[SSSSH]資深髮型師-你問我答@為你解答所有髮型問題#24

咁輕輕介紹下我自己先



-髮型工作從事左17年

相關髮型資歷
-Vidal Sassoon經典剪裁課程
-debut 基礎剪裁課程
-日本TAYA 電剪課程
-韓國JUNO 課程
-明日香日系剪裁 課程
-2046漂髮課程
-金瑋漸變挑染課程
-木節電髮學院
-台灣無差別電髮
-台灣acol 手刷漸變染 光線染


-參與拍攝髮型工作





除左髮型問題之外 都想 多d人接觸或者了解一下有關髮型工作

鑑於舊post 內容都有大量圖片 理論 同埋個post既內容都好多年前

都希望新post會係 精簡 同埋 唔好太多圖片 以免 load既速度同埋用好多數據

更多或其他髮型圖片供參考 或有其他有關髮型問題需要直接對話


都歡迎 直接T 我 (置頂有T)



排名有分順序

2.男女作品圖可供參考(#2 )


3.漂染 上色 用品分別和漂後洗護(#3 )


4.洗護產品 及造型工具 (#4 )


5.髮型與電髮(#5 )



6.GEL頭造型 用品 教學影片分享 (#6 )

女士

漂染 上色 用品分別2022月 10月更新過

漂頭唔一定好爛 做到好想做既目標色都唔一定係會 極乾









上邊紅色既字數係解 頭髮既lv (3~4係大部份正常天生髮質 既色)

通常漂染黎講 至少第一次基本可以去到 多於4lv 以上 即係8lv

由於 亞洲人髮色 黑色 (黃60% 紅30% 藍10% )

基於呢個底色問題 漂完大部份都會出 金/橙 (橙就因為天生本身較黑或粗硬 所以紅色色素相對較多) 如果要上 暖色系既colour 基本上 問題不大



近年除左漂以外 都好流行推淺再上色 或者係推淺既方式去將頭髮既底色做淺


當然最好交比專業既人士幫你去處理
但我認為有一定既認識對 你自己或再同髮型師溝通 或者接納髮型師既建議都係有幫助既

或者我咁樣分類;

髮色現況底色+色膏= 新既髮色

圖中 接近7-8lv 色度 即使唔漂
只可以做到 啞色 DD霧感既色 (某特定既牌子都可以上到藍)

9lv 已經都可以上到大部份既髮色

只要佢唔卡色 所謂既卡色

常見發生情況:

自己上過色 / 紅色系/ 疑似染過深 / 或染深既方式主要用基色系

因為而家染深都好建議 唔好用N 色(基色) 用 深色銅橙系 去代替 基色既紅色素

以便日後轉色都方便D




而家既所有漂粉 一律嚴禁會有熱既感覺或者發漲

否則往後再漂 接駁口或頭髮質感一定係會相對既差
.. 而好既漂頭係需要大量時間慢慢去漂先會靚


而且 漂頭都要因為下次而做準備 所以更加需要D 唔會發漲既以便日後更容易處理接口


而對於接口既處理或者 壓色 沐浴染 對色等 都有好多方法處理到 最緊要係個漂底 唔可以令到個頭髮髮質 變得極差

現時亦有 D Treatment 產品 (eg.X-teatment或 K18.....) 係漂既中途或事前 做一次 我個人感覺 可以當抵消左一次漂既傷害
而且個接駁口 與 極乾既頭髮 或者易斷 有極大幫助

[/quote]

至於 日系色 與 歐色系 最大分別 是 色膏的基礎底色

日系牌子大部份以 灰色做基色底 染後相對較 霧 非漂底下 染完通透感會相對較好

歐系 牌子大部份以 紅色做基色底 染後相對較 實 非漂底下 染完感覺相對也較實

應用以上 唔同既特性 因應需求而決定牌子 或用料




漂染基本打理 注意事項:

