（青春／甜）《一個書生既Player故事》(3)

仆你個街文呀樓主

去埋大學注冊整學生證，返宿執下行李，轉眼間就到咗五點。

天氣轉涼，我著咗件外套先出去。

Michelle有朋友喺度，應該會提佢呢度日夜溫差大要著外套先出去掛？

咪啦，都係帶多件外套穩陣，陣間Michelle覺得凍都會有衫著。

我特登搵個背囊出黎放件外套。


我坐地鐵去到Amsterdam Centraal站，個車站又大又靚，成座迷你城堡咁，單單係個車站已經係景點。

Michelle換咗身休閒既打扮，One piece背心裙，加多頂Cap帽，簡單得來已經好有氣質，果然人靚係著咩都好睇。

我係車站入面打俾Michelle，原來佢同我一樣早咗出去，所以約七點，我地五點半已經見咗面。

Michelle個朋友係一個短頭髮既男人婆，身材瘦削，著住黑色T恤、牛仔長褲，單邊耳仔戴上咗黑色耳環，我懷疑佢係一個TB。

「佢係Eve，係我人院既組媽，佢份人又Nice又搞笑，有咩都可以問佢。」Michelle介紹。

「Hi Eve，我係書生，同Michelle玩水會船P果陣識既。」我都簡單介紹，再問：「Eve，今晚既晚餐有咩好介紹？」

「去食扒啦好無？」Eve似係早有準備。

「好呀，你話事。」反正我咩都唔識，又無係市中心行過。

我地沿住大街行，好快就到咗小巷一間餐廳，我揀咗安格斯牛扒同一杯Mojito。

係度食扒既性價比好似高D。

「點呀，今晚你想去邊度玩？」我問Michelle。

 「就快天黑，其實去玩既選擇唔多，博物館都收晒，去過兩條街紅燈區行下囉。」Eve話。

「好呀！！我好有興趣！！」Michelle好興奮咁話。

睇佢個樣斯斯文文，估唔到會咁熱烈地話要去紅燈區。

食完飯，我地走去紅燈區。

「天氣好似涼咗好多。」Michelle話。

「著住我件外套先？」我係背囊拿咗我早有準備既外套，醒目呀林書生。

「好呀。唔該晒你。」佢當然唔會知我係特登拎俾佢。

「好大陣好臭既煙味。」Michelle話。

愈進入紅燈區，呢種刺鼻既臭味就愈濃烈。

「呢啲係大麻味。」Eve話。

我喺酒吧返工都聞過依陣味，估唔到喺我地既社區都有毒品既存在，離我這麼近，那麼遠。

Michelle又開社會台：「喺荷蘭黃毒都係合法，放任既政策反而令佢地既犯罪率極低，上網仲話五間監獄因爲囚犯人數太少，要關閉監獄，搞到二千人失業轉工。」

「係呀，佢地仲由挪威輸入罪犯去維持監獄既運作。」Eve補充。

「大麻係荷蘭屬軟性毒品，政府唔管制亦都唔鼓勵人地食，可以有選擇既權利，就係我地寶貴既自由。」我話。

「到你有咗自由，就唔會覺得佢有幾大不了，會覺得佢係應份。例如喺香港我地有言論、婚姻、經濟、上Fb既自由，我地唔覺得係一回事，會覺得係必然。」Michelle話。

「你問下荷蘭既居民就知，佢地一般都唔係點食大麻，遊客佔大多數。」Eve話。

「煙草、酒精對身體既傷害更大係眾所周之，而食大麻後都唔會有醉酒佬搞事既問題，因為Stone咗啲人只會乖乖地訓喺度，佢地叫一個Trip，因為好似去完一個精神既旅程咁。有一說係，名作愛麗斯夢遊仙境並不是一個幻想既世界，而係作者食完大麻既觀感。」Eve繼續話。

「大麻既價格仲平過煙酒接近十倍，自己買種子都種得，但偏偏因爲商人要賺錢，大部分國家都會立法禁止大麻既服用，亦都會犧牲其醫學既用途。」我話。

「啱呀，讀多啲社會學同歷史，就發現世界上有好多當權者對低層愚民既玩笑，我覺得所有野都有陰謀，包括你既思想，都係被人設計的。」Michelle話，我實在完全同意。

「可能世上早已有99%醫好Cancer既藥，又或者電話既科技早已可以做個未來世界出黎。但為咗賺錢，所以要分開將啲功能慢慢推出，例如iphone，少少功能既增加就每年出新款。」我話。

