長文注意,我既EXINNO 240W經歷
TLDR重點,壞、壞完又壞,幾個月貨仔都壞,仲要兩次都係旅行期間。
喺Kickstarter買早鳥,冇單,壞機,拎去整前問過佢,佢話唔使單,上到去,又死要我show張根本唔存在既單。
2021年10月某晚12:00,佢喺Kickstarter一開賣EXINNO 240W,我即搶訂,唸著有乜早鳥優惠。我成為所謂前200~600買家,以為$995買左啦,但收左我$1240。
如550#,覺得佢好誤導,話「送」,事實係綑綁式銷售,同佢講,佢大我話300幾個客得我話佢誤導(如果係真,咁可見佢真係邪教黎)。
向海關舉報,居然話冇證據佢違反商品說明條理,不受理。
2022年1月,終於收到件貨,全部有微弱噪音,佢全數免費更換,唸著佢都唔係咁衰。
買左之後,用得唔多。
幾個月後,
2022年5月,已經壞,拎去觀塘佢公司整,成個過程仆街到,反口覆舌,明明話唔使單,去到又死要有單,仲要張單係由頭到尾都唔存在既!不過最後都解決到,我就算了。
下個reply會詳細講。
之後見
腦場有EXINNO 240W,賣$900有找, 早鳥優惠喎
2023年5月,終於去到旅行,但喺酒店充充下電時,部野突然唔著!好彩唔係帶得佢一部!
返到黎,拎去佢公司,佢話過左保,完全唔理,收錢維修都唔肯,只可正價7折買新機。當時喺佢度買EXINNO 300W(240W已冇貨),就算7折,都要過千!結果冇買到。
2023年6月,行過街舖,見有EXINNO 300W賣$820,就買左(你可以笑我on9仲買佢D野,但真係冇其他同類產品)。
2023年9月,又係旅行途中,喺酒店充充下電就壞!又好彩唔係得佢一部!
係,
2023年6月買既野,同年9月就壞!3個月貨仔!
返黎即刻又拎去佢公司,今次有單證明係3個月前買,佢換過部新,暫時OK。
再壞的話,佢有得換新就換,冇得換我唔會再買。