頭一星期 洗頭 對keep 色係最大影響

我會建議係用低鹼/鎖色/有色洗頭水護髮素 /去黃

視乎你個人最終打算D 頭髮係點樣處理

當然呢D都係各施各法 可以根據返自己既STYLING 從而去考慮點使用

漂後 對於隻色既打理 我個人係會建議使用返













GUY TANG KG MILBON 既上色護髮素 而洗頭水 就跟返佢果隻 普通而又無話特別KEEP 色


相比起 去黃等等果D 我寧願直接上有色既野 往後都會容易處理D 如果係會再做色之前果兩星期 唔好再使用有關產品 而且請記住用既係咩色 以便追色




而且漂頭的確係會甩得比較快 所以我建議會有一個習慣 係就黎金金地就再去做一次或上多次色




造型打理上:
夾頭髮唔可以用高溫 140~160 如180 請夾快手DD

(除左用 hairbeauron 可以正常使用 唔太甩色)
我有用緊 漂開到180 慢夾都無問題既



吹頭 唔好用太熱既風 大風可以 但熱就唔好教到最熱會比較好

如果漂過既頭髮 盡量都係用 風既熱力去造型
會好過有 夾果d 因為佢一接觸頭髮既溫度太高

基本上一夾就會甩

3.洗護產品及造型工具




洗頭水 一定要跟埋護髮素用 每日 由於酸鹼度問題 當接觸完洗頭水 表層會張開 如果唔用護髮素 表層唔會刪返埋 長期KEEP 住打開 會引致各種問題 髮質差 或 鬆散 毫無線條感可言 打kick 及當chemical 髮質情況會變得更嚴重 而且不易於打理

懶一時 但煩好多時 就唔好啦 因為搽個護髮素 坦白講都好輕鬆
同埋如果 好多時聽到搽唔好掂頭皮 當然而家出左好多專用for 頭皮既護髮素 但重點修護 髮尾既護髮素類型好多都唔建議 搽埋頭皮 怕笠

係呢個時侯你洗完頭 只要輕輕 dup 低頭 頭髮垂下 咁點樣搽底下 都應該唔會點掂到個頭皮既


洗頭水牌子及功用

咁大牌既修護 都係果D 啦
主要如果因為髮質既
會建議用返針對髮尾或修護性較強的產品

DR JUNIOR (京喚羽)(低敏)( 無話特別滑 但隻香茅味好正



MILBON( 都幾順滑 好岩保養用



X TREATMENT( D 頭髮韌返 岩保養用


LEBEL (岩保養用 如覺得笠 可配用 佢隻LYCOMIT 洗頭水)



洗護產品亦都不需一定要 標明 無矽 深層清潔 去油 有機等
正常一把頭髮無咩點chemical 洗髮時 手感唔應該好差(單用洗頭水時)
之後再用護髮素 如有以上問題 要認真看待

超市買到果幾隻牌子都會有呢個問題 (明顯既)
diane
maro
Essential
tresemme


切勿濕髮時使用髮尾油當保養 (髮尾油對佢既睇法應該係化妝品 而非保養品 除非 純頭髮養份既油 由其m 字頭好多 u tuber 介紹果隻)

如果stylist 係相熟 不妨問下有無補充裝或 佢自己既大碌版share 比你




時常覺得笠既 或易敏感 或有頭皮問題

同埋佢地洗造型產品都洗得幾乾淨 mielle橙色果個亦都唔會洗到頭皮好乾
mielle / lebel lycomit

可以試用下














造型工具
風筒
jmw air collection
輕 性價比高 最重要係 有得教到個風勁細
好岩而家 仔細既造型同埋 某局部 需要



缺點: 風罩 好細 需自行配 而且唔算易搵


dyson
輕 品牌 外觀 女士長髮用風罩吹鬈的確幾好用
當jmw 出現後 略嫌佢唔可以教到好細風做再仔細既野





造型夾系


galm plam

係香港未有門市既時侯 我已經有用緊

當然 amk ghd 我都有用過 相對 價錢 之下 夾板既品質 性價比
我會覺得gp 都非常平均 唯一 一個缺點就係外觀 同埋品牌未夠出名
而且佢既外觀 同好多好平既直夾相似 所以都影響左消費者既睇法


