呢度講緊係新教, 唔包括天主教伊斯蘭教果D, 原因如下
1. 佢地打從心低睇唔起/ 可憐你, 唔會覺得你同佢既地位會平等
基督教既核心思想好簡單, 信者得救, 不信落地獄
你殺左人, 你人生好失敗, 你對唔住個社會, 唔緊要, 真心信主, 神會原諒你, 你會升天堂
你唔信, 話知你係愛因斯坦再世, 定係華陀再世, 救左幾多人, 幫左幾多人, 唔好意思, 你都係落地獄
抱住呢個思想, 佢地永遠都會覺得自己係高級過你既人種, 係神既選民, 而你只係轉瞬間灰飛煙滅既罪人
心地差既基督徒會睇唔起你 心地好D既會可憐你 可能會想拯救你, 導你入教
但佢地永遠都係上位, 除非你都信埋一份
2. 佢地無乜時間同你深交
基督徒既一個星期, 除左翻工食飯訓教之外, 仲要預留時間做以下既野:
一日用黎翻教會崇拜
一日用黎翻團契
一日用黎翻主日學
得閒抽時間"溫聖經"
不定期去教友屋企家聚
視乎投入程度, 不定期要翻教會做義工
大時大節額外翻教會
如果你當佢係普通朋友, 一兩個月約出黎食兩餐飯, 其實唔難
但如果你當佢係你既close friend, 想成日搵佢
甚至想向情侶方向發展, 你會發覺佢根本無時間投放落你度
3. 佢無乜關注/愛可以分比你, 你係佢心入面既地位永遠都係好低
可能你會話"吓, 唔係神愛世人咩, 基督教唔係要教人愛人既咩?"
唔好意思, 佢地愛既係自己D"弟兄姐妹", 唔包你嫁
一個人可以分到出黎既愛/ 關注係有限, 但佢地淨係係教會入面, 就要成日"守望"自己身邊D團友
向上仲有牧師同傳道人
向下可能仲有低年級既教友做佢地mentoe
呢D人可能同佢唔係識左好耐, 但因為佢地都係"神既兒女", 佢地係一個家庭, 而你 永遠都只係一個外人
將D關注同愛分比咁多個人, 每個人可以得到幾多?
其實不難理解, 你試下你上一個交友app同廿個人傾下計, 最後你只係會同其中好少既一部分用心交流, 其他基本上都係hea答/ 已讀不回
而係佢地心中既次序黎講, 相比起果D見得唔多既弟兄姐妹, 佢會優先放棄左你先
4. 以上既情況只係會越黎越惡化, 上面既例子亦未必係病情既終點
你可能會話"吓, 你講果D係耶撚姐, 我識果D基督教好chill唔係咁"
但你要明白基督教既style好好似癌細胞咁, 當佢係人體入面立穩左腳步之後, 就會慢慢向外擴散, 最終佔領曬成個人體
每一個人初入教會, 都係間唔中有時間先去下教會
慢慢佢地就會由兩星期去一日, 變左每個星期去一日, 兩日, 三日
慢慢佢地會由有時間先去, 變左點樣擠時間都要去, 再變左放棄其他外人覺得更重要既野都要去
都係果句, 如果你想同佢做個普通朋友, 無問題, 你準備好隨時唔對路閃人就得
但如果你想同佢精神上建立長期既聯繫, 你就會預左目睹呢一個過程, 見到佢慢慢變成上面既人
5. 其實就算你係基督徒, 同另一個基督徒發展長遠關係, 都係有問題
以上有一部分既問題, 其實唔係有共同信仰就解決到
你可能會覺得, 大家一齊去教會, 一齊翻團契, 咪唔驚無時間陪對方囉
如果你係咁諗, 咁我覺得所有人都應該同自己公司既同事結婚, 一日對住10個鐘 實夠曬相處時間啦 錯曬, 去教會根本就唔係兩個人既quality time
一個投入既信徒 基本上係應該單身, 或者同間教會過世
我識人自己係天主教徒, 同一個基督徒結婚, 最後個另一半都係全心全意投入教會, 段婚姻就形同虛設
其實仲有好多, 例如佢地D金錢觀, 對現世既唔重視等等, 呢D太基本唔打咁長了
總之一句講曬, 真係唔好浪費時間係基督徒身上