[清酒撚] 清酒集中討論 (2)

中目黑個頭十字路口有間鋪大大隻字寫信州龟齡
4400是咪炒價？

精米步合高既話，即係米既蛋白質同礦物質會多d，酵母會因為多d 營養活躍d，所以傾向性地會產生d 米味同旨味重既酒，但同甜度無關。

甜度既糖主要係製麴時麴既酵素將米既殿粉轉化做糖而黎，之後麴會製成酒母再釀成酒，所以釀酒既時候一方面酵素繼續將米既殿粉轉化做糖，而酵母亦一路將糖變做酒精，叫並行發酵。
所以簡單d 講就係落多d 麴，等酵母趕唔切食晒d糖咪得，另外因為麴同酵母各自有唔同既活躍溫度(麴係8-12度，酵母係16-18度)，所以釀酒時溫度既控制都會影響甜度，當然仲有好多其他野可以影響到例如完成釀酒既時機/時間，四段仕込等等。

咁都get到係邊間，巴打西利！

值唔值？有諗過買但太貴

羨慕死人，香港見到朗豪坊地庫有間清酒鋪有賣，開價$700， 可惜係 23年1月的貨，唯有放返低。

百光係貼紙酒，冇酒造亦唔識釀酒，只係搵酒廠幫佢customer made 或包咗缸酒當自己。同一規格，買返正廠會平好多。不過百光個MARKETING 同包裝係比酒造做得好，所以各有所好，鍾意就得。

絕對同意高端酒可一試其熟成潛力，但前提要係設計好的熟成。

但放係零售店鋪嘅雪櫃，櫃內有光管，再望下個雪櫃溫度計，顯示為 14度，我諗每日呢個雪櫃最少開開閂閂三四十次，經過咁嚴峻嘅熟成挑戰，都係搵識貨之人。

百光同楣野川18都冇飲過、不作具體評論
但除左尼d紙面上既參數之外、發酵溫度、時間、搾取方法、後處理方法等等因素都有好大影響、有冇分別真係要飲飲先知

好似大信州香月既至極、古今、神壽
米一樣、水一樣、發酵時間溫度一樣、搾取方法都一樣、只係將同一lot 酒入面造得最好果一批抽出黎做神壽、第二好果批抽出黎做古今、其他酒番返做至極
三款酒既差別其實只在於後處理既不同、但味道真係有分別、價錢都差好遠

類似既例子仲有黑龍既統米大、石田屋、二左衛門、三者數據上既差別其實有限、但大家既評價差天共地。

好多野只睇數據、仲要係唔全面既數據、係做出唔到有效判斷的

尼個環境又真係差左少少
光其實係清酒最大既敵人、比溫度更加惡搞、長期用普通光管照酒既酒鋪我係絕不考慮

我遲吓會到東京公幹，有機會真係要專門到訪。

飲過幾支電照同寒菊唔同系列，個人感覺都係一般，除左支thank you.

但香港價錢mark up唔算太高。

佢blue sapphire既22by做得非常之好，但舊年就差左唔少
其實寒菊既產量咁大，賣法又自由，好難mark up得高的

酒米咩特A級山田錦有冇巴打飲得出分別？

同一間酒廠既出既話，只要細心飲係會飲出分別
東條，吉川，社三個地區我都分得到

但去到龍力咁，係咁細分落去既酒，我只可以話我仲需要大量既學習

曾經有一次去酒造問過佢老闆同一條問題 佢手頭無用2-3級釀既酒 但就直接比咗3包玄米我問我睇唔睇得出分別
視覺上一級山田錦同二三級已經有好大分別 愈高級就愈圓滑啲光身啲 如果睇樣都差咁遠其實味道都一定多少會有分別
不過好少會有酒造保留所有條件只改變米種嚟釀酒比你比較 加上酒造角度佢係想present佢希望表現既味道比你而唔係追求最高級原料 所以未必一定會係特上山田錦就一定好飲過一級 講到底只要口味自己鐘意米既級數都唔太重要

ching你講緊既係米既等級
同分化拉巴(？)問既米既產地既分級唔兩樣野黎

想只試米既分別既話，可以試下磯自慢，龍力，日日各自既山田錦系列，写楽既と東條、吉川山田錦

應該係我搞錯咗產區同米級。所以特a係指產區？米又再有分1-3等？

特a區可否出3級米？

原廠枝18%難唔難搵？
百光上次在imadeya見到成堆

酒米分特上至3等、可以參考上表

舊時係以村單位向農家收酒米、為左獎勵農家改良品種、對更高質量既米會出更好既價錢
公認出到最好米既村、就係岩先龍力張圖入面既社、東條、吉川地區（當時好似分屬兩條村）
雖說村米制度之後廢止左、但社，東條、吉川至今都因為出到最高質量既酒米而被叫做特a地區
因為風土、傳統、巿場等因素、尼到基本上只種山田錦、所以聽親都只會特a山田錦、而唔會有特a愛山、雄町？八反錦

特a地區同酒米等級制係兩個系統、所以特a地區理論上都可以出到3級米
但就好似bour既靚村、靚田會受到特別細心既照顧一樣、特a地區既田一樣因為經濟原因受到最仔細既照顧、本身特a產區就係特別適合山田錦生長
所以3等既特a山田錦基本上唔會見到

反而係因為種種原因而滿足唔到等級要求既等外特a米仲叫有可能出現