（青春／甜）《一個書生既Player故事》(3)

958 回覆

216 Like 11 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁

花小姐 2017-08-24 23:19:53

好，又經歷千辛萬苦終於都開到第三個Post

再一次多謝追咗文就黎半年既讀者！

你地真係好癲狂

無你地我寫唔到咁而家

如果鐘意既話俾個正評我等我開心下啦

______________________________________________

第一次入黎既朋友，呢個故係前傳，順序請先睇大學故多謝合作

追ＰＯ請按：

（甜）一個普通女仔既大學故事
https://lihkg.com/thread/33005/page/1
https://www.shikoto.com/i/Ejg

（青春／甜）《一個書生既Player故事》
紙言：https://www.shikoto.com/i/Epa
https://lihkg.com/thread/123019/page/1

（青春／甜）《一個書生既Player故事》(2)
https://lihkg.com/thread/265336/page/1

花小姐 2017-08-24 23:20:27

我主動走埋去水會既Booth，身高約165既黑色連身透視裙姐姐一見到我就行埋黎，搵對手撓住我，仲請我食波餅，好彩老納見多識廣，無因為咁而暈晒浪。

「Hi，係咪想報水會O Camp呢？」

「你地個Camp有咩玩嫁？」我又問返同一條問題。

「我地係全City最好玩既Soc，係去長洲搞，叫得水會，緊係會落沙灘玩水～而且完咗O Camp我地唔會係Hi-Bye Friend，會Keep到不停Re-u，有好多船河、獨木舟、Party，無一個Soc好似我地咁。如果你鐘意玩水上活動，一定要報呀！」

我終於聽到有Soc玩既野係有D唔同，不過就算一樣我本身都打算報名。

「好呀。我要報名～」我無多作考慮就話報名。姐姐放開手，俾咗張Form我填。

「你似係早有預謀黎報我地O camp，識貨呀。」

「緊係啦，岩岩問大O啲人有咩好玩既O Camp推薦，佢話水會出名玩得癲，岩晒我。」廢時陣間又話Waiting list，要Sell下自己R下分先。

「講得岩阿，睇你個樣都知你玩得。 Btw我叫Cammi，係Yellow既組媽。」

「叫我書生啦。」

佢摸一摸我既手臂，帶點淫盪既感覺話：「睇你個身形，都似做開運動喎！你係咪打開籃球嫁？」

「好眼力！我真係打開籃球既。」

「Eric你有腳同你一齊打籃球啦！」Cammi對住格離一個身形同我相約，即係身高近180cm，手腳都有啲老鼠仔，正常樣既Eric講。

Cammi：「你咁靚仔，身形又Fit，唔做Model晒曬啦！實好受Dormate歡迎～」

「邊有咁誇張。」我忍唔住笑咗，咁都好意思講得出口既。R水吹R到傻咗？

突然發現佢頭頂有啲頭髮亂咗，我話：「唔好郁。。」

跟住伸手幫佢輕掃佢既頭髮，打理返整齊。再摸摸佢個頭抽下水。

Cammi有啲反應唔切，有啲怕醜唔知講咩好。

「岩岩你個頭亂咗，幫你整返好啦。」我對住佢痞痞地笑。

Eric望到我幫Cammi整頭髮，係度忍笑，感覺佢都係成日食女既同道中人。

習慣咗添，好似唔小心Flirt咗人。

「幫你影張靚仔相先。。」

「等我地電話，會通知你幾時第一次Gathering嫁啦！記得O Camp前留返D日子俾我地出黎玩阿！」組媽Cammi話。

水會好似少D人報名，唔洗入Waiting就有得玩。

突然有許期待O Camp。

行晒所有Soc，再上去Hall Tour咁就行完呢條木人巷。。

我想講本身分幾鐘可以行完既路程，行咗我個幾鐘。

就好似嘉年華一樣。

周圍都係唔同Soc既Poster，有人染髮染到五顏六色，有人返學著住頹T拖鞋周圍行。。

大學俾我既第一印象好Free，比起中學既人更加有活力。

不過凡事只睇表面好易中伏，所以有三年時間俾我去體驗大學既生活。。

花小姐 2017-08-24 23:21:07

「江柏琪。。你今日返去點呀？有無報O Camp呀？」我問江柏琪。

「學校D人好Nice呀！好似幾好玩！D人話O Camp好Chur，所以我淨係報咗一個大O咋。。」

我鬆一口氣，好彩江柏琪都會玩下O Camp。

「我都報咗大O，不過入咗Waiting唔知有無得玩。所以報多咗個水會，超正喎，睇片有得去沙灘玩。」

「仲有呢。。我報咗名Reg hall。。」江柏琪話。

「點解呀？」咁咪即係要搬離我屋企既意思？

「咁當初你屋企人話去意大利兩年幾，而家都差唔多時候。我都係為未來既住宿準備下，我唔想遲D又要返屋企住。。」

「又唔早D同我商量下！我屋企人都未有消息，你隨時住多年都得，唔洗咁急報Hall啦。仲要一個Sem又俾幾千蚊。」

「我無諗呀，係今日行Reg Day見到有得報Hall，咪報埋。況且要抽都未必有得住啦！」

「俾你激死。」

俾江柏琪提一提，等我打個電話俾呀媽問候下先。

「仔，做乜咁好打電話黎呀。」

「無呀，岩岩入大學注冊完，見無野做咪打俾你。」

「你係咪唔阿錢洗？我陣間過數俾你啦。」

「都係嫁，要交學費。」我都係唔好轉彎抹角：「Btw，我想問你地幾時會返黎呀？都就黎兩年。」

「你講返黎住？其實意大利真係幾好住，係熱咗少少，有D唔想走。哈哈哈。但係婆婆呢排身體唔係咁好，我諗唔可以移呢住啦。」

「哦。。咁即係幾時？」

「無咁快啦，老豆搞埋D返工野都最快都要聖誕先返。Firm咗再話你知啦。」

「明白。。小心身體呀！」

「乖。拜拜～」

屋企人又真係就黎返。。

江柏琪仲諗得遠過我。

唉，借來既時間總係要還的。。

同居既日子係會完結的。

不過我無同江柏琪講，反正佢都報咗Hall，如果真係佢真係有Hall住，咁都要去適應。。

係佢搬走之前，我又幾時先搵到個好機會同佢表白呢。。。

林書生 2017-08-24 23:50:52