蠢
咁快衝出黎
暗示左Jeff之後嘅經歷會係點

之後眼花認錯人
跟左LB返屋企

老實咪碌柒囉

衝出嚟老實
有暗示到咩

跟住就….