16 Like
1 Dislike
月牙
2023-10-19 11:11:55
上個星期極度忙碌
呢兩日應該會有文
月牙
2023-10-21 01:15:28
吸力開始將周遭事物吸進破口內
「弊!」霍鎮海驚覺要出大事便提醒眾人,吸力之大就連神力霍鎮海都要找支撐點捉住
秦王也被吸力拉前兩步再站穩
咔!!公園內的花草率先被吸進破口內
剛剛被彈開的閻三也開始被吸力緩緩吸近
「呃….嗄….」深知再多逗留就不妙的閻三便拖著重傷的身驅一拐一拐的逃離現場
逃走時,他經過了啊仁的身旁
「契爺…救…」幾乎被閻三吸乾的啊仁居然還向這人求救
但閻三只輕輕看了啊仁一眼便獨個離去,並沒有救他的意思
「嗄…..」啊仁不憤的瞪大雙眼,這刻他終於都認清自己是信錯了人
但已太遲,身體接近枯萎的他並不能做到什麼,只能眼睜睜看著閻三遠去
而吸力已開始把公園地面的膠地一塊一塊吸起
「有冇辦法?」霍鎮海問秦王
「冇…就算有,都唔係凡人可以做到嘅事」秦王遲疑的回答
「…由出生個一日開始,我就注定做唔到一個普通人..」霍鎮海放開支撐,紮穩馬步,雙手開始凝聚氣在胸前
「封天鎖地,控!」他唸出咒話,將凝聚的氣擊到破口前,想用氣把破口給封住,直至破口自己關閉為此
破口被封,吸力頓時消失,公園又變回平靜
隆……
但被封住的破口好快又傳出陣陣異聲 吸力明顯比剛剛變得更強
「嗄呃…..」霍鎮海要用盡力氣才將破口堵住,甚至要不斷使用真氣才能跟吸力抗衡
「……」秦王在旁一語不發的看著,大概是他也認為自己已過分干涉人間的事
不可再多加插手,他此行的目的就只是阻止閻三的惡行,其他事情在他心中都是命刧,必要經歷
而閻三就只是一個輪迴命盤中的錯誤點
「嗄!!呃……」霍鎮海運功運得滿臉通紅,看似快到極限
「老兄…你可唔可以幫我一個忙,帶佢地走先」霍鎮海吃力的望向秦王提出請求
嗚!!破口發出的聲響越發漸大,霍鎮海快撐不住
「恕朕直言,唔得,朕今日已經插手太多,依家嗰個人都走咗,朕都冇留低嘅必要,剩低嘅都係命數」說畢,秦王就轉人要離去
「…….」霍鎮海沒再強求秦王幫忙
「我地係盡頭日再見,如果你可以捱到個日」但秦王前行幾步後停下跟霍鎮海說
盡頭日?
秦王又多說了一個沒人懂的詞彙
「嗯….希望到時會見面」但霍鎮海又好像似明非明的回答秦王
之後秦王就在天台公園這樓層一躍而下,身影消失
嘭!!!
霍鎮海終於撐不住破口的力量,封印被衝爆了,吸力又重新上線,而且威力更比剛剛變得厲害
「啊!!……」霍鎮海腳軟半跪下,突感一頓頭暈目眩
「唔好係依家….我仲有野未做完…」霍鎮海看著倒地的啊仁和半空浮沉的陳天航魂魄,咬一咬牙想再次站起,但最終都是暈倒過去
「霍前輩!」陳天航大叫,但霍鎮海已失去意識
「….」
「嗄…..啊」好快,不能動彈的啊仁直接被吸至離地
咻!!
「啊….!!」啊仁被吸進了破口
「仁!!」被突然出現的破口而中斷施法回體的陳天航看到啊仁被吸進破口便緊張大叫
但很快就連他自己也一同被被口吸進了異常維度之內
破口亦隨即消失,好像它的出現就只為吸走二人一樣
食蕉啦朋友
2023-10-21 13:33:56
月牙
2023-10-21 17:49:41
係咪太耐冇更新大家都棄咗故
雪榚糯米糍
2023-10-21 20:03:13
無 不過隔兩個月先返黎睇一睇 吾會棄 加油!
指定邊個好呢?
2023-10-22 17:39:35
仲睇緊,儲咗幾個月,又係3個字睇完
月牙
2023-10-24 08:33:44
都應該有十幾二十篇,都咁快?!!
月牙
2023-10-24 08:34:00
多謝支持
蛇夫子
2023-10-24 12:10:41
推。
月牙
2023-10-26 18:09:41
數十分鐘後…..
