我自細響呢邊長大,講真,好多同學真係諗住得過且過,冇嘢緊要得過佢今晚有Hockey睇
我唔可以話佢哋爛泥扶唔上壁,不過遇到太多人,你要佢稍微付出時間同體力做少少嘢就好似殺咗佢咁。如果佢係秒秒幾十萬上落,OK我明白唔打擾人發達,但呢班人根本返工後冇嘢做,hea吓又一日。叫佢進修,一定No啦,叫佢帶個爐出嚟BBQ,都可以嫌煩,最好有人帶曬嘢整埋俾佢哋嚟到就食,食完就走。搞親Gathering次次都係拖拖拉拉要其他人負責曬做搞手,到最後果刻睇吓佢哋係咪咁啱有Mood有時間就出席。試過搵人合作搞吓話劇、整吓遊戲、畫吓嘢甚至Jam吓歌,哇慘過問人借錢!