[清酒撚] 清酒集中討論 (2)

聽講都係熟成後重正，但係呢支到手，又點忍得住唔開？

只需要心裡諗著唔好殺嬰唔好殺嬰唔好殺嬰....

要熟幾耐？

好唔好飲？

打算擺到年尾？

去日本最鍾意飲地酒
之前去長野係諏訪湖一間溫泉旅館買左支叫凛彩...好正

真係咩
我見清酒匯有
1 年aging 仲有減價

佢地講緊正價買

枝野頂唔頂到一年？

我見上面巴打先話熟完好d既
咁要熟既話
一年放雪櫃已經好輕手啦
熟完會好d既我預佢係米底既酒
冇咁易死掛

令我諗起以前細個食水果乳酸糖嘅感覺，色彩豐富多汁嘅水果+淡淡乳酸收尾。正！

清甜系
好飲，但唔會特別記得住

第一日無記憶點，第二日先係有水準 - 回甘同米旨味balance好好同埋好長，好come飲

我一日就飲哂、硬係覺得佢冇以前既吉川同東條好

落去買支啦

吉川同東條今年好似冇出了

無....吉川對上一轉已經係2023年11月喆

降左級但小加價

寫樂算係我個人最鍾意嘅清酒牌子頭五位，最基本嘅純米已經好夠做，我最鍾意用佢配燒腩仔。而且香港都唔算難搵，日本佬同事講，如果係日本居酒屋見到寫樂，間嘢都唔會差得去邊。

寫樂 純米吟釀咁多款，個人心水係愛山，酒未來 同 羽州譽。

另外副牌 宮泉銘釀就較少見，香港重少見。四月去日本，飲過山酒四號，又唔係咁啱口味。

冇金標咁好飲

2個月前喺360買左枝cheap大吟釀
淨係飲左一次，點知擺左2個月，尋日飲覺得好飲左

請教一下 唔太識飲清酒 追旅遊po見到有巴打介紹西条市嘅賀茂鶴酒造 巴打們會唔會建議去？ （去廣島玩)

如果有得免費見學無論酒造出唔出名都值得去
有個人同你講解清酒生產過程(要識日文) 自己直接用肉眼睇
果個震憾係上網睇片睇圖比唔上既 如果有免費試飲就仲正

利申無論大小酒造 每次去日本只要路程會經過酒造又有見學都會去
學到好多野之餘仲有得試飲 十幾支放曬出嚟比你compare都認真過癮