［殭屍/靈幻/鬼怪］《輪迴。道》世界重新輪迴一次之後我都係變咗做道士 10

出文真係太慢但返工真係太攰，個腦長期閉塞

其實唔算慢

平均4-5日一更咁都唔慢？！

我以前一日一更

我以為你棄左故

我淨係追2個故 你呢個算光速

放心我一定唔會，我對依個故好有愛，只係做野太攰，依排我個時間表爆曬，日日都11點幾先返到

完全冇精神打文

睇咗兩個禮拜追到live
呢個故令我諗返好多彊屍先生嘅情節

咁隔離都真係誇張

多謝支持！！！

因為本人係殭屍先生嘅忠實粉絲好多位都有致敬下嘅！

但兩個禮拜會唔會太快

殭屍先生 正
依家啲細路唔識欣賞，以前細個一路睇一路驚

我記得我細個睇嗰陣，笑得最開心係大隊長俾佢外父追，喺度大聲叫：快啲開門啦！我係你親愛嘅威哥啊！

九叔嗰啲唔知扮知都好撚好笑

九叔：你做咩除我條褲
秋生：救你囉！
九叔：除咗除褲乜都得

但這次霍鎮海沒了以往面對閻三的輕鬆，只見他打散氣刀的那隻手衣服破開了，也有一行血從前臂流到手指頭滴下

可見閻三的功力真的大幅提升了不少

「前…前輩…」陳天航對霍鎮海為自己擋招有點受寵若驚又有點手足無措

「三！佢係啊晴意中人，唔好傷害佢」霍鎮海居然說出這樣的一句

「呃….葉靈」啊仁聽靈這一句後腦袋也卡了一卡，才想到霍鎮海說的「啊晴」是葉靈

「哈霍鎮海！你終於都唔裝瘋賣傻啦咩！」
閻三笑說

「契爺….佢講嘅啊晴係….」看啊仁的反應，原來他和啊晴一直都沒有跟閻三說出葉靈才是正版霍蘊晴的真相

「我一早就知」閻三不屑的說

也是，閻三這種老謀深算的老狐狸又怎會真的以為霍蘊晴變了殭屍，而且還沒以前的記憶，他之所以會順著啊仁啊晴的意也只不過是想利用二人罷了

「三…係時候收手啦」霍鎮海再說

「今日只要你死，我嘅生活就得以平靜」閻三說

「如果今日有人要死，朕諗應該會係你」秦王收起權杖，雙手在耍玩著它

「老兄，我唔知你係咩人，但我勸你少管閒事」閻三想要威脅秦王

「朕都想知，朕偏要管的話又會點」秦王看著面前的閻三笑說

「後生仔，沙塵白霍！先殺你！」閻三對秦王說出這句莫名有點好笑，不過在表面來看，秦王又的確比閻三年輕許多

「哈」秦王被說是年輕人也忍不住冷笑一聲

「鳴！連你都睇我唔起？！」但生性敏感的閻三卻是認為秦王是看不起自己

他一改目標，先朝秦王出招

「立地鎖天」閻三雙掌併攏，再慢慢拉開，雙掌之間多出了兩條氣鏈，各手一條

閻三右手抽後再用力拉前揮

咔咔咔！！氣鏈的氣勢甚至比真鐵鏈更強

「三！」霍鎮看到閻三對無辜的人出手，立馬衝往阻止

「唔好阻頭阻勢！」啊仁這時竟有膽上前想幫閻三攔霍鎮海

啊仁雙拳儲滿黑氣，直朝霍鎮海出拳

睜！！

嘭！！

「嘩呃！！」但霍鎮海僅用一個眼神就將啊仁給彈飛了，啊仁直接被彈到鞦韆那邊，人都掛在鞦韆上

而面對氣鏈的攻勢，秦王選擇後退，不正面抵擋

「你依家淨係識得褪後啦咩？！！頭先都仲好囂張㗎！」閻三以為秦王的後退是害怕

「嗯？原來你想朕唔避？」秦王問句

問完後秦王就站直身板，沒再後退

「嗯？！」閻三有點詫異，但也沒收住攻擊 繼續往秦王攻去，他高舉右手，把手繞過頭，腰用力扭動，將氣鏈的力發揮到最大

噠！！

「？！」閻三不敢面前的景象

秦王用兩指就輕鬆夾住了閻三右手的那條氣鏈

「邊有可能？！」閻三大驚

「哼」秦王冷笑一聲，雙指發力

咔鏘！！氣鏈被夾破，碎片散落

「仆街！」雖秦王沒說什麼，但閻三感到被侮辱，頓時火起

他揮動左手剩下的那氣鏈纏住了秦王伸出的那手，並用力想將秦王拉往自己，但秦王卻絲毫拉不動

反倒是秦王發力把閻三拉過來

「呃！」閻三轉變計劃，後腿一蹬，順著秦王的力衝往他

他右手儲力，紫氣聚集，一道道黑電包裹著拳頭

「雙生殺盡，虛生幻化！！」閻三在半空中唸出一句，分別提起了雙生靈和虛生靈

唸出咒語後，閻三的拳再添一層紅霧

這一拳如果是常人被擊中的話應該是要永不超生，直接灰飛煙滅

而秦王無動於衷的站在原地，就像是等着閻三的拳到來

「我今日一個一個殺曬你地！」閻三瘋癲大叫

「朕都想見識下」秦王終於有所行動，他左手拿着權杖，右手收拳放在腰間，雙腿微微下蹲，腰往右後扭，秦王準備儲出力出拳！

朕都想見識下

秦王今季第三次出手

做咩事

月巴點做到夜返仲出到文 …
好攰呀 …

我依家一星期起碼有5日係由朝早踩到夜晚11點，都係攝時間去寫文，所以先慢更咁多

攰到周身骨痛

Respect

不過大家放心啊！！

你哋一定睇得到呢個故事嘅結局㗎

我唔介意你月更。唔好爛尾就得