［殭屍/靈幻/鬼怪］《輪迴。道》世界重新輪迴一次之後我都係變咗做道士 10

係深藏係心入面嘅古惑仔本色

努力出文

推啊

繼續推

早晨

今日不是美好嘅一天

「其實之前都唔見你點食煙，估唔到又彈…食得幾順手」

「我好少食…都唔知點解咁順手」陳天航自己也摸不着頭腦

「不過講返正題，你話自己都覺得自己唔同咗，有冇可能發生咗啲野，連你自己都忽略咗呢，你知啦有時人嘅野…..」啊全正長篇的說著偉論

這時，朱天君和麥申從警局內出來

「半個鐘」陳天航看一看手錶

「咁快？！」啊全也驚覺

「以目前情況嚟計，得葉靈同張九有機會俾人起訴，其他人應該罰錢、社會服務令，嚴重啲嘅都係判一兩個星期或者緩刑就連坐都唔洗坐，今日唔會擔保到佢地出嚟，陳一要玩野，扣留足48小時」麥申說

「依兩條仆街真係…..」陳天航盯著站在警局門前的陳一、林家材二人

「一個姐，有一隻係哈巴狗嚟㗎姐」朱天君望著二人笑說

「你講咩啊！」正所謂崩口人忌崩口碗，林家材聽到後極大反應，作勢想衝往朱天君

「哎！」但陳一攔住

「啊朱大狀，你啱啱咁樣講野，係咪都可以套用返你講嘅，我已經可以告你毁謗啊？」陳一打算用朱天君自己說過的話來反將他一軍，亦即是打算用魔法來打到魔法

誰不知，他卻算不到這時有一個女生拉着一隻小狗從他面前走過，只是他站的位置剛剛剛好看不到

「唔好意思啊陳sir ，我唔係好明白你啱啱講咩喎，我只係同我朋友形容緊，啱啱經過個位女士同隻狗仔，可能係我唔熟悉狗嘅品種，所以先會形容佢為哈巴狗」朱天君帶著冷嘲熱諷的語氣說道