「嘩!搞咩啊!!」
「世界大戰啊?!」
「喂!有兩個人暈咗係到啊!報警啊!」
兩名正打算開放天台公園的商場人員看到公園被破壞得混亂不堪便進內查看,就發現了暈倒的霍鎮海和魂魄被吸走的陳天航
之後他倆被送往到醫院檢查
……..
另一邊廂,警局內
「咩話?啊航失蹤?!」啊烈激動的
「係啊烈哥…..佢琴日叫我幫你睇住…」啊全口快快說了,忘記了陳天航說不要在啊烈面前提起知道是夢晞是「啊烈女人」,他還不知自己被陳天航蒙在鼓裏
「幫我睇咩」啊烈疑惑看著
「幫佢…睇住啲野,但之後我再搵佢就已經搵唔到啦」啊全馬上改口
啪!!響亮的拍枱聲
「咁撚大件事!你依家先嚟同我講?!」是啊烈生氣得拍枱叫罵
「喂!你控制下自己啊!」一旁監察的警員一手按著配槍一手指著啊烈
「繼續」啊烈眼尾也不看那警員一眼,然後示意啊全說下去
「我有即時同朱律師嚟差館搵你㗎,但陳一條躝坦唔比我地入嚟,話咩犯人罪行嚴重,有權唔比佢見面,但我已經發散曬兄弟去搵佢」
「個死仔會去咗邊呢….」啊烈擔憂的自語
叮…叮…叮…
然而,這時啊全的電話響起
「烈哥!啊航打嚟!」
「聽啦!」
啊全接聽,電話另一頭卻不是陳天航的聲音
「航?咦,你邊位?」
「係, 我識啊,佢咩事」
「下?!…..」啊全不知聽到什麼消息,突然面色凝重
「好….我會通知佢屋企人,同埋我轉頭會過嚟」啊全掛斷電話
「啊航有事?」啊烈問
「呃……」啊全人還在呆滯當中
「講啦!!」啊烈怒吼
「醫院打嚟….佢話啊航….死咗」啊全也不敢相信自己說出的事
「你講咩話?!咩事啊!」啊烈也希望是自己聽錯,再問啊全一次
「我都唔知,醫院淨係話有人係荃灣廣場嘅天台公園發現啊航瞓咗係地下,就call 白車送咗去醫院,但今朝冇咗心跳…..」啊全復述一次剛剛護士說的話
「點解係打比你」啊烈問
「佢話我電話係最後一個通話紀錄,所以打比我,同埋佢話如果可以叫我通知埋屋企人」
「……..」啊烈愣住不說一語
「烈哥….」啊全擔心啊烈的狀況
「夠鐘啦夠鐘啦,張一烈返入去!」這時不識趣的監督警員又拉扯啊烈命令他回到暫時拘留室中
但啊烈還未接受到突如其來的衝擊,腦海一片混亂,未有理會拉扯他的警員
「喂!啊sir 你斯文啲好喎!」啊全看不過眼便發聲
「我叫你起身啊!」那警員無視啊全,更直接將啊烈扯了起身
誰不知,啊烈突然來了反應,向右手足着警員搭着他左邊肩膀的手,扣著他的拇指往自己胸口一反,警員吃痛已順著啊烈的方向壓下身體
然後啊烈再用左手穿過警員的腋下,用掌將他更為壓下,而扣著的手就逆向扯高
一招簡單的擒拿,把這警員狠狠制服
「啊!!痛!痛!痛!烈哥!烈哥!我知錯啦!!放開我」警員被制服後就馬上放下身段向啊烈求饒
「下次我講緊野,你唔好嘈住我」啊烈冷酷的說這一句,那以前當大哥的氣勢沒有減退
「你幫我去醫院了解下到底係咩事….確認係啊航….先好通知佢啊姨,我唔想佢地咁頻撲……
如果真係要搞後事,而我地又未出到嚟,你拎我啲錢去搞,一定要搞得好好睇睇」
啊烈慢慢吩咐啊全接下來的任務
「明白,我會處理」能做啊烈的心腹,啊全定知啊烈的想法,立馬就轉身想出發去醫院
「仲有」啊烈叫住轉身的啊全
「叫朱律師盡快搞我地出去,同埋同我查清楚啊航到底發生過咩事」
「得!」這次啊全真離去了
而啊烈也鬆開鎖住那警員的動作,自己緩緩坐下
食蕉啦朋友
2023-10-30 21:12:34
射川他她它
2023-10-30 23:01:59
冇棄,但hea住睇。
打搞伯母
2023-11-02 11:07:32
幫推未棄 儲埋一次過睇
食蕉啦朋友
2023-11-02 14:37:21
月牙
