港產片[Fly me to the moon] 但願人長久集中討論區

首套政府劇情長片既導演好少有第二套作品
希望佢有第二套，會入場支持。
其實都想睇黃進（一念無明個導演）有第二套作品，但好似一直唔見有

2.同細個開頭成家一齊坐lift間酒店應該係佐敦間逸東酒店

幾鍾意套戲，入得嚟應該都睇咗，唔加密

睇之前大概知道係講新移民嘅故事，有導演自身經歷元素

描寫新移民小朋友來港同成長嘅故事，幾寫實同令人共情。近排睇咗陳果套榴槤飄飄，都係有小朋友移民來港嘅故事，佢又係會問媽媽到底幾時先返去。睇但願人長久，圓圓又係問到底幾時返去。其實想像下一個幾歲嘅人去到一個語言不通、人同環境完全唔同嘅地方都幾迷惘。而做細嗰個可能始終嚟得早啲，又有個家姐湊住，可能易啲適應同鍾意新地方生活

去到07年，十幾歲個階段，阿妹開始有更大嘅身份認同焦慮，會驚俾朋友發現自己係大陸出世，亦唔想同家姐講湖南話。我自己雖然喺香港出世長大，但長輩都係移民嚟香港。驚講老家語言俾人當大陸人，呢件事嘅描寫都幾到肉同深刻。呢啲嘢對八九十後可能更有印象？我哋呢代人大部分都係香港出世，同時同班都總有三幾個同學係大陸出世 （通常都係大自己一兩年），不過自己中小學年代又真係冇見過有人歧視大陸出世嘅同學，可能戲入面女校女仔麻煩啲（唔知導演以前係咪讀女校啦）。講新移民心境同身份問題呢部分都真係做得好好。另外繼填詞撚，今次又再睇返2000年代嘅香港，啲服飾、傳紙仔、煲臘，又帶我revisit返嗰個時代，好多回憶

去到17年。首先我要講我本身唔知導演都有份做，不過我本身有睇過訪問相同片，都記得吓佢係咩樣。見到17年子圓個樣，我一路喺到諗係咪導演嚟，去到出credit先得到答案。同咁多位巴絲意見相反，我覺得導演其實做得算幾好，當然唔自然嘅位係有，但唔會係差。同埋咁啱哋，佢同謝咏欣個樣都有相似之處。好鍾意套戲好subtle地講阿妹身份認同嘅轉變同投入，著墨唔需要多，但有觸覺嘅觀眾自然會明白。btw，睇封信先第一次講阿妹叫子缺

套戲有兩個重心：新移民同父女間情感，我覺得兩者結合得幾好，好自然，唔會側重一邊。兩者又唔會好切割，令你覺得講完移民喇，而家講父女先，咁樣

吳慷仁真係演得好好，啲肢體語言、神情、語氣真係好似一個老人，而佢係演咗三個唔同年齡階段嘅人。佢今次嘅演出係比富都更打動到我，最尾個背影就好似Aftersun咁，你估到可能係佢哋最後一次見面

批評方面，同眾巴絲一樣，覺得17年子圓嘅部分可以縮短啲，同埋著跡得嚟描繪得唔深。佢同日本金毛仔互flirt同埋搵sp，睇得出係想講佢對感情係有種insecure嘅感覺，而可能係十幾歲嗰陣個金毛仔造成。但係07年嗰陣講佢同金毛嘅經歷又唔係好深刻，所以去到17年嗰段其實俾唔到太大感覺。至於台仔咬佢一啖嗰度，雖然有巴打話太刻意，我自己又幾感觸，同埋導演滴嗰滴淚，我覺得做得好好。跟住到佢做導遊，見到當年嗰間酒店嘅lobby，再搭𨋢上去見到出面街景，個心都睇到拿住拿住

另外父女感情嗰度。雖然套戲拍到你好難好憎吳慷仁個角色，但係現實都幾難想像做仔女嘅可以同一個吸毒而搞到成長過程不堪嘅老豆和解。當然情感嘅嘢冇得一概而論，我覺得係有啲surreal