hairbeauron

用過就知好 不過留意返 佢唔建議 落左油再去夾 (會報銷 我支4d 試過)
漂後即使高溫 都唔甩色
其他簡介可以直接到官網睇




jmw/dyson/galm plam 如stylist 相熟或者識點買 都可能會比出面平d

好好愛護自己把頭髮 當佢健康時候 整出黎又靚d 你打理又易d 整頭髮都唔洗坐咁耐 日子有功



[/center]

5.髮型與電髮


電髮黎講有分幾個類型



1.想靠電髮將成個髮型轉左佢

2.純粹想令到造型上好睇d 簡易d

3.根據本身面形 髮型 去決定點電點處理


1同3 電完出黎 都均會同以前會有分別同好唔同




而2. 只係幫助造型 同埋 補返本身既缺點

假設 佢本身係好直好彈 好 差出去(連濕既情況下都會彈出去)

就可以靠 壓貼燙 或者將頭骨位或轉彎位 電少少曲線 令佢變得更貼服自然



咁基本上男士電黎講 都係造型上既問題或者直硬彈 想令髮質個感覺軟d 自然d


電完無論髮質同質感 都會唔似 以前舊式既電髮果種手感 粗 鞋 硬

當然如果本身都唔用開護髮素 個質感真係會爭d




女士電髮.

如 面形都算偏大 頭形都偏寬
但頭髮又好直 其實都已經可以考慮靠電去處理

咁當然除左以上既問題 你想令頭髮變得

層次變明顯(因為鬈頭髮呈現層次較佳)

動感 線條 比例

對比起長直髮 更可以調整或修飾面形
用曲線 轉左成個風格



不過以而家 既出品仔細度 都講求客人吹既手法 所以鬈頭髮係比起直頭髮 需要打理

[/center]

5.GEL頭造型 用品 教學影片分享


吹頭好重要! 吹頭好重要! 吹頭好重要!
重要既野真係要講三次
去片(轉載, 唔洗單靠文字咁難明!)









http://www.youtube.com/watch?v=xG69vIn3jWo






常見用品 又幾好用既
類似鹽水 既火山水
比起鹽水 佢個感覺無咁傷害頭皮或頭髮
但都係唔建議長期使用(如果因為懶造型的話)



可前陰用








泥(偏水溶性)






spray(我自己都有用過 全部唔會起白點痴塵)


超硬 噴到hold到一日(最硬)


中度( 自然舒服 唔會好覺spray 既感覺)


輕 可以翻手 翻梳






關於鬈頭髮

視乎長度 細分就效果
有分1-7 強度 最大號碼愈硬 我用開中間 5/6
(短至中長)wax (個人覺得milk mousee 中間)


(短中長皆可)
milk(自然 同埋有護髮既水潤感)
mousse( 會硬d 實淨d d鬈 吹乾後都可以補多少少 但會有d乾身同硬)










如果仲想知其他類型產品 或 gel出黎既效果 你直接留言問我





(文字解說)


洗完頭 最好唔好用護髮素


不過如果拎起手又無鹽水 今日又要hold得非常好
都可以唔用一次半次護髮素

(頭髮遇過洗頭水屬鹼性物質令頭皮鱗表打開 而令到大家互相糾結 形成粗鞋既質感
令到頭髮無咁容易 塔返落黎 但長期唔用護髮素係對頭髮造成極大損害)