激得陳一倆人差點就要原地跺腳

「另外，陳sir我提一提你，你依家未有證據正式起訴，我聽日會準時嚟接返我嘅當事人，我地聽日見」朱天君「禮貌」的跟陳一道別

看到陳一被如此玩弄實在是十分消氣

「咁今日係咁多先，你都唔洗咁擔心，佢地係裏面情況都還好，班差佬都唔敢做啲咩」朱天君轉向跟陳天航說

「好，真係唔該曬你」陳天航道謝

「唔洗咁客氣啦，條數我會同烈少「萬萬」計清楚㗎啦」朱天君玩味說

「哈！好～咁就交你同佢自己「萬萬」計啦」陳天航意會到朱天君的玩笑，也作出回應

「師父，一陣仲有三個客要見」麥申看一看時間說

「好，咁我地聽日見啦」朱天君和麥申先行離開了

「你有咩搞？」啊全問陳天航

「我要返去搵個朋友，買個飯比佢」陳天航說的是夢晞

「我都餓，一齊食個快飯先啦」啊全則邀請陳天航共進餐

「呃….」陳天航猶豫不決

「唉行啦，男人老狗食個飯都咁煩」啊全還未等陳天航決定就直接搭著陳天航起行了

最後陳天航也的確陪同啊全吃了一個快飯，途中他們談及了啊烈父親臣爺死後，社團發生了什麼爭鬥，誰又在爭奪權位

不過這都是預料之中的，誰又不想位高權重

「不過都冇用啦，自從臣爺、西狗死咗、烈哥走咗之後，班死差佬經想都想襯我地病擺我地命，依家嘅「皇圖」都係一隻冇牙老虎惡唔到啲咩樣」啊全唏噓的慨嘆

「有冇諗過好似啊烈咁，唔再掂黑依一範？」陳天航認真的問他

「唉….啊航…我唔知你結咗婚未，但當你養住頭家，個人又冇咩技能、成世人都係個江湖到浮浮沉沉，冇得變㗎啦」啊全眼裏盡是一家之主的無奈

「明嘅…辛苦曬」陳天航拍拍他

「你估個個都好似你咁，咁易轉變咩」啊全突然重提他倆早上的話題

「好地地又講我」陳天航不想再提這事

「咁啱諗起姐～雖然我都好好奇到底係發生咩事，你會變成咁，你諗到記得要同我講」

「好，記得嘅話」

話題結束，是次晚餐也同步結束

之後陳天航便買了個外賣出發去找夢晞

買埋我個份丫 唔該

嚟啊，想食咩即管講

買左4日

本來想今日出文但啱啱先收工，差少少先打完，要聽日見啦

咯！咯！咯！

陳天航敲響夢晞家門

「夢晞，我係啊航，我買咗個飯比你，你點都食啲野先啦」

片刻也沒有回應

「出咗去？…..」但陳天航把頭靠到木門上，就明顯聽到內裏是有人步行的聲音

「夢晞，我將個飯勾係個門鎖上面，你肚餓就出嚟拎啦」陳天航把外賣勾到門鎖上，然後又坐回昨晚坐著睡的那位置

「嗄唉…..」陳天航頭靠著牆用力嘆氣，他感覺「壓力山大」，所有事情就越海浪般一浪接一浪的撲來，完全處理不暇

這時

咔….

沙….

在屋內的夢晞悄悄打開了門，伸手把外賣拿進屋內

「呼….」看到夢晞肯吃飯，陳天航也總算找到鬆一口氣的理由

「你肯食就得啦…..」陳天航唏噓的說道

踏…..