最後雖然好鍾意黃梓樂嘅演出，但私心幾想台灣友人贏到

唔係大陸嗰隻嗌到喉嚨青筋都出晒都唔算係演技！

煲蠟 全盛時期去到九十年代 千禧年代已經式微
不過欣賞導演提出呢門非物質文化遺產

另外舊香港回憶不得不提舊老麥
長方格地板
舊式長凳
蘋果批樹
開心樂園餐，包括個紙盒同玩具
紙包裝漢堡包
舊包裝薯條同汽水杯

有無人回想自己家境唔係好富裕嘅童年
父母帶自己去麥當勞
食薯條點茄醬，當薯條同茄醬係唇膏

但咩場景係台灣拍？我應該miss左

尋日睇咗謝票場
希望佢哋今晚有獎攞

其實正路坐監應該無毒吸？咁耐應該甩曬
一出返嚟吸返應該係心癮？

其實套戲我覺得只可以話無講到一舊舊，叫講到完整故事，
節奏好慢好拖咁，好多嘢安排得太刻意好出戲，最有印象問幾點，個台仔又咬佢手，會唔會咁啱
故事主軸係家姐同佢老豆，不過加插細妹講身份認同問題，同家姐主線係完全無關，完全係另一條線咁
最後老豆死，我聽到有人喊，但係我完全無感覺，淨係覺得個老豆又吸返毒，死都係咎由自取，抵死

依度勁唔合理
一路都講緊唔怕生壞命，最怕改壞名，改名點都唔會用個缺字
佢老豆字都唔多識，更加無可能用缺，一一二二就差唔多

見到吳慷仁就想睇了

又未到勁唔合理，我諗只係設定行先你獨立抽一個名出嚟係怪啲，要姐妹一齊先有意思

設定有時唔可以只睇一part，名多數由父母改，父母都唔係文化人，點會識由典故改名
唔好話佢父母無咩讀過書，你問香港有幾多人識

我認同用缺字做名係少見，但月圓月缺只不過一個自然現象嘅名詞我諗又去到深到叫做典故掛。
我當佢冇乜點樣讀過書，係農村人，農業了解基本天文知識好正常，通勝應該都有寫

正如我上面講過，唔怕生壞命，最怕改壞名，越讀得書少越迷信
會叫一一，二二，三三，都一定唔會叫四四（死）
耕田會唔會咁好文采用月缺月圓咁有意境嚟改名
圓圓就唔出奇，缺字真係唔會，正宗要一家人要團團圓圓齊齊整整，點會要缺，熊貓都叫圓圓唔會叫缺缺

又唔一定以前都有啲迷信係要個名改得衰你先至會容易啲生存到

其實你啲論點都啱 不過呢啲都係minor 啲嘅位我覺得可以唔洗捉咁緊
即係好似子圓去居酒屋比金毛聊 其實都唔太合理 因為佢個樣都未去到會比個靚仔咁樣搭訕嘅level

咁啱上面講開名姐
其他問題我都大概講過下，總括而言佢唔係差，係一般般咁
如果你話情感描述，我欣賞叔叔多啲，可能覺得依啲衰老豆抵撚死

睇完
又唔係話太差
但真係有d眼高手低
例如阿妹17年搞保育運動同上庭
同個主旨完全不著邊際
朱康個角色又好似為左畫面多個廢老而存在咁

只係富都青年在前，唔多唔少有比較，不過要承認佢好專業，之前睇過訪問，佢話放假嘅時候會化個老妝，然後落深水埗d公園坐，去摸索點演一個60幾歲嘅阿伯

或者咁睇，導演都講過係半自傳咁拍，所以劇情比較貼地，佢focus 都放係父女關係，同新移民身份果度

都幾多無謂枝節
金毛ex條綫又係冇乜作用
似係想講佢有老豆影子先吸引到女主
但最終又係到喉唔到肺就完左

對窮人實在太嚴苛
如果可以靠成就感獲得安多酚
我諗無人會揀成癮獲得多巴胺
呢個世界唔係咁美滿，總係有圓有缺