OWP溫哥華半年有感

到咗溫哥華就半年，有好有壞，見得到未來但難免都感到迷惘。

交通：skytrain同bus都算係去到要去嘅地方，計翻港紙一程就15-20蚊左右。一定就冇香港日本嘅地鐵咁四通八達，不過都叫做接受到。

食飯方面：8成自己煮，一星期都有一兩餐食下外賣/出去食，因為溫哥華食野真係唔平。拉麵、pho、碟頭、米線全部都差唔多一樣價，連稅同tax都要18-25加紙，圍翻都100-150蚊港紙。 不過好處係大部分都對得住佢個價，係香港同樣價錢分分鐘冇咁嘅質素。缺點係有時放工好攰，想買個平平地嘅頹飯都冇可能，有啲掛住香港嘅兩餸飯。

超市grocery：啲價其實同香港差唔多，得牛肉平過香港。大部分野仲要再俾tax，埋單可能仲貴過香港10-20%。依家costco嘅價其實已經唔係平好多，最多都係去買野飲，同埋買勁大舊肉同frd分。

而翻工方面：我仲未轉到護士牌，以我所知公立嘅nurse係翻4日12hr shift，然後放5日，除翻開37.33 hr/week，一個護士對5-7病人；之前我係香港係做HA， officially 44.5 hr/week，不過一定有ot，一個護士對12-16個病人。workload就一定加拿大少好多，都冇咁大壓力，不過人工after tax就打翻個七折，做少左自然袋少啲，都fair。
而我依家做緊啲caregiver工，超級輕鬆，不過的確係難搵工，都用咗個幾月先搵到份俾到40hr/week嘅工。其他工種我就唔太清楚了。

再講住方面：一啲都唔平，樓價其實都幾離地。雖然同樣價錢，加拿大買到嘅一定靚過同大過香港，但係其實對翻人工，後生一輩冇屋企幫，都係一樣好難上車。香港人多數揀Burnaby,Richmond, downtown住，1bed1bath1den1parking嘅condo大部份70萬加紙up，house/townhouse就要1m cad up，mortgage多數銀行批36個月人工咁上下。

玩：一定冇香港咁多，多數都係行山露營滑雪沙灘個啲。不過暫時係度朋友又唔多，本身又毒，所以我就冇咩問題。

總括嚟講，香港同溫哥華都有佢地嘅好，而好多現實嘅問題都係到左溫哥華先睇到，例如基建發展慢、living cost高，但係的確生活chill啲，pace都慢啲 又feel唔到啲咩歧視，啲人好nice，而家連行路都慢咗好多。但係個心都唔上唔落，好似迫自己接受移左民。

當初走就係唔想下一代接受香港嘅教育，又唔想送佢出去讀書，感覺好似將移民個波射咗俾下一代咁，最後先決定兩個人離開香港。五個月，有home sick、有喊過、亦都有遇到過好好嘅同事、最幸運嘅係我有另一半可以互相支撐，希望五年後我可以唔駛回流，因為移民真係好撚攰。

個份對未來嘅焦慮同迷惘，我相信好多走左嘅人都明白，無論你係係英國澳洲定邊度都好，我只係想同各位移民撚講聲加油！！

分享得全面，都幾貼地同客觀
祝巴打生活加油

巴打叫春快樂

是

分享得好
住呢到真係好貴已經又升左

你grocery買咩要俾稅啊？

租樓嘅1/2房大概幾錢?

溫比較適合半退休 或者 退休人士

少好多壓力 可以享受生活

點解唔揀多倫多

可能係零食

T&T/權記 咪有兩餸飯囉

lm

樓都買唔到，又儲唔到錢，有咩未來

個份對未來嘅焦慮同迷惘

你生小朋友先係岩岩開始，長憂99

寫得幾好
我雖然係citizen打算回流，都驚咗啲樓價，又驚中年揾唔到工應付生活費，唉！
BC省（温哥華個省）而家真係等於Bring cash，冇cash冇生活

Btw你話自己係「移加小妹（處）」，有小朋友仲點係處啊，改過個名啦！

其實話香港多野玩又up唔出有咩玩即係有咩玩

溫哥華生活開支係加拿大最貴頭3
正常係好有目標會係溫哥華拎到好既offer先會去溫哥華

住呢2年真係升得好勁，你岩岩有救生艇果時即去既話同而家起碼爭20%

玩點會香港多過溫哥華呀
同埋呢邊連唱K都好貼香港 鏡 張天父果D都有齊
但係咪正式授權就唔知

如果你慣左乜都一條毒撚係會比較難過
呢邊大家中意係屋企開P

食方面你真係懶得自己煮可以試下搵D媽媽同事/鄰居同佢地長期買飯
特別溫哥華咁多華人
又或者d desi 好多都煮飯好好食

護士係咪強制打針

識多啲唔同嘅人
絕對有幫助

樓價真係cls

要生就一定走啦 冇得揀

講中晒！我啱啱嚟到都體驗到

住又唔一定要買
一定要買屋咩