港產片[Fly me to the moon] 但願人長久集中討論區

https://www.instagram.com/p/C6L0iSDBOfn/?igsh=eXc0Nm1kdGl4MHZ5

原來係我多心 仲以為咁有taste

差唔多最尾佢同個大女分開, 轉身行啲動作, 真係好似平時啲阿伯咁

佢同學俾人發現唔係香港出世俾人排擠,身份認同嗰part 自己有少少代入, 有少少眼濕濕

唯一覺得2017係想表達子圓既放不低，確實係好怪唔好睇

其實好多人讚完我都想講，慷仁真心勁爆，真係好多細節位，完全做到新移民味霸度又溫柔父親感覺

其實我鐘意子缺性格，又或者佢就代表愛香港既人，邊度出生都唔緊要肯為頭家出一分力就好

雖然越接近結尾，越有力量
但大概中段部份應該係拉低有啲太長
場入面多咗好多放蚊嘅聲音

講咗一個好故事
但唔算講得好個故事

其他全部同意，坐二十年係販毒
一開頭喺酒樓朱康話大佬俾$500叫佢運嘢
字幕係直接譯smuggling的

浪費晒吳慷仁啲戲

頭先睇完都有呢種感受
啲剪接怪怪地咁

另外好似變咗導演自己嘅show
睇到有啲尷

係好尷，但最近啲人力推，好反感。

本身都抱好大期待入戲院睇
無後悔支持嘅

不過覺得太平舖直敘、節奏慢咗少少
同埋日本嗰part太distracting
有啲嘢畫咗出腸但係意義不大

我會諗： 呢個導演係唔係有咩後台
動員到呢啲cast同製作團隊....
但拍出嚟唔算好睇

今日去咗睇，整體唔算太差，但係睇得出啲處理好新手，有一樣嘢好出戲，2017年子圓，點解唔好好地搵個演員，導演要自己做埋？戲真心唔算好，但偏偏就戲份咁足，又無啦啦收埋個男人係房，有床戲，又好似知佢秘密咁咬隻手錶畀佢，2007年子圓有仔溝都正常，2017年個樣有SP之餘仲要飲吓嘢都有日本仔溝，好似講唔通

同意你，大廚有靚材料都煮唔到好餸

第一二部分其實可以；第三部分唔夠內容，日本嗰段太長，比起頭兩部分連吳慷仁都跌左 watt ⋯

BTW 吳慷仁應該係練成左特殊學習能力，可以一半時間用湖南話另一個半用廣東話，唔知點學返黎

Budget問題，以首部片資助計劃，佢仲係大專組得500萬，請得吳慷仁台灣影帝級演員，唔會有太多錢做其他嘢

吳慷仁應該收好平

擺明係導演貪心想演埋

吳慷仁有講唔係收好貴 剩係要求一個月酒店
都俾得起錢anglea
應該唔會冇錢搵過好d嘅17子圓

不過傾開又討論吓，咩人適合做17子圓

個劇本已經出事，明明家姐係主角，但以細妹嘅角度說故事反而更吸引；身份認同果度，2017個遊客話女主角廣東話同普通話都講得好，究竟係咩人，真係好膚淺。

個故事又想講父女關係，又想講身份認同，但兩樣都講唔好，其實呢兩樣嘢根本就唔係同一條線上，只能二選其一。
宜家咁處理，唔單止到喉唔到肺，好多情節都顯得突兀。

dee姐

我睇到佢拎枕頭嗰幕就估佢係準備自殺, 點知下一幕就真係講佢個女收到電話
唔覺佢係OD死

以前有個中學同學名叫愛燒
啲古怪名唔係冇可能

之前有講過，佢話「要搵個識湖南話嘅人難，然後關錦鵬建議佢自己做返」

屌，其他人本身都唔識講啦

近年啲本土片次次實有PR帶風向

我睇完覺得有個位幾有政治意思，
阿媽係唔明白子缺，
覺得佢讀咁多書都係同老豆一樣做犯法野，
家姐就幫佢解釋「點會一樣」，
同時係2017年個part，
子缺都係冇同阿媽有咩聯繫，
寧願關心阿爸。