港產片[Fly me to the moon] 但願人長久集中討論區

節奏慢咗啲, 個故太着重子圓自己, 但日本個到情節甚至返湖南嘅畫面都無乜意思。搞到子缺、阿媽角色都唔太深刻, 吳慷仁咁勁但都無乜位比佢發揮阿爸過身時, 牽動唔到憎佢/可憐佢嘅情緒

都認同比重可以再平衡少少，不過自己反而都幾鍾意日本同湖南嗰part，一part有啲表現到子圓長大之後無根嘅感覺，一part講佢瞭解返爸爸少少（佢都有懦弱一面）同埋百合花燒到冇曬嗰到都有啲意思，個人感覺都有呢啲情節存在嘅重要性。

同埋覺得其實慷仁每個時間線要發揮嘅位都發揮得好好（雖然話唔係好多時間）譬如第一次飲茶到最後一次飲茶嘅分別，子缺探佢、買風扇等等，到最後同子圓道別嘅場景都好深刻（特別鍾意佢啲語言轉換，好表達到親疏嘅感覺，有時疏離就用廣東話，有時又轉返湖南話）自己個人都鍾意睇呢啲，雖然唔好似慷仁平時嘅電影咁重戲份，但佢出現嘅時候，就連同其他演員一齊表現得好好。

btw啲意象我覺得用到幾娘太明顯，枕頭=佢地唔見得光嘅祕密，呢下好少少。咬牙印手錶做多咗，係酒店個sp咬佢個下，貫穿得有啲低手

認同認同，sp瞓覺突然問手錶然後咬一下係有啲勉強

認同認同，sp瞓覺突然問手錶然後咬一下係有啲勉強

語言轉換嘅心思冇留意到添

吳慷仁最後個樣瘦到，一聽到佢講嘢有少少口音，行為動作就好入戲，好勁

我係第一次睇完之後覺得好睇，都對佢後面湖南話同廣東話轉嚟轉去有啲深刻，於是去到第二次睇特別留意

子缺97年只識講湖南話，但去到07就開始抗拒湖南話，覺得尷尬，儘可能都唔想講呢個語言。只係到咗17年監獄同買叉燒、風扇嗰場又可以湖南話同廣東話都講。感覺就係見證住佢個人嘅成長，佢開始認同自己嘅身分（湖南又好、香港又好，只要自己堅守呢個地方嘅價值就夠），所以都唔需要迴避同老豆講返最親近嘅語言。

子圓同阿爸幾乎都係講湖南話，但去到17年飲茶初見嗰場，阿爸又會用返廣東話尷尬地問佢做導遊係咪好辛苦㗎（嗰種感覺好生疏）。不過去到最後一場見面，又會用全湖南話去講返。感覺親密好多。

對於我嚟講，湖南話係佢哋童年時期一個親密認同。但成長到某個位置，因為有關自己嘅身分認同，因為想遠離老豆，因為好多好多嘅原因，呢種語言同佢哋一樣都處於一個好尷尬嘅位置。而用語言去寫最後嘅疏離&親近，感覺好細膩用心

係咪冇講妹妹咩事上庭
定我miss咗

間房啲相有暗示到
馬屎埔村收地衝突

雖然有人話子缺個角色講得太少, 但我覺得其實已經好立體, 帶到好多message

應該係因為參與馬屎埔村嘅社運
07 年嘅時候阿妹有身分混淆
到後來感覺已經接受咗自己「只要堅守呢個地方價值 嚟自邊到都唔重要」，所以到17年會投身社運

個人感覺子圓一直好想離開屋企，而導遊呢個工作係其中一個present方式。作為導遊，可能會成日見到一家人去旅行開開心心，但自己只係作為導遊咁喺側邊旁觀同埋為佢哋製造更多快樂時刻；

日本嗰part都算係呈現緊佢過去二十年所受嘅創傷令佢冇辦法投入一段親密關係（金毛日本男令佢諗起梓豪；SP令佢諗起阿爸）