2023-11-02 20:00:15
多謝繼續支持
唔會覺得個故悶就得㗎啦
月牙
2023-11-02 22:52:10
「呼……點搞」在啊全走後啊烈才敢定下來嘆氣
咔!這時,陳一帶著林家材與另一名手下進來探訪室
「陳sir !!佢!佢啱啱!」剛剛被啊烈施展擒拿的警員看到陳一進來就想立即告狀
「得啦,知啦,我一直都睇到,躝出去啦,一個臭格犯都搞到你咁樣仲好意思告狀」陳一卻以極嫌棄的態度對那警員說
「哦….」那警員被上司說兩句後,就像小孩般扁著嘴離開探訪室
「啊,你都幾大膽㗎喎,你差館入面郁警察,真係唔驚坐多幾碌咩」陳一走到坐著的啊烈面前以居高臨下的眼神看著他
「你咪返去睇下啲CCTV錄唔錄到野囉,有證據再同我講野啦」啊烈卻表現得非常淡定
「嗯??」陳一不解,立刻就叫手下去查看剛剛的閉路電視片段
過一段時間後,那名手下驚恐的跑回來,喘得上氣不接下氣
「陳…陳…陳sir !個CCTV…有…冇….唔係!….有個人頭!」
「你講乜鳩啊!定啲先!」陳一看着不成材的手下怒說
「頭….頭先我去睇CCTV,初頭陳條片都好朦㗎,咩都睇唔到,咁我就再睇多兩睇啦,點知個畫面突然彈個人頭出嚟啊!!」那手下激動的說著剛剛的遭遇
由啊烈進到探訪室的一刻閉路電視鏡頭就像被蒙上一層白紗布,畫面朦得根本看不清
原來是九叔和啊烈早就猜到陳一定會玩出甚麼花樣,所以在啊烈出發探訪室時九叔已安排一個鬼僕前往遮擋探訪室的閉路電視的鏡頭,只是鬼僕貪玩才嚇了警員一條
「張一烈!到底你地係到玩緊咩?養鬼仔?」
「所以,冇證據,得所謂一個人證,想告我咩?」啊烈向著陳一擺出一個虛假的笑容說道
「我….!帶佢返入去!聽日押佢地去荔枝角!」陳一覺得無顏面,便示意手下將啊烈押走
回到拘留室,啊烈立刻將剛剛知道的事都告訴九叔他們
「……」得知這消息之後,大家是一片死寂
「航佢…」啊武欲言又止的
「我已經叫咗人去查到底發生咩事㗎啦….」啊烈說
「是福不是禍…是禍躲不過,天命」九叔唏噓的說道
「雖然𡃁仔未學滿師,但以佢程度,普通人同一般鬼鬼怪怪都應該應付到先係㗎….」英叔開始推測陳天航的「死因」
「會唔會係段天班仆街做㗎」葉尚生猜想道
「我覺得唔會,如果佢地要殺啊航嘅唔需要等到依家」啊烈卻說
「咁會唔會係佢地就係特登將我地拉曬返嚟先再對付𡃁仔呢!」英叔又說
「嗯…應該都唔係,如果係要講啊航單獨嘅時間實在太多,平時佢返屋企、去買飯依啲,大把時間係單獨,佢地要落手,根本唔需要咁大費周章」啊烈又否定是段天一行人所為的可能性
「咁….仲會有邊個」啊武問
「我諗到有兩個可能性….」啊烈沉思數秒後說
「嗯…閻三」九叔大概猜到啊烈的想法
「係,除咗段天佢地之外,最不穩定性嘅人有兩個,一係閻三」啊烈再補上解釋
「咁另一個係….」英叔說著說著看向了葉尚生
「嗯,不穩定性,我老豆」葉尚生這時也猜到剩下的人選是誰了
「依個可能性最好唔好係我個妹面前提起」葉尚生知道葉靈對父親的看法以及對陳天航的心意,他不想讓妹妹感覺難受
「咁當然唔一定係霍前輩」啊烈不想葉尚生難堪便說
「而且人選又的確仲有幾個,不過可能性相對比較低」啊烈續說
「仲有咩人?」葉尚生問
「個日係九叔門口放低地王三世書嘅人」啊烈口中的那個人便是秦王
「依個人….佢的確係一個高手,但我諗唔到佢有咩理由要殺𡃁仔」英叔回想著當晚慘烈的一役,所有人加起來也不是秦王的對手
「所以我話可能性低,另一個就係…啊仁」啊烈終於說出最不想認定的人選
但啊烈也不愧為大家的大腦,短短的分析就把出事當天在場的所有人都給推敲了出來,一個不差
只不過他並不知道自己口中所講的人選其實是全數都在現場而已