個原理好似用左鹽水咁

洗完頭吹乾 至8成
然後攤大隻手 放係 頭頂既髮轉位度

中指指向正前方 條片入面既動作
抓起-----用少少力--抓鬆頭髮--風筒加熱--

--然後用風筒既後面(唔好貼咁近)cooldown d頭髮


你會發現頭頂既頭髮鬆起左 證明您成功

然後再用一隻手指甲既泥(我自己用開水溶性偏高既泥 摸上去 卒開佢有d軟林林既質感)

然後放係手心---初勻---亂掃落個頭度(因為確保每條頭髮既份量唔會特別多特別少)

然後將頭髮掃返曬落力 輕力---然後就造大家自己喜歡既造型
泥 係塑型 真正定到型既係靠hair spray

切勿誤以為加多d泥就會hold到過量既髮泥
因為髮泥比較重身 唔夠霧輕 所以會加重頭髮負擔而更快塔下來

hair spary 就伸直隻手 向頭頂上方噴出 唔會直接射落個頭皮度 會對頭皮造成不必要既損害[/center]

如想send 照片比我望 可t 我
Http://t.me/Simon_wu

女既整得可以
男既好一般

男電 近期研究左個新既方式 將中間電完出黎更挺 仲正


男士都好多細節位 不過唔係人人會留意到咁解或者未能單靠圖片展現到 可能影片好d 既

男 方臉 髮線較高 頭髮幼，而家留緊all back, 想換個髮型遮吓條髮線，有咩推薦

有相可t 黎睇睇

方面唔剷兩邊比較好

https://hk.on.cc/cnt/entertainment/20240512/photo/bkn-20240512193650005-0512_00862_001_03p.jpg?20240512201536

Tyson Toshiba呢個頭點整的？
挑染
咩燙？
幾長？

挑染，如果一般人就電
我諗佢就唔洗 因為有人set 而且佢之前都全漂

所以我諗佢就無電

鬈黎講就普通鬈紋黎 直接相都應該處理到 個stylist

想問吓點樣將頭髮兩邊吹做c型？

向外向後都向前
本身個型係分界定向曬前

想知影結婚相/big day前,有無咩野建議做下等當日狀態好D
同埋通常染咩色調配婚紗

今日心血來潮買左依枝洗頭水試下 捽左2分鐘沖水個陣發覺好膠 好似癡左膠水咁變左一餅野 我想問係咪唔岩我用？
定係單純洗唔乾淨啲hair spray 我已經洗左兩轉 捽左頭皮/髮尾好耐 冇落泥 只係噴左少少輕身嘅spray

同埋想問下用洗頭水之前 係咪用護髮素洗一轉會容易啲清乾淨啲定型野？

睇婚紗既風格
如果好修身 或型格d 無咁多 紗散出黎果d
可以行d 沉色d 或者深冷色系 【剩色可以


不過大部分

暖色系 普遍多d 既

或挑染

我個人就覺得有挑染靚d 不過我見近期多左d 化妝師話唔好挑
【d,客人講返比我聽 】

哦 呢支係咁，換過支
對自己好d

如果你想好清新有 mielle
性價比之選

護髮素關於頭皮既可以考慮lebel rootsupli

我油性頭 想知點解會變一餅野 洗完會打kick 係咪洗完太乾？
但係今朝訓醒個頭都仲係好乾爽 平時都係油+扁 吹頭撇陰睇落都密左
唔係想要清新 只係想去油勁啲 唔想過半日又開始油

唔係好識分冷暖色,有無圖可以參考

lebel lycomit

可試

唔建議盲目追去唔去油 用左一隻正常標準既先去判斷可能會準確d

maro 垃圾。。。唔想係呢個部分多解釋

keep住用既人或者有用過既人都會有呢個問題

之後d,頭髮既質地 變得好怪 好似膠膠地 又成日唔乾咁
然後勁kick

想問有冇隻平少少嘅 有啲貴
如果keep住用maro會唔會好傷頭髮 雖然頭髮有啲kick 但係真係可以全日冇出油

暖



冷

向前