「嗯？！」突然一聲腳步傳入陳天航的耳中，他一轉頭就看到一個鬼鬼祟祟的黑影閃過

「夢晞！鎖好門！冇聽到我把聲千其唔好開門！」陳天航拍拍大門，然後就跟著黑影的方向追去

「嘩….個癲佬又嚟啊？」夢晞的鄰居梁生被陳天航的叫喊聲嘈得伸頭探望

「邊個？！」陳天航在樓梯間不斷飛跳，由最高一級跳到最低一級，一轉身又再起跳

轉眼就追了十多層，但仍看不到剛剛那黑影

「嗄…冇可能….」陳天航也疑惑不解，如果對方是「普通人」那絕對不可能比他快太多，總會聽到腳步聲吧

但現在整個樓梯間就只有他的喘氣聲

「…..？！」

「夢晞！」陳天航突然發覺自己可能是中了調虎離山之計，馬上往回跑

嘭！！

陳天航終於跑回夢晞的樓層，他奮力推開防煙門

「嘩！」梁生被推門聲嚇了一跳

「嗄….嗄…」陳天航跟梁生對看

「嗄…有冇見到可疑嘅人？」陳天航問他

「有…你囉」梁生聲震震的說

「……」陳天航無奈

「冇野啦，你返入去啦」陳天航無視梁生直接走到夢晞家門前

「夢晞，我都唔想嘈住你，但今晚可能有危險….」陳天航在門外說

「喂…你咁嘅藉口都想入屋？？」梁生聽到陳天航的話後就說

但就在這刻

咔嚓！

夢晞終於把門打開了

陳天航看了一眼梁生，就進屋了

「下？？」梁生這才發覺，原來小丑是自己

屋內

夢晞把門開後就回到沙發上呆坐，肩上披著一件王奇的外套，手上抱著一個抱枕

「夢晞，你見點啊」陳天航終於親眼見到夢晞

「我冇事啊…BB都冇事」夢晞懵懵輕聲回答

「冇事就好啦」陳天航明顯聽不到後半句

「係呢…啱啱出面咩事」夢晞問

「啱啱出面有個人影鬼鬼鼠鼠咁係出面走，我追佢唔到….所以我驚你有危險」

「放心…啊奇會保護我同BB㗎嘛」

「啊奇佢…BB…？！」陳天航終於聽到夢晞詭異的話，他聽到後還遲疑一下

「係啊，有啊奇保護我地兩個，我地一定會好安全」夢晞平淡的回答

陳天航慢慢步近夢晞才驚覺，夢晞手中抱住的「抱枕」原來是一個嬰兒玩偶

「呃…..夢晞，你….」陳天航頓然語塞，也不知可說什麼

「你隨便坐….我夠鐘餵奶比啊女」夢晞說完就走到房間裏

「……..」陳天航呆滯的看著夢晞，還給不上反應

整個晏就文

推下先

「夢晞…你…」陳天航呆多數秒後就跟著上前

「嗄….」但步入眼簾的更令陳天航驚訝

夢晞房內滿地都是殘破的嬰兒玩偶，手手腳腳飛散周地，有些更是被剪至破爛

依地上玩偶堆積的數量，應該是自孩子出事以來夢晞的精神就開始出現問題

難怪前陣子啊奇經常要提早回家….原來夢晞一早就出現情況

「女啊女～你乖乖飲奶奶啊～你契爺嚟咗探你啊」前晞把裝滿奶的奶樽塞往玩偶的嘴上用力擠壓，把奶都擠出，弄得到處也是

在夢晞的擠壓下，奶樽內的奶不用一分鐘就倒光了

「嘩～好乖喎～咁快飲曬」然後夢晞又用旁邊的毛巾把玩偶臉上的奶都擦乾淨

「啊女契爺～你快啲抱下契女啦」夢晞轉身把玩偶抱給陳天航

「呃…..好」陳天航不敢拒絕，怕刺激到夢晞

「啊航你睇下～你抱佢佢唔喊啊～佢一定係中意你啊」夢晞看著玩偶笑得真摯

「嗯….」陳天航看著玩偶不吭聲

「係喎～你好似未知啊女叫咩名喎」夢晞再說

「佢改咗名？」陳天航愕然

「係啊～佢叫王玥兒」夢晞說出「孩子」的名字

「玥兒….好聽啊」不知為何，陳天航的眼淚從眼角流下，陳天航也自覺奇怪，像沒感情情緒的自己居然流淚了

「係啊奇改㗎～個傻佬話「玥」係古代嘅一粒神珠，可以保護我地喎～唉，你話佢係咪傻傻地～」夢晞說起丈夫王奇就笑得甜滋滋的，可見她有多愛他

實在難以想像，她接連失去了女兒和丈夫是有多崩潰

「嗯，佢一定會好好咁保護你地，但你都要好好咁保護自己，知唔知？」陳天航認真的看着夢晞說

「嗯！我知道！」夢晞也突然變得認真起來，更突然熱淚盈眶的看回陳天航

正當陳天航以為夢晞要醒悟時

「因為我仲要睇住我個寶貝女㗎嘛～係咪啊玥兒～」夢晞就在陳天航手中抱回她的「女兒」

「…….」去到這裏陳天航也已經放棄要喚醒夢晞的想法，可能這樣她過得更開心

