港產片[Fly me to the moon] 但願人長久集中討論區

點解窮呀？咪用曬啲錢吸毒囉
正宗自作孽不可活

真係咁簡單？
個世界真係好美好

有時就係新移民會更加著緊個「新」地方嘛
呢套戲講身份認同，所以我覺得係貼題嘅
但就無乜elaborate

btw 新移民更著緊本土
有無諗起邊啲人

我覺得係套野又想講原生家庭影響
又想講新移民身份認同
又加插左幾個支綫
搞到有d失焦
不過呢d題材係難怕
一個唔小心好易變港台劇
所以我覺得係合格

我諗原生家庭嗰部分都係用黎講身份認同
因為父母就係一個人嘅起點
兩姊妹係點嘅人，同埋佢地想成為乜野人
喺父母身上，尤其呢套戲就係父親，會搵到根
最後返湖南都係尋根

講起尋根，我推薦大家睇《回首爾後》
原本片名Return to Seoul 已經係食字Return to Soul
估唔到香港片名可以食多次字，回首爾後食回首以後
改名嘅真係值得加人工

固然我係「我」，但「我」係邊個？
唔止係電影，我諗好多人終其一生都係搵緊答案

雖然林覺民（同阿輝）都有身份證
但對香港黎講，佢地同《富都青年》Abang （又係吳慷仁）一樣，都係無乜身份
輝叔叔見到個仔都要扮唔識

燙章嚟㗎喎

攞戲飛收到嗰下呆咗呆個特典好有心

幾精緻下
不過我冇嘢好燙

係咪手語個套

我想問下
有冇人喺導演謝票時
問過佢有冇一啲嘢係啟發自一一？

睇完呢套我諗起aftersun

有冇人覺得中間嗰段阿妹做得好過家姐
謝冇講到咁勁 可能劇情問題

佢老豆唔吸毒唔一定會唔窮，但佢吸毒一定令情況更差

舊老麥又係帶返好多回憶
細個屋企好窮，去麥當勞係一件好開心嘅事嚟

幾個位幾寫實

見到個主題關於新移民，第一眼就不喜
成長陰影，影響大個行為，又係老土情節
結果估唔到成部戲，我都好中意
睇得好舒服，演技同電影技巧都好自然

覺得AY最大缺點係平個樣太精緻
拍貼地民生戲會出戲，睇窄路都係

反而我覺得佢嗰種楚楚可憐樣同讀對白方式有啲造作

都係，唔夠普通貼地
令我覺得，喺香港有咁嘅外表&惹人憐愛，冇理由景況咁慘

中間果段阿妹好有發揮 眼前一亮
可惜無機會提名新演員

買咗飛聽日睇第二次先知第二週送膠片書籤

咁唯有辛苦你睇多次

子缺臨尾酒樓件衫好似係BOSSINI既
當年買過一件

朱康做街友真係入型入格

吳慷仁真係演乜似乜，如果金像獎唔係對姜大衛未必會輸
造型, 舉手投足, 講嘢語氣完全係一個60歲廢老
同我老豆100% match

最尾子圓同老豆對話，其實一對關係好生疏既父女，老豆想關心個女，個女又唔係討厭個老豆，但唔會突登扮close，所以對老豆回應都係冷冷淡淡，係唔係要有相似經歷既人先會覺得導演唔算太出戲

啱啱睇完 真係吳慷仁carry

overall故事都吸引既 但覺得某啲位太拖
幾欣賞老麥啲景幾配合1997/2007
可惜2007最尾個下出咗架新款紅色九巴出黎

講少少
記得好似係一段時間之前
導演訪問講
大概意思係人同人之間嘅關係
唔需要一定要迫自己原諒
冇話原定唔原先係啱定錯
其實我非常之認同呢段說話

放諸所有任任關係都係
可以係父母令你有一個陰影童年
你唔原諒
可以係伴侶對你不忠
你唔原諒
亦可以係朋友/同事出賣你
你唔原諒
所有嘢都係由自己出發
過唔過到自己先最重要

家姐喺入面 如果唔係吳最後身體越嚟越差
佢大概都係咁上下嘅心態去對待對方
同樣地冇話啱定錯 亦冇話現唔現實
爭嘅只會係你有冇咁唔好彩經歷到
定咁好彩地成世人經歷唔到