套戲節奏真係有啲太慢(睇睇下聽到有人講就嚟瞓着),同埋劇本真係唔覺有咩特別之處需要慢到咁
但大致上想傳遞嗰種情感都明白嘅
最尾日本嗰part其實有啲唔知佢想講乜,我明嘅要夾硬將台灣人同老豆聯繫,將金毛同中學男友聯繫
其實一返酒店變咗扑嘢嗰段係睇到一頭霧水。如果你想表達大妹係無根之人嘅話我會覺得有啲眼高手低
相反細妹間房痴曬海報,唔駛過多描述已經知道佢講緊細妹完全認同咗自己係香港人 (呢到會諗起梁天琦)。
但有一樣野我一路睇一路形住形住搞到勁出戲,因為覺得而家 2024 再拍嘅話可能新移民同香港人嘅身份會調轉
而家仲邊駛學廣東話,成間學校都講普通話啦