歡迎想砌模型嘅巴絲入嚟 (199) 重口馬娘現貨睇睇下又幾靚

希望練到有一半手油功力

所謂bar同PSI係氣壓指標，Bar 數愈高 PSI愈高，氣壓愈高，簡單d講即係你噴出黎個下d氣愈大力

每個泵出到幾多PSI同Bar既上限都唔同，而因為如果你噴金屬色，或者水畢地先算，佢地呢d油既粒子係好大粒，所以你個泵要出到足夠PSI（力），先可以由d油粒子係枝筆入面帶出黎噴落你條零件度，如果你用個泵黎噴模型，噴啞光油平噴做飛油先算，一般會用到30至40幾PSI，而一般龜泵上限可能先得25PSI，所以如果你買個氣壓唔夠既泵，你變左噴既時間綁手綁腳

仲有其他野就係，個泵有無氣缸呢？有無水隔呢？因為個泵運行得耐，麼打發熱，就會噴水，因為有氣缸可以儲氣，部機唔洗著太耐，減少噴水機會，同埋怕唔怕嘈，因為隻隻泵運行個嘈音又唔同，呢d又係要考慮

咁但係如果你話無咩budget既，最簡單，淘個大陸泵，有水隔同autocut既(自動停機)，出到50PSI，氣缸都唔洗啦，就咁買多個迷水隔駁係條氣喉尾，400蚊人仔左右，再唔係，上旋拍平平地買二手泵，試清楚人，買黎玩下

但係泵始終只係機械，一定壽命，就算岩田高階泵，都係講緊預你用到2000至3000個鐘，始終用得耐一定老化，例如電容打柴，autocut漏氣，個水隔打柴，呢d係不能避免

「400蚊人仔左右」有無埋牌子型號
「你變左噴既時間綁手綁腳」係咪只係要噴耐d攰d而已，效果一樣出到？

大陸泵，如果叫有［名］既，通常就浩盛或者ustar，什至有d雜乜牌，連名都無，個d平到300蚊人仔都有

綁手綁腳，最壞情況係，你拉左掣想佢出油，但因為氣壓唔夠，佢直呈出唔到油，或者出到，但佢噴出黎既粒子霧化唔夠，令到噴出黎容易出橙皮，堆油或者一pat 野咁，或者有d效果做唔到

當然呢d情況好多因素影響，例如油既濃度，噴既距離，或者用個隻油牌子本身個特性，噴筆精細度都有影響，而氣壓係其中一個因素，有d情況你可以去adjust其他因素去幫你達到想要效果，但有時你隻油個特性係咁就係咁，你無咁上下氣壓係做唔到效果就係做唔到

我簡單d舉個例，當你想噴偽電鍍先算，即係啞面電鍍，正常你噴呢種效果你係要用金屬乾噴，意思指要較到大氣壓，拉遠距離，出油時隻手比較快咁掃過零件，等金屬d色子噴係件野上面既時間唔好排得咁「平均」，先做到呢個效果，但如果你個泵唔夠氣壓既，咁根本上已經唔洗講，距離你拉唔到遠，因為d氣根本唔夠力射到d粒子好遠，你唯有係由改變噴既手法，但就算你點改都好，有時唔係個回事就唔係個回事

唔該先

五舊水筆直都吃力真係唔好諗
屋企有位俾你噴的話，起碼要泵、噴槍、抽油箱、MASK
個度你全部買二手都輕鬆OUT筆
仲未計你買油、開油水、洗筆水等既恒常消耗工具

去租噴場la

其實係
五六百budget 真係去噴場慢慢搣好過
起碼個泵肯定夠力，又唔會俾屋企人屌臭

400蚊果啲泵係鋪頭試都覺得嘈係屋企用唔使諗一定會比人鬧死

唔係自己住 你買左個泵 就算未噴過未開過未拆包裝都會屌臭

留名學野

請問開機唔嘈size唔巨型psi 又夠一般預幾錢？噴筆駛唔駛分開買？ d 喉隔配件之類包唔包的

要同時滿足你三個要求
可以買個油泵
6k唔知得唔得

去pm store 叫佢開畀你試下

要睇你要唔要氣缸或者兩個出氣口，同埋咩產地，依家大部份一般模型泵既PSI輸出到60至80psi，基本上都夠噴模型用。

而氣喉，水隔係跟泵，除左快拆頭之類就未必款款泵都有跟，而如果你如果你話要開機靜既

最經典出名出靜泵既係意大利Sli air, 即係依家既aero pro, 賣2千幾3千蚊，以前有d美術鋪會有賣，不過近呢幾年香港都好似無咩見有人賣

如果你話唔會深夜噴油，只要唔點嘈，小小聲都接受到既，可以選擇大路牌子例如台灣sparmax 近呢幾年出既連氣缸泵，大概一千尾，二千零蚊左右

如果你話，氣缸我都唔要啦，台灣sparmax出既AC501 或者千里達賣既另一個台灣牌子 sparkman都係一個選擇，價錢大既一千蚊或樓下

而噴筆一般係分開賣，價錢百幾兩百蚊至幾千蚊都有，要選擇咩口徑或者價錢既係視乎你用黎噴咩，愈貴既噴筆通常係細氣壓同噴幼既線先最顯出個身價，如果你用黎噴船模，畫迷彩個d類細野，咁你可以買枝貴既0.2什至0.18噴筆，如果你就咁用黎砌hg/mg高達既，噴下max 噴法，高光陰影之類，其實你就咁買枝幾百蚊0.3 口徑既sparmax dh 103，其實都夠大部分情況用

其實個泵買咁靜嘅做咩
除咗工業用泵 其實都嘈唔過你個抽油箱/水簾

你用過冇缸既泵就明，抽油箱加泵一齊好快失聰

睇下有冇通用的關節

新手 想問下如果玩隻frs 拉打
建唔建議筆塗嚟補色 用DAPIAE 啲筆

定都係照貼紙貼哂佢算

泵嘈極都冇抽風咁嘈

新手一問
最近入左隻RG電鍍SF
係咪唔好滲線？

路過share下
1/700 IJN重巡 高雄

巴打呢隻係咪要塞新出既艦橋同煙囪？

細隻夠力Sparmax arism viz不過真係偏熱同貴，加幾舊可以買到大泵
佢水隔要用返牌子嘢，我之前買嗰陣有送埋sparmax嗰粒效果ok

再細隻就海馬工藝龜泵或者sparmax beetle，不過力度就勉勉強強, 但夠細隻，做後備都好