歡迎想砌模型嘅巴絲入嚟 (199) 重口馬娘現貨睇睇下又幾靚

希望RG 2.0技術可以補救
不過我覺得一定唔會正常咁出V2AB, 呢啲野唔擺PB bandai良心過意唔去嘅

出v2本體
Ab裝分開兩款 再加effect連地台擺p bandai
之後再出電鍍版v2

Ching幾時去bandai marketing番工
Btw仲差款clear color同gundam base limited

呢d都唔會咁快出架啦

有冇咩地方會回收d 已經砌既模型
因為執屋有d 非b記既模型又唔想直接掟落垃圾桶

救世軍

上年朋友移民,佢有5,6盒hg mg成品好多都係舊模
問左某個收模型既鋪頭,間鋪頭一開話會收,但最後回應話d模型太舊唔收
我朋友嬲嬲地拎哂擺係門口就走人

想換錢定係只係唔想掉垃圾桶呀

佢諗住有人接收就算唔講錢, 唔捨得直接放垃圾桶

你唔係1/32人咩
做咩降格1/48款多?

好少人玩飛機
長谷川1:48 震電有冇興趣免費接收？

去fb d模型區問下有冇人要黎殺肉好過啦

新嘗試

女既話我要黎殺下都好

其實點解叫殺肉？

「殺肉」的意思，通常並不是指拆賣肉桶，而是將SET內的零件一包、一包分開來賣

台灣人圈子流行的講法
一開始係講零件車 就叫刣肉/殺肉車
引伸 開一盒模型只拎幾個零件叫殺肉

收嚟做下demo放喺舖頭都好啊

「我係調布基地飛行第244部隊隊長」
「睇你咁後生仲話隊長, 你知唔知講大話係唔啱架」

Tamiya 1/72 日本陸軍 三式戰鬥機 小林照彥機


1944年尾, 完全失勢嘅日本即將步入倒數階段

面對美國B-29嘅轟炸機, 首都圈有一支精英部隊專門負責攔截敵軍空襲
駕駛著日本國產機中罕有, 高空性能卓越嘅三式戰鬥機, 愛稱「飛燕」
佢哋就係駐紮於調布機場嘅「飛行第244戰隊」
而戰隊長就係年僅24歲嘅小林照彥大尉(當時軍階)




而喱一架飛燕就係小林嘅其中一架座駕

喱架機有個非常非常重要嘅細節收埋咗喺佢側邊嘅擊墜Marking上面

留唔留意到第二行左二有「一撇紅色」

喱個故事就要講到一個我好忌諱談及嘅chapter: 特別攻擊(特攻)
世人對於「特攻」有無限個誤解, 喺各種媒體創作之下世人對於特攻同特攻隊嘅聯想大概都係:
自殺攻擊, 神風特攻隊, 自爆機, 1人1機換1艦, 萬歲衝鋒諸如此類嘅極端軍事任務
如果你有睇過<<永遠的零>>(小說版), 咁應該對於海軍嘅特攻執行情況有最基本嘅理解
我就趁喱個機會借喱架機講少少關於陸軍嘅特攻執行情況
雖然佢哋執行起上嚟都係用飛機自身撞向敵人, 喺喱個防空為主要目的嘅飛行隊嚟講就自然係撞向敵軍轟炸機
不過於喱個時間點嘅日本陸軍飛行隊入面, 特攻隊其實唔係以犧牲生命作為代價擊倒敵人
相反, 能夠喺9000米高空維持良好駕駛技術嘅喱群精英嚟講, 陸軍係有意保留機師嘅性命
具體嚟講即係點呢, 實行之前係必須考慮自己如何脫身, 例如撞機之前已經跳傘
又或者避免自己受致命傷而只用機翼撞擊轟炸機引擎然後再跳傘

睇緊喱段字身於2024年嘅你同我可能覺得好匪夷所思, 忽然間Warthunder多咗幾分真實感
歷史上喱回事係確實存在而佢哋被稱為「震天制空隊」
畢竟佢哋腳下就離天皇居所唔遠, 所以佢哋唯有窮盡一切手段擊落敵機
實際上都有一定數量嘅特攻生還記錄, 甚至有過特攻兩次, 兩次都生還嘅超級精英
例如板垣政雄軍曹同中野松美軍曹
而且都有過1機特攻, 2機B-29被擊落嘅情況(特攻命中1機, 飛機解體時碎片擊毀另一架B-29)
可想而知喱一群一流機師並唔係痴線咁簡單, 係面對駕駛技術同膽量嘅終極生死考驗


然而實際上唔係只有屬於震天隊嘅機師有過特攻經驗, 喱「一撇紅色」就係小林大尉特攻後
喺新嘅飛燕身上mark低嘅特別記號, 而嗰撇紅色就係飛燕嘅剪影

話說小林成功安全著陸之後遇到當地村民想佢哋幫幫手
開頭嗰段對話就係咁嚟








戰爭結束之後, 小林照彥回歸社會成為一個半工讀嘅打工仔
好似佢咁嘅人中之龍成功喺1946年考入明治大學嘅法學部, 4年後順利畢業
而佢對飛行嘅熱忱驅使佢喺工餘課餘時間活躍於戰後嘅日本空軍創設運動
終於喺1954年, 日本成立航空自衛隊, 小林立即辭職再作馮婦, 成為航空自衛隊嘅機師







只可惜喺1957年, 成為飛行教官嘅小林喺一次訓練之中座駕發生機件故障
小林一直緊握著操縱杆, 筆直咁遠離民居
最終墜毀於一幅無人嘅空地
小林當場殉職, 享年36歲

話時話，點解好似砌戰機通常都係砌軸心國，好似好少見同盟軍既

上面海盜巴咪盟軍人

原來係我唔識睇

其實唔識分啲機型反而唔重要, 睇國藉識別標誌比較有意義
有咁上下想像力就算本身唔識都可能聯想到
日本就唔洗講啦


其實仲有啲變種, 例如海軍/陸軍, 防空部隊, 應急改裝之類
但主流都係喱兩個無白邊同有白邊版本

美國就一定係大大粒星

可以睇到佢都幾多變種下但變極都係咁上下

德國都一定唔洗講係得喱個

順便再提提大家, 喱粒嘢唔係「鐵十字」(Eiserne Kreuz)
係「棒十字」(Balkenkreuz)
喱粒先係鐵十字, 一戰嗰陣就兩款都有用


蘇聯都一定認到架喇, 大大粒紅星


喱啲對常人嚟講都係絕對冇難度嘅

跟著喱啲呢就可能要諗一諗


英國嘅Roundel就有好多變種, 但關鍵就在於海軍藍色外圈

具體嚟講各個變種有咩意思就可以參考喱一段
https://www.classicwarbirds.co.uk/articles/the-history-of-the-raf-roundel.php

法國呢就最易同英國搞亂嘅, 但最簡單就係認淺藍色圓心


下面喱個就唔係星, 我諗都對於亞洲長大嘅各位就比較易諗到係代表中華民國抗日時期空軍嘅青天白日



之後落嚟喱啲呢, 就應該要背景知識先會知, 可能估下先撳嚟睇答案

法國嗰粒陸軍都有用

想問下Deluxe Magic邊到有得買
白蓋同藍蓋分別係邊