［殭屍/靈幻/鬼怪］《輪迴。道》世界重新輪迴一次之後我都係變咗做道士 10

嘩！比我搵到一幅中學畫嘅！係太上老君對男主

如果我唔講，大家分唔分到佢地係邊個打邊個？

段一凡 習維 段天 羅東 媚娘

中啊

做咩事呢蕉兄

除了將九叔他們救出之外，陳天航還有一件事要處理…..

夢晞…

他還要跟她交代事情

…….

咚…咚…咚….

陳天航敲響王奇家的大門

「老公！！」夢晞快步的跑來打開大門

但門開後表情明顯變得失落，再過一秒後更是變得恍惚

她大概是猜到陳天航到來的原因了

「你走啦…..」夢晞邊轉身邊把門關上

「夢晞…」陳天航用腳把門頂住

「你走啊！！！」夢晞的眼淚開始忍不住從眼角流下

「我地….」陳天航正想說些什麼

「走啊！！我唔想聽啊！！你走啊！！」夢晞轉身跑到沙發用抱枕掩著雙耳，開始痛哭起來

「夢晞！我地未搵到啊奇…」

「我叫你唔好講啊！！走啊！！」夢晞失控大叫

「你唔好咁….夢晞…」陳天航想上前安慰

但這時，夢晞的鄰居卻突然出現在他的身後

「喂！你係邊個啊？你出返嚟先！」那鄰居伸手把陳天航拉了出來

「我係佢朋友」陳天航盯著那鄰居說

「呃….王太，你識唔識佢㗎？」鄰居轉向問夢晞

「我唔識佢㗎梁生，你幫我趕走佢！！」夢晞依然是用抱枕掩著自己

「喂！王太話唔識你啊！快啲走啦！如果唔係我報警㗎！」鄰居要脅陳天航要報警

「…..夢晞，你唔好亂諗野，我地發生咗啲事，暫時未搵到….」陳天航本想無視鄰居

啪！！

卻想不到鄰居居然直接上前把大門關上了

「……」陳天航愣了一下，眼神盯向鄰居，拳頭亦握緊

「噫？！」鄰居感覺到殺氣

「王太，你自己小心啲啊」鄰居轉頭就跑回了家

「唉….」鄰居走後，陳天航無奈嘆了一口氣

然後，他就坐在夢晞的門前坐下

「晞，我就坐係出面」

屋內的夢晞沒作回應，這也是陳天航預計之中

到了凌晨，坐著坐著陳天航的意識漸漸被睡意吞噬，坐在門前就睡著了

咔…一線光照射到陳天航身上

是夢晞把門打開了，但她並不是要趕走他，她手上拿著一張毛氈為陳天航蓋上，不讓他着涼

或者陳天航實在太累了，被蓋上毛氈也不知，還是睡得沉沉的

直到翌日…

陳天航終於從睡夢中醒來，他這才發現身上多了一張毛氈，也猜到是夢晞為他蓋上

他看一看手機，發現時間差不多要出發往警局等候啊全和他口中的幫手

「夢晞啊，我要去差館救返九叔佢地出嚟，你有咩就打比我啦….唔好亂諗野，我會搵返啊奇返嚟㗎」陳天航敲敲門後說，但他也不知道夢晞有否聽到

而其實這時，夢晞又的確坐在門口前恰好聽到陳天航的話

但她只她抱著抱枕發呆

………

之後陳天航出發到了警局門外

「喂，航！」啊全的聲音剛好就從背後傳來

陳天航轉身，發現啊全身旁站了兩人，其中一位身穿黑白正統西裝的男子，他戴著極斯文的的扁框眼鏡，整個人的氣場就散發著一種書卷味

「依兩位就係幫手？」我先問啊全

「我介紹下先，依依位係我地「皇圖」嘅白紙扇並御用大狀——朱天君，而隔離嘅係佢徒弟麥申律師」啊全隨即便介紹

「你好，朱大狀，麥律師」陳天航禮貌的伸手想跟朱天君握手

「你好，你就係烈少嘅朋友啊航？」朱天君也禮貌跟陳天航握上了手

「嗯，朱大狀…好耳熟，我有聽啊烈提起過」陳天航說

「呵哈～咁烈少一定係講我壞話啦」朱天君笑說，但卻保持住禮貌優雅的形象

「啊航，你應該聽烈哥講過江湖上有一句說話係講我地「皇圖」嘅：文有朱天君、武有張一烈」啊全補上說

「嗯，係依句，我個陣仲成日以為佢乘機吹水話自己打得，原來係真嘅」陳天航配合的笑說

「都係人地比面烈少，咁啱又拉埋我嚟講姐，我都係痴下金糠」朱天君大體的說

「嘩！君爺你講依啲？？你有邊場官司係打輸㗎」啊全揶揄朱天君的謙虛

「好啦，不如我地傾下一陣要點處理？」沉默多時的麥申突然說

「呃….哈都啱」啊全的面部表情僵硬了一秒

「都係…朱律師，啊全應該大概都同你講件事係點，你有咩睇法」陳天航問他

