今日嚟講下托拉姬薇達
我當初開故嗰陣係冇依個人，係寫到主角俾人捉走先臨時整佢出嚟。我唔記得係用咩做靈感整佢出嚟，大概記得係想整個好tricky嘅人出嚟
喺依個主題係信任嘅故入面，有個講嘅每句嘢都有可能係真、亦有可能係假嘅角色，我覺得係好好嘅調味料
如同佢自己講咁，無論主角同其他人揀咩，就算有兩個完全相反嘅選項都好，佢都睇得穿，係因為佢用結果推導返去原因，係好唔合符常理嘅思考方式。
我假設有一件事，有個阿婆衝出嚟，貨車收唔切掣結果發生交通意外，正常人都會覺得係因為個阿婆衝紅燈先會撞車，但托拉姬薇達就覺得既然會抄車，原因係咩都唔緊要。喺佢嘅角度嚟睇，就算阿婆唔衝紅燈，都會有其他因素導致架貨車喺嗰時嗰刻抄車
反巴話佢係先射箭後畫靶，佢就係以「如果我會射中紅心嘅話，我向天射箭都冇問題」（而唔係「我要對住紅心射先會射中紅心」）嘅思考方式行事
咁佢係點做到呢
我寫嗰陣會覺得佢係拎住劇本，知道之後會發生咩事，有作弊能力
當然，返返去故事上，冇耐之前都解釋過，佢係用對人心嘅認識去做到依件事
只要件事係同人有關，佢都估到結果。既然結果一定係咁，原因係咩都唔緊要。換言之，同人冇關嘅嘢佢係估唔到。個故開頭有講過人嘅傾向（機械嘅規律），就係講緊人喺咩情況下，都會無可避免咁做出某個行動
佢無時無刻都喺度計緊數，只要係同
依個世界嘅人有關嘅事，佢都冇計錯過
講到依度相信你會問咁點解巴烏卡會輸，個故都提過佢嘅最終目的唔係要巴烏卡贏，係令世界變得更好
既然世界會變好，巴烏卡輸都冇問題，所以你見到艾拉芙同曼賈送頭，就係佢暗中搞出嚟
佢知傑拉會輸，知主角會搵到佢，亦都知道就算佢對住主角塊臉開槍都殺唔死主角
個故話佢一直都係賭緊，但每次都賭得贏，同未開牌就知贏定輸一樣
佢嘅目的係改變世界，但佢都害咗唔少人，咁會唔會有人搵佢報仇呢，佢都已經知
佢喺個故定位係反派，一個唔需要打低嘅反派
雖然個故好多嘢都係佢造成，但唔知點解主角怪唔到佢，因為佢唔係壞人
殺人係咪一定唔好？唔係（唔通俾人拎槍指住個頭都唔可以反殺咩）
既然有時候殺人可以被容許，咁為咗改變世界而殺人，殺無辜嘅人又係咪啱？依個係佢同其他角色會爭論嘅點
佢話想知道真理，但點解要係咁講大話？佢唔係做緊錯事，但佢又係咪做緊啱嘅事？弗烈雅話唔錯唔啱先係離真理最遠，咁佢係咪做錯咗？依啲都會之後解釋
順帶一提，對於人類可唔可以知道真理，我喺海迪路絲同管理者之王嗰段有暗示過
有人問過我依家嘅佢點諗主角，我喺度答埋
佢好信主角
係，我自己都唔係好形容到，只能夠佢好信主角
唔可以用朋友、戀人依啲階段性嘅字眼形容，總之佢就係好信主角
個故都講過佢係為咗保護自己先呃人，如今遇到個俾佢呃咗千萬次，俾佢拎槍指住個頭都仲肯信佢嘅人，佢出晒水
（係好露骨，總之佢好開心
）話佢依賴主角又唔完全係依賴，亦都唔係鍾意，更加唔係拍檔，係純粹信任主角，同主角一齊住沖涼都唔會鎖門嘅程度
佢係個好奇特嘅人（好似主角都係咁諗佢咁），佢就好似真係生咗喺唔屬於自己嘅時代咁獨自一人
咁佢冇理由自殺，咪去諗點樣令個世界變得更好
佢最後結論就係喺科技未夠發達同生活質素唔夠嘅情況下，世界係唔會變好
所以佢選擇戰鬥落去，就係為咗令自己嘅思想流傳後世
佢啱啱出場嗰陣好多人都話佢係雞，因為佢真係雞
仲要係隻一流雞，用盡手段玩晒所有人
如果世界係由最有力量嘅人話事，咁佢就操控最有力量嘅人
依家世界最有力量嘅係邊個？沙卡美
沙卡美聽邊個枝笛？主角
佢搞掂咗主角，世界就係佢嘅嘢
（啫係只要主角冇事，佢先係最後贏家）
佢係我最喜愛角色入面嘅top 3，同時又令我再次懷疑自己點解可以喺寫得出佢嘅同時，又寫得出史上最差嘅主角
最後講埋，佢嘅原型係我
）
（特登撚人果d唔算
）
>
gay
