(長文)媽媽揼咗妹妹啲遺物 (重酬徵3D繪圖高手)

真係有d似以前歡樂天地抑或係海洋公園果d公仔

清 有啲野就真係唔係講錢嘅
不過認真講 如果咁嘅價
我會直頭唔收錢咁畫1-2隻比樓豬
重點要預我有時間先畫
因為我無收錢 所以無得屌

樓主你唔使個個覆同一句
或者你志在澄清⋯
但你有上水+置頂
大家就會睇到
你可能少上連登唔知呢度使用方法
一個個咁覆同一句
大家反而會覺得尷

我喺度諗，你不如自己開始學整毛公仔
由畫圖到裁布都自己郁手

一嚟打發時間等自己唔使胡思亂想
二嚟成個漫長嘅過程
可以俾你一個渠道釋放情緒

得你知啲公仔咩樣
你慢慢整，整到幾成似就幾成似
岩巉啲都得
又可以一路整一路潤飾

最終整成點、有幾似，係唔重要
重點在於你可以重新將感情寄託落去
無論過程定實物定感情
都將會係你最私人嘅嘢

呢件事上、呢份痛苦
你要面對嘅唔係過咗身嘅妹妹或你阿媽
而係得你自己

你喺個過程度搵返你自己
好過假手於人

no.6 會唔會係海洋公園攤位啲公仔？

其實好多人包括我都提供左好多方法俾佢
不過佢仍然要死lur 搵人畫圖再搵廠/公司幫佢做公仔

都幾肯定你老母係特登揼

help pish

介唔介意講下你而家咩環境 我諗樓主同 呀妹仲在生嘅話都4張都有 同而家媽媽關係點 大家相處上如何 你自己過得開心嗎 本身有冇遇到咩困難

成件事就好似好想搵返當年食過既某一樣野+當年個種味道
但就算搵返同一個師傅整
點都會同當年既有所出入

唔淨止我 咁多人叫樓豬去睇醫生唔係認定佢真係有病
而係佢需要人地開解佢
唔係一味係到死lur爛lur 啲公仔就會返到黎佢身邊

就算啲公仔返到黎 日子耐左
咪又係會亂諗
「當日啊媽掉左啲公仔」
「啲公仔唔再係當個一隻」
所以真係放手啦 俾你買返/整返相同既野真係根本無用

Push

佢情況係3d其實對佢想做嘅野只係一個步驟
其實冇都得 問題係要個勁嘅車公仔呀姐
仲要佢可以比到足夠reference 比人參考
而果個人車工要好有經驗

廠人地要搵食 講真唔會幫佢整一隻用人地rnd嘅車工呀姐
但佢依家有相 可以整到嘅機會大好多
其他冇圖果啲真心冇咩可能 錢已經唔係問題

其實不如趁呢個時間睇therapy
解開呢個心結

妹妹永遠都會在你心裡面
但如果因為公仔而影響到情緒同生活、同媽媽的關係，咁就要傾下

利申：父親走咗十幾年，十年前到睇完therapy明白其實自己未接受到，但自始開始面對

真 但佢唔明
你見佢死lur 你就明
好似上面位巴打咁講
得佢一個記得無圖既堆公仔係點
佢又唔自己試下整
其實整成點真係唔重要
但佢就係死lur 要圖要公仔

講真
鈎織 陶瓷 輕黏土 泥膠
仲有 不織布 織冷
乜都可以整返隻實體出黎
但佢就係偏偏唔揀依啲solutions
見好多巴打好有心搵左ig淘寶俾佢
但隻公仔個樣得佢知
起完初稿又要改圖 改黎改去 唔係有錢就會有人肯做
改改下人地都燥底唔想幫你改 仲要咁多隻

講到尾搵/整公仔依單野根本治標唔治本

見有圖 幫你勾咗隻熊仔線
等樓主易啲整 希望唔係假膠

我覺得啊妹都唔會想你一直生活在過去

個重點都已經唔喺妹妹到啦
而家係個阿媽冇尊重過個家姐嘅意願

即係家姐有一樣完全屬於佢自己嘅嘢 個老母唔鍾意又可以掉鳩佢？
呢啲咪係逼自己啲仔女離家出走 老死不相來嗰啲老母囉

辛苦你了，搵番一模一樣嘅公仔機會好微，你不如試吓diy 啲簡單嘅公仔每年送一隻俾妹妹？同妹妹之間嘅感情係冇得放低的，但執着住舊嘅公仔想keep住以前嘅回憶會令你好痛苦，我覺得樓主你其實都未接受到妹妹離開嘅事實，我希望你可以好好俾自己休息。妹妹永遠都活喺你心中，每年自製一隻新公仔悼念佢可以係你同妹妹新嘅回憶

真 就算佢有錢整 前題一定要極清楚講人知佢要整到點樣
根本唔係專唔專業3d唔3d問題
最直接係佢自己畫平面圖 鉛筆好木顏色好 畫晒上下左右嘅樣
畫到自己滿意
再自己用泥膠整隻板 細細隻 比人參考
先有可能開到工 佢個態度就係以為自己比錢
就可以做到咁 更加唔好講佢唔似真係比得起錢

就算有錢 上面嘅野都係要自己做 更加唔好話依家佢似想r人幫
人地幫 你都要做晒自己本份人地先有機會幫

樓主有心嘅話 應該用你張圖畫埋其他幾面出黎
標埋物料同尺寸 人地先叫有基本野開工

好同意你最後個句
有錢真係唔係萬能
唔係樣樣野都可以用錢解決
如果係既話 佢唔洗上連登搵人幫
求其俾多幾個錢搵淘寶/香港廠商幫佢大量生產500隻都得

"搵過幾間報價，佢哋都話最少要做500隻"
500隻係 用3D 畫定係實物?

反而我無意叫樓主放手
其實唔使刻意放手
唔放都冇乜點
人就係要伴隨回憶過日子
無論苦與樂
有日要放低自然會放低

佢需要嘅係一個出口
只係現實角度搵人啤返啲公仔出嚟嘅可行度低啲
不如自己郁手好過
所以我先提議不如索性自己整
整成點都好
望住佢哋，或者會慢慢整理得返個情緒

其實拎住你張圖 畫落塊布到
自己手縫兩下 再釘啲眼同鼻落去
唔釘咪再手縫線落去
再唔係咪買部車衣返黎用
依家啲車衣都好易用 又有youtube教點樣用車衣/手縫
再買幾舊棉花塞落去
都叫做整好左一隻

唔明點解一定要堅持用圖整公仔
就算無圖 自己畫落去塊布到
唔岩咪再改
依個世界無野勁得過自己親手diy
就算佢妹仲在生都係咁話 收到親手diy既公仔一定感動到喊