同Michelle講野真係同聲同氣，佢諗野好似係我世上既另一半咁，或許我地都係同一種人。

即使到咗夜晚，紅燈區依然好旺場，有好多遊客係度，感覺安全，就算一個女仔黎都唔驚。

每間舖頭都整咗個落地玻璃，一格格，有啲紅紅粉粉既燈光，每格都有性感靚女既妓女喺入面，sm打扮有、校服有、就咁貼咗貼紙落乳暈既都有。

佢地好似公仔咁擺弄唔同既Pose，又伸手勾引客人叫佢入黎。有男客人幫襯，就會拉底窗廉來一場翻雲覆雨。

「只要你有錢，Model級一世都媾唔到既女跪喺度盡情為你服務啦。」我諗起Ken講既野，所言非虛。

比起想叫雞搞野，黎到呢度會更加有遊客既感嘆。

「我地不如一齊去Coffee shop試下隊草！」Michelle提議。

唔要michelle依隻公廁呀

推

Live左

Live左

推

推

又無文

兩日一文
聽晚兩點前更新

兩日一文
聽晚兩點前更新

仲要等

兩日一文
聽晚兩點前更新

加油

加油啊

過左成個禮拜先入嚟 好快就追到live

推佢老母

感覺同理智完全矛盾，協調唔到。

身體無法控制，思路卻比起清醒時更清晰。

唔知Michelle點樣，佢係咪同我一齊Stone咗呢？

我望住佢，好似加咗Filter咁，佢變晒唔同既奇怪顏色，牆上面梵高既Starry Night仲好似識郁。

哈哈哈哈，你好嗎？我對住牆上幅畫喺度傻笑。


我既性慾高漲，好想好想扑野，卻全身動彈不得。

我只能好似殘廢咁輕輕捉住Michelle既手臂。

Michelle捉住我隻手，另一隻手仲輕輕摸我手臂同埋輕撫我頭上既髮絲。

全身既觀感都加強，對事物既反應強烈，連聽首歌都連得更高清，開心既話會更開心，一切既觸感係如此實在、誇張，我覺得Michelle呢一摸，係世上最令人舒服既事。

好幸福。

好幸福。

我忍唔住係度傻笑。

阿，唱咗半個鐘，間店終於肯轉歌了。

係Pitbull, Ne-yo既Time of Our Lives。

好幸福。

同我俾Michelle掂到一樣咁幸福。



估唔到我同Michelle只係第四次見面，就已經咁親密。

第一次係船P，我地已經一齊玩香蕉船，Michelle攬住我同我一齊跌落水。

第二次剛巧喺學校Exchange Talk度撞到，我問佢攞電話。

第三次係飛機上面撞到，我地一齊傾計Deep Talk，又玩飛機既遊戲，仲一齊食早餐，影埋相。

幾個小時既分開，第四次見面，已經一齊去紅燈區，仲係一齊隊草，可以掂到手既關係。

第五次，第六次又點呢？。。

或者，無咗江柏琪，但我可以同Michelle試下發展。。


「喂。。連。。你。。都。。S。。t。。o。n。。e。。埋，咁。。我。。點。。呀。。」時間愈來愈慢，Michelle講野都愈來愈慢。。。

原來Eve都同我一樣訓咗係度，Michelle連煙都唔識食，真係好柒呀，哈哈哈哈哈。

「咁。。你。。睇。。住。。我。。地。。啦。。」喉嚨好乾，我出盡奶力，先可以一粒一粒字咁講：「哈。。哈。。哈。。」

就來講唔到野。

「你。同。醉。咗。無。分。別。喎。。我。問。你，呢。度。有。幾。多。隻。手。指？」Michelle舉起個V字問我。

「兩。。隻。。Ｖ。。有。。五。。隻。。手。。指。。我。。係。。唔。。會。。上。。當。。嫁。。」

「哈。。你。都。傻。唔。晒。喎。。」

「緊。係。啦。。我。郁。唔。到。姐。。同。你。玩。乘。數。表。都。仲。得。」

「九。二。」估唔到佢真係同我玩乘數表。

「十。八。」又估唔到我真係好清晰咁答到佢，係反應慢D姐。

「六。四。」

「二。十四。」我討價還價：「我嬴晒，點罰。你。先？」

「實現你一個願望。」實現你一個願望實現你一個願望實現你一個願望實現你一個願望。。。

「幫我。。打飛機。。」我話，哈哈哈哈，我講完都忍唔住傻笑，又笑唔停了。。。

「咁樣？」Michelle放咗隻手係我弟弟度，揸咗一下，弟弟反應都好大，脹大了。

可惡，如果唔係Stone咗，我仲唔狠狠地將你就地正法！ 

「原來係淫娃。。」我當堂醒一醒。

「原來咁樣可以令到你清醒。」Michelle笑一笑，發現新大陸。

「扶一扶我。」我就黎口乾死。。。

Michelle扶我，等我由攤屍既狀態，變成半挨係梳化度。

再咁Stone落去唔掂。。

「水。。」我同Michelle講。

佢拎咗一支700ml既水，被無力既我一飲而盡。

我既心依然係跳個不停，聲音好像慢慢又變返快，慢慢變到可以正常同人傾計。

Michelle話而家已經過咗兩粒鐘。

「Eve！飲唔飲水呀？」時間差唔多，Coffee shop既店員主動遞咗支水俾Eve。

等到Eve都差不多清醒，我同Michelle（主要係Michelle）扶Eve行返宿舍。

好彩宿舍住得近咋，只係果幾步路都叫人好吃力。

我地三個涼都無沖，就喺Eve張床度訓教，直至第二朝。

一次奇怪的精神體驗。