(長文)媽媽揼咗妹妹啲遺物 (重酬徵3D繪圖高手)

其實樓主你要嘅係搵人做下面依類有前後左右樣嘅設計圖


毛公仔啲人有依種圖都做到, 唔駛3D
而且畫3D嗰個都係會問你要依種圖

2000蚊11隻3D公仔呢個job無人會接
你呢個價大概淨係做到1-2隻
我會建議你不如自學點用maya或者blender好過

D人係咁鬧樓主老母
我話佢老母一定係特登丟左佢
2個都係自己十月懷胎生的
白頭人送黑頭人，憑乜講人唔心痛？幾多連登仔做過人父母？（兒登仔見人生仔都屌到仆街的人，點會有咩感受）

佢見樓主隔一排又拎d公仔出黎擺壇咁
佢個心肯定唔好過
其中一定包括心痛樓主
用個籍口話唔小心丟左佢，係想叫樓主放低咋
樓主你俾呀妹放心走啦

就係識先知唔係呢個價
戇鳩仔
2000會幫都係當做善事心態

相中人係你個妹?

樓主有無試過以圖搜圖，
可能google到個款，
再係amazon有機會搵到都唔定

嘗試幫你搵，但最好你可以好初步咁畫到出黎，唔洗好靚好似，只要啲特徵，例如個姿勢，有角既話隻角係點？向咩方向彎？絲帶係咩樣式？坐係到？企係到？四腳掂地係企定趴係到？全部得文字真係太難，唔會搵得到⋯

Pish

真係冇話邊個方法最好
都冇一個方法適用於任何人或情況
我純粹將令自己慢慢好過既處理既方法同想法講出黎
冇架 始終我只係個陌生人
冇意途迫人跟 亦點會迫到呢？
啱聽咪聽 唔啱聽咪算囉

不過100個人 會有100種意見 100種處理方法
如果意見唔啱聽就係多事
咁討論區唔再需要討論
全部人呢個moment只需滿足樓主願望/講支持既說話
thats what樓主exactly想要既野
我其實明既 其實大家都明

要出3D圖係因為個size and scale嘅問題(我估)
清講得岩 車工先係重點
希望有人幫到手啦

樓主，希望你唔好自責，都唔好怪你呀媽。
學會放手都係成長，你妹妹都唔想見到你咁，你放過自己，繼續你生活先係你妹妹想見到的。

如果都係控制唔好情緒或好難受，建議你搵專業人士傾傾。

係呀

暫時我搵咗一間手作舖頭整有圖嘅bear bear熊同大笨象
其他嗰啲就會搵有心人幫我畫2D圖，然後搵舖頭整
多謝大家先

推

你自己都要大概畫個樣出嚟, 有張示意圖都好
上面嗰篇嘢大部份唔計呎吋都係得咩顏色+咩動物+1個特徵
有人有心幫你畫都唔知點落手畫

掉左果刻其實係一個要切斷信號
唔掉都掉左，係時候要放手

你信輪迴個妹可能已經就黎十歲
唔信既係時候放過自已，得你自已睇唔開

幫推

希望樓主早日成功
睇到我都眼濕濕

咁佢唔係我十年前出席喪禮嘅主角...

我見你話你妹過咗身十年, 仲諗住會唔會咁啱咁橋...

btw, 介唔介意講下你妹因咩事走...

隔左大半日 仲係到討論緊
如果樓主真係想係連登搵人幫畫2D/3D圖
我集合左啲必須首先要由樓主自行做左先既問題
歡迎大家幫手補充
希望樓主睇到 唔好再選擇性回覆/由前面逐個quote黎覆而miss左

for 公仔part
1. 如果真係有心想搵人幫畫/整公仔
-> 樓主真係需要用紙筆畫一畫個概念圖
-> 出post/覆CM既時候盡量再次提供多啲有關公仔既details (e.g. size/特徵/顏色/眼耳口鼻手手腳腳係點) = 最好圖文並茂
-> 如果仲記得 可以提供埋布料/texture 等等
-> 最重要：目前只有樓主自己記得所有有關公仔既資料 所以如果樓主真係有心想搵人幫 唔該真心做好「起個大概既初稿/畫個概念圖」先

2. 因為實在太多公仔 未必會有人可以幫畫到咁多/有相關人士幫整咁多
-> 建議樓主揀3-5隻認為最重要/最有回憶既黎搵人幫整
-> 提供最大affordable價錢 而唔係$2000 for 畫全部
-> 價錢唔應該全包；應該分開幾多錢for畫公仔圖 幾多錢for整公仔/車公仔（如適合）

3. 如果真係整唔哂所有公仔
-> 建議樓主自行DIY；市面有多種DIY材料可使用


for 心理/精神part
a. 成件事已經相隔太耐 但樓主仲係咁唔開心
-> 建議搵counselling開解自己

b. 唔好咁大期望可以搵返全部公仔
-> 可能只係搵得返1-2隻 或 只係有人可整1-2隻

c. 調整心態
-> 或者樓主只係需要用一啲物品去做一個依靠/依賴/情感上既支援 但唔代表一定需要用返啲公仔
-> 可以搵返啲公仔以外 又同細妹有關連既物品做一個"情緒容器"
-> 樓主一定要明白一樣野：未必可以整得返一模一樣既公仔；唔好對依件事太執著 如果真係畫/整完唔岩心水 真心自行DIY會好啲

d. 媽媽未必真係有心掉左啲公仔
-> 媽媽係活 細妹已離去 建議活在當下 珍惜媽媽同媽媽相處多啲陪佢多啲

e. 即使可以整返所有公仔出黎
-> 唔好當左佢地真係當年陪住自己&細妹既"個一隻"
-> 所以回到問題a. 如有需要真係要搵人幫 要同人地傾 要搵人開解；而唔係自己收收埋埋不斷抑壓自己

f. 如果整得返哂所有公仔
-> 啲公仔唔好放屋企？同媽媽傾下放唔放係屋企？或者媽媽唔想再一次見到同細妹有關既野？唔好再對媽媽造成2次甚至N次傷害？

最後 見到樓主話搵到人幫整兩隻
所以如果真係要連登仔幫畫其餘公仔
麻煩首先畫左個圖先
如果唔係既話 大家想幫你搵公仔圖都好難搵

+ 如果樓主真係有心想搵人幫畫圖
唔該樓主留低可以聯絡既方法
而唔係不斷叫人留聯絡方法俾你
同埋唔該唔好再係前面quote相似既回覆 覆返同一句說話
&可重新再pin過有關公仔資料（當然手畫係最好）+聯絡方法俾大家

其實你似係自責無好好照顧啲公仔, 一時之間走唔到出黎
當你整完啲公仔之後, 就會到你嘅理智同你講:
雖然係同一樣嘢, 但已經唔係果種感覺, 因為同你有連繫嘅係舊公仔, 唔係新公仔

不如及早睇心理醫生重好

帶埋媽媽落去搵妹妹

樓主比你參考下
我以前有做緊毛公仔

我覺得你搵人畫又好，定你直接同廠夾都好
你上面文字detail其實唔夠，你可以參考下我呢張圖
當然我而家好draft咁畫，但你咁樣開到個頭
之後同人傾會易好多，同埋最好上埋色
你同人講紅色，都有好多紅色，深深淺淺，偏橙偏綠

幫推