呢篇報導講Ubi嘅嘢係意料之內,因爲Ubi嘅財政仲有一條隱形水喉射住。
就齋講開發AC: Shadow嘅Ubi團隊,佢哋係屬於加拿大滿地可(Montreal)嘅開發團隊,由於加拿大政府由道魯多總理上任之後大力推行政治醒覺、同性戀權益議題,好多政府funding都傾向將撥款交俾最大力推WOKE嘅機構。而Ubisoft所在嘅Montreal屬於魁北克省(Quebec)一直以來都坐擁聯邦政府極大嘅資源財富,因爲佢哋係道魯多總理多年來主要票庫之一。
Ubisoft嘅HR曾經親口同我承認,公司同滿地可政府、魁北克省政府、聯邦政府都有密切往來。Ubisoft將總部設響Montreal嘅原因就係爲咗撥款同稅務優惠。Ubisoft甚至同政府簽咗協議,必須要僱用本地人(滿地可居民)作爲公司員工。換言之,如果你想入Ubi做嘢,就一定要親身搬去當地。
有關Ubisoft推Woke同加拿大政黨有關嘅事,唔只咁少嘢,就連Sweet Baby Inc.嘅CEO,即係前身係Ubisoft員工果位女士,同樣都係攞緊加拿大政府撥款、資助同優惠嘅人。
咁嘅情況,只要道魯多唔倒台,唔換政黨,Ubisoft同Sweet Baby Inc繼續靠政府撥款、優惠、津貼都未會咁快死得住。以上嘅嘢,唔算係咩爆料,因爲有好多業界人士都已經私下講咗好耐,加上嚟緊加拿大要大選,所以好多人都睇緊今鋪Ubisoft唔知過唔過到。只係香港呢邊嘅朋友唔多留意加拿大果邊嘅消息,響呢度同大家講講啫。
利申:小弟目前響加拿大嘅遊戲公司返工,前任上司正好就係而家響Ubisoft Montreal做緊。