［選擇困難症］買唔買Kindle/Kobo/e-reader好（20）暨交流區

黑色控 · 2024-08-17T17:11:57+08:00

有問題嘅巴絲可以花小小時間睇咗呢頁先（辛苦咁多位巴絲幫手整理）如果都係解決唔到你嘅問題嘅話歡迎發問我地會好樂意解答你嘅問題常見問題整理 Calibre (入書落Kindle嘅好幫手）下載link： https://calibre-ebook.com/download 1. 用ipad睇書唔得咩，點解要買多部eink Reader? eink reader好似睇真書一樣唔會每隻眼咁容易攰同唔舒服長期睇書就啱晒你但如果睇開pdf既就用返ipad之類既tablet 因為機能所限一zoom in out會lag到想扔爛部機 2. 咁多E ink Reader，買邊部好？睇英文書就買kindle啦中文書都有但好少正體（亦都可以係其他地方買完再入落Kindle) 唔想咁麻煩咁睇正體書就可以揀返 readmoo kobo 之類ereader 而Kindle都分不同版本根據價錢由低至高分別係 Kindle Kindle Paperwhite Kindle Oasis (有實體掣) Kindle Scribe (10.2吋mon) 而Kobo 價錢由低至高分別係 Kobo Nia Kobo Clara 2E Kobo Libra (有實體掣) Kobo Sage (有實體掣) Kobo Elipsa (10.3吋mon) 而有好多features同大小都有分別既可以Google睇下豐澤部份分店有Kindle/Kobo E ink Reader比你試下用，部分誠品就有Kobo試下 3. 邊度有繁體電子書賣？ Kobo https://www.kobo.com/tw/zh Google Play圖書 https://play.google.com/store/books?pcampaignid=BOOKS_WEB_WELCOME Readmoo https://readmoo.com/ 建議先去各自網上書店睇下有興趣既書集中邊間唔介意用 Calibre 轉 format 就買邊間都問題不大 (台灣 Kobo 特價書抵過香港，只要填台灣地址轉用台灣 Kobo 網買書就得) (Readmoo 暫時都無辦法 download 到你買左既書出黎解 DRM 轉 format） 4. 點樣簡體轉繁體？ calibre（ https://www.mobileread.com/forums/showthread.php?t=275572 ）用簡轉繁字體（先將firmware update到最新 http://jdev.tw/blog/5389/kindle-customized-font ） 5. 係kobo/Google買左書，點將佢放入Kindle睇？ Calibre幫到你 https://iamfugue.net/kindle-google-play/ 6.想橫排轉直排？可以用呢個網轉 http://ebook.cdict.info （天火藏書）或者用番Calibre嘅簡轉繁plugin都有呢個功能詳細教學（感謝海綿寶寶巴打）我隨便分享下我做法（唔知有冇更好嘅做法）我用mac版calibre，應該同windows一樣 1. calibre>偏好設定>取得外掛>搜尋格：traditional<->Simplified Chinese Converter>安裝之後重開軟件 2. 然後拉你本簡體書入calibre (唔講deDRM，要解書另文講好啲）乜格式都好，轉一次檔做azw3先（個別轉換，輸出格式揀azw3）（之後我會刪剩azw3，統一用azw3，因為上網啲人話mobi唔支援直排?） 3. 右制>編輯書藉>plugins>convert chinese text... 自己按需求揀設定，繁體，直排 4. 轉完之後應該就可以，但我自己遇到多一個問題，應該係個plugin寫唔好(可能mac先有依個問題)，佢啲標點喺kindle度睇會九十度轉咗...... 所以我會喺偏好設定>轉檔設定>搜尋與取代，改左啲標點例如： ︐ 轉做， ︓ 轉做： ……轉做⋯⋯ ︒轉做。另加：如果想邊界攞盡啲，我會喺外觀>樣式加以下一段： @page { margin: 2%; } 不過喺kindle就變相冇得改margin 上網有人討論更多CSS，不過唔講咁多，未必有用之後再轉一次檔就完成 5. 另外我會裝思源黑體睇（上網搵個字型，拉入font folder，要更新firmware做最新先有），咁樣啲標點先會置中而唔係側埋一邊希望幫到新手嘅巴打 7.廣告版 (with Special offer)同非廣告版(without Special offer)有咩分別? 廣告版同非廣告版嘅機能係完全一樣分別只係在於一個待機時會有廣告畫面所以廣告版會平幾舊而廣告只會係待機畫面同揀書meun先會出現你唔洗擔心會唔會睇睇下書迫人睇廣告但如果有書套嘅話非廣告版一開書套就會自動著mon同解鎖而廣告版只會自動著mon但需要手動解鎖買咗廣告版但唔想見廣告嘅話都可以用Amazon客服講番你係香港用唔著個special offer 佢就會幫你remove咗佢