「我分析過，你地其中有幾個人比較易處理，係有傷人嗰個比較麻煩」朱天君伸出食指托一托眼鏡說

「九叔….」陳天航無奈的低語

終於有文出

有冇得加快

我盡快

推

6日了
儲咗三個月文，15分鐘睇哂

急性腸胃炎腸抽筋，都三日啦，到依家都仲頭暈到要訓係到

保重，人無事先做到道士冠軍

但我想問，點解可以三個月嘅文，15分鐘睇曬

其實唔難

雖然我出文少但都邊估到咁快

今晚有文！

「不過你唔洗擔心，我會盡力嘅」朱天君看得出陳天航的失落便再說

「好，唔該曬你」陳天航說

「咁我地入去啦」麥申跟啊全先進警局登記，我和朱天君跟在後

「今次真係要麻煩你，一定要救返佢地出嚟」我跟朱天君說

「放心，我一定盡力，不如你同我講下佢地有咩特點？除咗烈少」

「特點…」陳天航陷入沉思

「或者，佢地有咩性格特徵、病例」朱天君再說

「有啊」之後陳天航就將眾人的性格特徵、病例都飛快的告訴了朱天君

「嗯，明白」朱天君聽後點了點頭

而這時，陳一和他的手下林家材從二人身後走來

「呵～陳sir ，居然有條漏網之魚自己游咗嚟喎」林家材先說話

「依條魚我遲早劏埋佢㗎啦」陳一盯著陳天航說

「陳sir 你係咪同我朋友講緊野？」 朱天君主動跟陳一對上話

他們一早認識？不過也正常，啊全也說了朱天君是他們社團的御用大律師，應該也常跟陳一過招

「嘩～」陳一看了朱天君一眼

「連皇圖嘅御用狗都叫到嚟，你地成班垃圾都仲話自己同皇圖冇關係？」然後他再對陳天航說

「陳sir 小心啲講野，淨係啱啱一句，我已經又可以考慮告你誹謗」朱天君說了個「又」字

看來他們真的交過不少次手了

「屌那媽，次次淨係識用埋啲濕鳩法律去大我」陳一氣憤的說

「陳sir ，依個時間你應該係當值緊？你啱啱滿口粗言穢語，你知我可以投訴你㗎呵？」

「……」陳一氣得無語

「我地入去，準備大龍鳳」陳一拉著林家材步進

「咁樣….會唔會更難搞掂？」陳天航有點疑惑的問朱天君

「你唔強硬啲，佢更加刁難你，何況佢一定認得我」朱天君說

「嗯….」陳天航沉默點頭

「師父，入得去啦」這時麥申說

「好」朱天君先回應麥申

「你同啊全係到等，佢地唔會比你入去」然後再跟陳天航說

「好」陳、全二人同步回應

朱天君和麥申進去後，二人走出了警局，靠在欄杆上抽起了煙，靜默了一會

直至啊全打破沉默

「烈哥依排點啊？」啊全問起曾經大哥的近況

「佢？幾好，餓唔死，你都知佢大把錢」陳天航開玩笑的說

「唉，其實我前排都見過佢，佢比以前開心咗好多」啊全話中帶點慨嘆

「正常嘅，以前人在江湖好多事都人不由己，但依家離開咗江湖步步輕盈」陳天航說

「都係嘅，烈哥由一出世就活咗係佢啊哥焯哥嘅陰影下，每樣野都會比人拎佢同佢啊哥比，當一個人事事都比人比較，個心都唔會舒服」啊全能做啊烈的心腹也並不沒原因，他是很了解啊烈

「哈….咁即係依家得返一個人，啊烈反而仲自在咗」陳天航冷笑的說

「又唔係喎，佢唔係得一個人嘅」啊全笑說

「？？」陳天航望向啊全

「佢….多咗你地，烈哥以前唔會同人交心，成日將自己收收埋埋，識咗你地之後成個人都唔同曬」啊全吸一口煙，緩緩說出

「嘩大佬…..好骨痹….起曬雞皮」陳天航額前滴下一行汗

「你唔同咗」啊全突然說

「嗯？點唔同？」陳天航大概也猜到啊全說的不同，但也要作樣問問

「哈，咁我又唔識講喎，成個人氣場沉咗？成熟咗？總之就冇咗我之前見你嗰種朝氣」啊全一語中的

「哈….你都唔係第一個咁講㗎啦」陳天航無奈冷笑嘆說道

「不過我都努力緊….努力緊去搵返以前嘅自己」無奈吸盡最後一口煙，伸指一彈

「大佬，你咁大膽？！我地係差館門口喎」啊全看到陳天航彈煙頭動作便說

「喂屌，你唔早講嘅」陳天航馬上轉頭左右看看

「我點知你會彈得咁順手」啊全笑說

「呼….好彩冇人睇到」陳天航環顧四周後說

咩事

彈煙頭

有文

Push

100