(長文)媽媽揼咗妹妹啲遺物 (重酬徵3D繪圖高手)

妹妹十年前與世長辭，我非常難過
妹妹生前好鍾意一啲公仔(大約30隻)，佢哋都係動物嚟，例如bear bear熊、大笨象、白象仔、狗仔等等
我都好鍾意佢哋，細個時會拎佢哋嚟教妹妹做功課同埋氹佢，亦成日同妹妹一齊講啲公仔嘅嘢
佢哋每一隻都有自己嘅名同埋性格
喺我同妹妹心目中，佢哋唔係公仔，而係動物

妹妹過身後，我就將佢哋放喺我床邊，望住佢哋時就會諗番起我同妹妹嘅開心回憶
但係媽媽就一直都唔多鍾意佢哋，話佢哋已經好舊喇，成日話要揼咗佢哋
我同過媽媽講過我好鍾意佢哋，但媽媽就唔太明白，淨係覺得佢哋係普通公仔，舊咗就要揼咗佢哋

因為媽媽成日都話要揼咗佢哋，又話幫我換床單時要將佢哋拎嚟拎去好麻煩 (但其實平時都係我自己換床單)，我唯有暫時將佢哋收埋
我用白色透明膠袋將佢哋裝住，但當時屋企唔夠白色透明膠袋，我就落管理處問仲有無白色透明膠袋，但管理員話無，只有黑色，咁有十幾隻公仔我就會黑色膠袋裝住咗
當時我都喺度諗，媽媽會唔會唔小心揼咗黑色膠袋架，但又諗，佢拎啲膠袋出嚟時應該會打開嚟睇吓啩
然後就將啲公仔放入櫃裏面

前兩、三年，我諗起妹妹時，都好想拎番啲公仔出嚟
但一諗起媽媽又會喺度嘈生晒，大大聲聲咁話「都咁舊啦，揼咗佢哋啦」
我費事同媽媽嗌交，就無拎佢哋出嚟

上個月我拎啲公仔出嚟時，發覺有十幾隻唔見咗，搵咗好耐都無
媽媽就話可能佢幾個月前拎妹妹啲舊衫去揼時唔小心揼埋啲公仔(黑色膠袋裝住嗰啲)
之此我就一直好抑鬱，好嬲媽媽點解咁唔小心
媽媽同我道歉咗幾次，我原諒咗佢
但一諗起唔見咗啲公仔，就覺得好傷心、好對唔住妹妹
妹妹以前問過我，如果火燭嘅話會唔會帶埋啲公仔走，我嗰時就會
但竟然親手將佢哋放落膠袋，然後幾年後媽媽掉走佢哋
咁啱上年我又唔見咗手機，連啲公仔嘅相都無埋
我覺得好對唔住妹妹，哩排一直都好自責

近兩個星期放大假，我乜都做唔到，每日都好抑鬱、自責
由一瞓醒就覺得好難過，直至瞓覺
妹妹生前嘅片段亦一直浮現出嚟

我好自責
1. 如果當初去買白色透明膠袋返嚟，啲公仔就唔會有事
2. 如果當初將佢哋收喺床下底，媽媽就攞唔到佢哋出嚟 (因為妹妹生前問過我火燭嘅話會唔會帶啲公仔走，我驚火燭嘅話拎佢哋出嚟趕唔切，所以無將佢哋放床下底)
3. 如果前兩、三年我拎番啲公仔出嚟，佢哋就唔會有事

我一諗起以後可能再見唔番啲公仔，就覺得好難過
前幾日喺相簿搵到其中兩隻公仔嘅相，諗住搵公司做番佢哋出嚟
搵過幾間報價，佢哋都話最少要做500隻
錢唔係問題，最緊要係可以整番佢哋出嚟
咁到我老咗嘅時候，望住啲公仔，都可以諗起妹妹

但係，仲有唔少係無相嘅
所以，我想搵3D(或者2D)繪圖高手，幫我憑我嘅記憶畫番啲公仔出嚟，咁我就可以搵公司做番佢哋出嚟

酬勞大概$2000，亦都可以留contact報價

希望我可以快啲整番啲公仔出嚟，咁我就可以重過新生活

希望你可以釋懷

你妹妹都唔想你咁

啲公仔本身邊間廠岀

TLDR

幫手推一推

只可以講$2000唔夠 一萬差唔多

會唔會係契機叫你放下？

睇到有D想喊 , 希望你可以整番D公仔

不如去睇下心理治療啦,認真

睇完唔明，妹妹應該都係媽媽個女，妹妹既遺物對媽媽都有意義，點解會因為舊就唔鐘意？

咁啱上年我又唔見咗手機，連啲公仔嘅相都無埋

你自己唔做backup

非高手但可幫

推

你老母根本全心玩嘢，揼返老母D嘢走

依家講呢啲有咩意思

就算整返，都已經唔係屬於你妹妹嗰隻啦，整嚟做咩？你去睇醫生好過啦。

向好嗰邊諗好彩仲有一半，今次好好保護佢哋

雖然叫你釋懷好不切實際
但我覺得既成事實嘅野就應該慢慢放低
同埋覺得你應該睇下心理醫生
抑壓得太耐可能真係變情緒病
祝你早日釋懷

有無圖啊？

用ai 畫咪得
將你記得嘅嘢寫晒落去

你無相?
用張相搵人整返咪得

佢哋係唔同時期嚟到我屋企既，所以每隻都唔係唔同廠出嚟