食蕉啦朋友
2023-11-04 03:16:06
蛇夫子
2023-11-04 13:40:44
推。
月牙
2023-11-06 16:39:40
發燒燒咗三日
會影響更長時間
月牙
2023-11-09 18:32:31
原來打錯字,自己都唔知
係會影響更新時間*
我去咗聽日先至可以正常返工,足足病咗一個星期
月牙
2023-11-12 22:13:53
「唔會!雖然我到依家都唔明啊仁無啦啦嬲我地啲咩,但啊仁本性唔壞!佢唔會走去殺𡃁仔嘅」英叔不信啊仁會出手傷害陳天航
但可惜,事實就是這樣發生了
「我啱啱所講嘅都係推斷,唔一定係咁,所有野都要等啊全查清楚先」啊烈再說
「咁等都唔係辦法」九叔這時說了句
「九叔,你有諗法?」葉尚生問九叔
「身外化身」九叔說
「九叔你想逃獄??」葉尚生驚愕
「啊奇已經失咗蹤夢晞冇人睇住,啊航出埋事,以啱啱嘅推斷,出面隨時再有事發生,而且啊全佢地凡夫俗子,未必查到啊航嘅死因,我地唔可以係到白等,要出去」九叔說出想法
「但咁…..」聽到逃獄這麼嚴重的罪行,眾人都不敢貿然給予意見
「你地唔想?」九叔問
「唔係…不過係講緊逃獄,好大罪…」葉尚生說的也是大家的想的
「唔緊要,我一個出去」九叔平淡的說,令眾人不知他是在說氣話還是認真的
「唔係啊老野,我地就咁走出去會唔會太倉猝?」這時英叔主動說
「要等出面發生大事先決定?」九叔反問英叔
「九叔講得啱㗎英叔,我地唔可一直被動咁等落去,啊全佢地的確唔會查到啲咩,我地要出去」啊烈認同九叔的觀點
「嗯,我都覺得唔可以比啊航死得不明不白」啊武也加入
「咁我都冇拒絕嘅理由」葉尚生看眾人也同意九叔的行動便說
「唉,咁死咪死囉,幾十歲都唔差幾啦」英叔最後也同意
「但我地點通知葉靈?」啊武問
「等我嚟」葉尚生在袋中拿出一張紙巾
「紙巾?」啊烈不解的看著葉尚生
「冇計,入嚟個陣比佢地收曬的野,好彩仲有彩紙巾咋,睇住嚟啦」葉尚生輕笑一聲,先將紙巾撕開兩份,一份備用,然後將手上那份撕成一個人形,再咬破手指在紙上畫上符咒
「以血借力,靈童傳話:身外化身,隨時走,執生」
給「符紙」說好內容後,葉尚生就把它貼到牆上
「去!」一聲喝令,人形紙慢慢貼著牆身遊動了起來,向葉靈走去
「佢會傳話比啊妹㗎啦,我地開始計劃啦」
之後,他們眾人決定就選當晚逃走,九叔先命令眾鬼僕用手掩著那幾名站在外負責看守的警員眼睛,實行一招鬼掩眼,讓看不到以下來將發生的事,另外還安排了鬼僕遮擋著由暫時拘留室到出口沿路的閉路電視
「九叔,搞掂啦」鬼僕大叫通知九叔,反正警員是聽不到
「鬼僕就位」九叔跟大家說
「好,咁我通知啊妹」葉尚生將剛剛預留一半的紙巾也製作成人形符來通知葉靈即將要行動
「搞掂!」通報完成
「走!」
「龍神敕令,雷神借法,斷!」九叔唸出咒語,手作結印
噠的一聲!!
整個警局的電力頓時被切斷了!
「喂!咩事!!」
「停電啊!!」
「搵人去睇下個電箱啦!」
警員都立即亂成一團,不知所措
「郁手!身外化身」九叔令
「係!」
由於啊烈啊武還未懂如何施展身外化身術,所以就由九叔英叔為二人作法弄出個替身
不出一會,眾人都多出了一個替身留在拘留室
然後再由幾名鬼僕負責擋在各人的前方,這可令來者不能輕易看到己方的人
「走!」九叔在英叔扶助下離開拘留室
「我去搵埋啊妹一齊走」葉尚生一出拘留室就掛念著自己妹妹
「好,小心執生,出面等」英叔回應葉尚生
「我去搒住生哥,啊烈你陪住九叔佢地」啊武主動上前陪同葉尚生前去尋找葉靈
「好,小心」啊烈啊武互相拍拍對方
月牙
2023-11-12 22:14:04
終於出到文