港產片[Fly me to the moon] 但願人長久集中討論區

知易行難

最尾2017父女若即若離好感覺到就算夠成熟原諒到都好都搵唔到嗰一個moment/原因去行嗰步

07年毒癮發作 係間房到喊已經大爆發啦
仲要全套戲每個階段都做得好好

雖然係首部劇情片冇回本壓力
但今套戲既成績唔太好既話會好難再拍到第二套

係呀！亦都係其中一個原因點解首部之後嘅新導演都好少有第二部

https://youtu.be/fWfAhEQW2dk?si=-L-hx55p20JlIH26

呢個訪問都好值得睇
與其話係導演半自傳

同時亦都係吳慷仁同父親之間對話諒解
由12:32左右開始
少少算係演同導之間經歷交錯融合咗呢個故事

吸毒吸到打老婆仔女，見到老友OD死左，又坐過咁多次監，明明甩左都吸返；出返嚟啲女俾曬機會佢，最後自己又OD死
唔明點解會有人幫佢講說話；現實依啲人真係死左佢算

因為係吳慷仁做
的確現實呢種人真係想佢早死早著

咁唔係個個出世都咁叻，社會總有弱者，唔係都冇咁多人吸毒逃避
而且，就算外人睇真係死左佢算
老豆懦弱，一生人最勇係偷渡，結論上改善咗兩個女嘅生活，兩個女生性亦係佢最自豪嘅事
仔女視覺好難100%嬲，尤其成年後望住老豆咁頹，再識諗啲就好似呀妹，明知佢係衰老豆都選擇照顧佢

弱者並唔係吸毒理由嚟，如果係咁社會大把人吸毒
第二，係佢自己選擇做弱者；佢有手有腳，大把工可以做，但佢居然揀帶貨；佢老婆開頭做茶樓，後尾做按摩，但係老公話佢做啲不三不四工；個老豆弱者條路係佢自己揀
最後返鄉下，我相信導演係想拍到種可惜，婉惜感出嚟，可惜我一啲都投入唔到，零共鳴，因為佢老豆真係死有餘辜

同埋唔係就咁一句話咩最大勇氣係偷渡，最成功就係兩姐妹生性就可以令觀眾有共鳴，好多時感情係雙向，前面我完全睇唔到老豆對屋企人好，兩姐妹原諒到係佢哋事
叔叔都係港產片，兩個人都有家室，都有慢慢build up感情；最尾還返十字架，但係經過教堂會入去，希望死左重有機會見到，佢就拍到種可惜出嚟

現實世界啲仔女（特別係兩個女）見到個老母咁慘，一個人養大兩姊妹，一定憎到個老豆入骨啦
套戲既情節同吳慷仁係令人嬲佢唔落，但想同情佢都好難
成套戲唯一一個位令我有啲感動，係覺民用紙條還返$300俾子圓個下
個下會覺得佢似返個人，點知後尾又吸毒坐監

我用一個反思毒品，以佢為戒嘅心態睇就容易啲接受

朱康今次演道友個實感好過濁水漂流好多
同吳慷仁果啲對話勁生活化, 幾交到戲

今日終於睇咗
覺得謝咏欣係做得唔錯，不過同一個時間點嚟講，
我覺得呀妹做得好啲，個種好矛盾嘅感覺，
覺得老豆慘想幫佢但又唔想佢再食，同埋身份認同個轉變都做得好好，上面話唔需要太多線，我又覺得係要有呀妹先突出到家姐係點。

好同意上面講節奏拖太耐，特別係做導遊開始（床戲/居酒屋俾人撩/不停帶團講集合時間等等）到返大陸，呢啲都好出戲，同埋講原生家庭影響自己對感情睇法可以唔洗鋪咁耐嚟表達。

最後呀爸可能臨出發前一晚覺得自己一個返去好寂寞，所以食多最後一次？
加上我諗湖南應該冇路俾佢食，佢唔知幾時先會返香港，不過出返嚟一定會心絲絲想試少少唔驚嘅心態，不過結果都係od 死

剪接上前半part 都唔錯，係金毛個到真係多咗啲，
節奏上可以再快返少少會平衡啲。

兩個女仔起呢個家庭要出人頭地都唔易，好易就變mk妹不過搵食都唔難話哂係女人， 個妹妹好乖好生性， 老豆咁衰大個重好照顧老豆， 又比心機讀書同做保育同家姐有個鮮明對比

我唔係comment佢成個人生/character
只係話去到60 what's done is done果陣
就算想變好都唔係靠意志力可以做到既事

that said 能夠對一個咁既老人有惋惜都我諗係因為已經擺脫左佢控制姐

一個人住咁淒涼 好容易諗唔開 戒煙戒網都難啦 戒毒真係唔知

除左諗唔開
人嘅激素都好影響人嘅行為
好多野都唔係意志嘅選擇

https://www.youtube.com/watch?v=W0ZmTU_QxPA&list=OLAK5uy_lNxAhG6iOLAuWeIrGQXPSK-SEBUP5qGdU&index=1
Soundtrack by Dominique Charpentier

濁水飄流又係見返個仔準備相認先自殺
可能同個女和解咗了咗個心願 又諗起搞成咁返鄉下冇面
太百感交集先食返 唔係純粹癮起

U記嚟

maybe inspired by 家好月圓慶中秋
以前覺得啲男角叫阿家，阿好，阿圓好cls
而家子缺都有哩種感覺

某程度係家姐想細妹成才
唔畀佢做partt time要專心讀書
但又好似因為咁兩人大個疏遠咗

https://www.instagram.com/p/C55NVO5P8MZ/?igsh=MTdiMHQ4c3lrOHY3ag==


吳慷仁睇嚟細個同老豆啲關係
都少嚴峻下
屋企有家暴