【甜故】我愛上咗個Miss，點知發現佢係淫底

就喺呢件事發生咗之後，我哋都依然不時去做愛。只不過我覺得薇薇好似變咗，佢以前有啲浪漫嘅感覺，就好似佢會諗到傳紙仔呢樣嘢嚟代替直接嘅口頭邀約。但依家佢直嚟直去，唔再同我玩傳紙仔。

完事之後，我總覺得好似有啲乜嘢異樣，但又講唔出有啲乜嘢奇怪嘅地方。我換上衫，望住仲換衫嘅薇薇，佢仲扣緊鈕。

我見佢一直都扣唔到肚嗰度嘅嗰粒鈕，本來冇諗啲乜嘢，只係覺得佢可能肥咗着唔落啲衫。但我望真啲佢尚露出嘅嗰個肚，覺得有啲唔對路。

我上前望實佢嘅肚，呢個時候佢已經扣好衫鈕。佢見我貼得咁近，就反而除咗嗰粒鈕，去畀我睇。

「我仲諗住你會早啲發現。」佢話。

「發現乜嘢？」我問，但內心開始湧現一個諗法。

「我都係前幾日先知。」佢話，同時溫柔噉撫摸佢嘅肚。

我嘅心臟忽然急跳。

然後，佢嘅雙眼從肚皮轉到我對眼，輕輕噉話。

「我有咗BB。」

平實嘅地板此時此刻旋轉起嚟，令我諗起我以前成日發嘅嗰個噩夢。喺個夢入面我喺斜坡度，無論如何都企唔穩，最後失去平衡，碌落無盡嘅斜坡，夢就乍然結束。

但呢個時候嘅我，身體亦漸漸失去平衡，幾乎要滑落去。

但轉念一諗，仲有一個更重要嘅謎團仲未揭開。眼前嘅薇薇講出有咗身紀時，冇乜傷心嘅反應，反而嘴角微微朝上，即使唔係歡天喜地，亦都證明佢冇因為呢個狀況而惆悵。

我不由自主噉拗頭，唔知應該點樣回應。心中嘅問題，既想講，又唔敢講。

「但⋯⋯但⋯⋯噉⋯⋯呢件事，係件大事⋯⋯」我支支吾吾，乜嘢都講唔出口，唯有問出呢個問題「⋯⋯個肚幾大？」

「三個月啦。」佢話。

我腦入面做咗條數學題，發現如果係呢個時間，噉的確⋯⋯的確⋯⋯我可能就係⋯⋯

然後我必須冒住風險去問唔單止關乎薇薇，亦關乎我未來嘅大哉問。

「有冇乜嘢需要幫手？你大咗肚咁大轉變應該有好多嘢要準備。」我話，心入面嘅問題仲係唔敢講出口。點解會噉？我點解會唔夠膽講出口？我真係個廢物！

「幫手？你唔係想問呢樣嘢呀嘛？」佢話，「我提起我有咗幾多個月時，你個表情明顯有異動。所以，你應該有其他嘢想問。」

「我⋯⋯」我仲猶豫，唔知道自己願唔願意面對真相。

「你想知個BB嘅爸爸係邊個，係唔係？」佢問。

我鼓足力氣微微點頭。

「個BB嘅老竇⋯⋯」佢話，停頓咗幾秒，「⋯⋯我唔知道。」