然而這刻，夢晞卻說出了令陳天航驚訝的一句

「玥兒～下次我地再等海伯伯嚟同你玩啦」

「海伯伯？夢晞，你係講緊邊個？！」陳天航立馬來了反應

「呼～BB飛高高～」夢晞抱著玩偶舉高在玩

「夢晞！你答我先啦！邊個海伯伯啊？」陳天航緊張得上前捉住夢晞的雙手

卻差點讓夢晞摔下「孩子」

「睇住玥兒啊！」夢晞帶怒氣的吼說

「呃….唔好意思，我唔係有心，但夢晞你可唔可以同我講邊個係海伯伯？」陳天航對這個「海伯伯」的身份有個猜想

「佢….我唔識佢㗎」夢晞的怒氣又消失了，又變回那懵呆的狀態

「咁你上次見到佢係咩情況？」陳天航再問

「佢…我記得啦！佢上次同老爺奶奶一齊嚟㗎～佢地係嚟睇玥兒～」

「玥兒啊～大家都好錫你㗎～你要快高長大啊～知唔知啊～」

「同你老爺？即係王尚叔！佢地仲有講咩！」

「老爺會叫佢做霍兄囉～猜咩特別喎～係佢自己同玥兒講可以叫佢海伯伯嘅」

「啊～！係啊～佢地我地有啲咩事都可以去荃灣廣場嗰個天台公園搵佢喎～佢話佢會係個到㗎」夢晞終於說出陳天航想要的資訊

「好！」陳天航已決定明天要去找那「海伯伯」

本想立即起行，但今晚陳天航實在不放心讓夢晞獨自一人，畢竟還未清楚那一閃而過的身影有否惡意

先留守一晚會比較安全

再嚟晏就文！

我終於live左啦
樓豬文呢

多謝支持先！
估唔到去到呢個時候都有新讀者
我巧感動

放心！今晚有文

待陳天航的思緒清晰下來後，他致電給啊全，託啊全買來了一張太空電話卡，因為他暫時不敢離開夢晞身邊

「呵…航哥，其實你知唔知依家幾點啊….」啊全打著呵欠來到夢晞家門前，雖他口中抱怨著，但他手中是夾著那電話卡

「我知你唔會托我手踭，唔該曬」陳天航接過電話卡

「唔該又唔洗，但咩料啊？夜媽媽要張神秘卡」啊全問

「有個特別電話想打姐，不過我都仲有一件事想拜託你」

「屌，有野就講啦，拜乜鳩」啊全爽直的說

「我想你搵啲兄弟幫我守住依到，最主要係保護入面個女仔」陳天航也不知今晚看到的那黑影是人是妖還是鬼，但若有人幫忙看著夢晞總比沒有好

「嘩，要出動到「我啲兄弟」？你條女啊？你得罪人咩？得罪邊個啊，睇下我幫唔幫到你拆」啊全一連串的問了一大埋問題

陳天航的大腦飛速運轉，總不可直接說是別人的妻人，又可能惹上了不明的麻煩

「唉，佢係你烈哥女人」陳天航最終說出這藉口

「下？！佢有女啦咩？！我唔知嘅！Hey！啊嫂！」啊全把頭探進了夢晞家內

「你好」懵懂的夢晞完全在情況外，便跟不認識的啊全打招呼

「點解佢….」啊全也看出夢晞的異樣

「你知你烈哥都唔少仇家，成日都有人搵麻煩，嚇親佢，所以咪搞成咁」陳天航繼續胡扯

「嘩…..搞成咁…唉」被蒙在鼓裏的啊全聽後當然全信了

「得，咁交比我，聽日8:00開始，依幢大廈將會好安全」啊全拍著胸口說

「好！」陳天航也拍拍啊全的肩膀

之後啊全就回去了

陳天航坐到沙發上將太空卡換到自己手機上

然後撥通了一個電話

「喂陳sir ，起身痾夜尿啦」原來是致電給陳一

「下…你邊位啊」原本正在夢鄉的陳一被突然拉回來，還未反應得了

「你想要鋤死張一烈佢地好簡單」

「嗯？！你到底係邊個？有咩消息快啲講」陳一聽到陳致航的話立刻精神起來

「有個人手上有曬你想要嘅料，但佢依家比皇圖嘅人追殺緊，你想要嘅就要搵人保護佢」

陳天航利用陳一那極想拘捕啊烈一行人的執念來讓他自願派人保護夢晞

現在夢晞就擁有了黑白兩道的保護，如果敵方是普通人的話，那他基本上是不可能傷害到夢晞分毫，就算來者是學術之人有能力硬闖進去，他看到這樣的陣勢應該也有阻嚇作用

現在唯獨是怕，來者是靈異界的朋友，那再多的黑白兩道也都是徒勞

所以陳天航從錢包裏拿出了九叔之前給他們各人一個的辟邪護身符，將它掛在了門上

希望能抵擋一下那些邪魔

等到天亮以後，陳天航就出發去找「海伯伯」，他步出門時望向了梁生的家門

咯！咯！咯！

叮噹！！

陳天航敲門、按門鈴，雙管齊下

「呵….邊個咁早啊」梁生打著呵欠開門

「早晨」陳天航打個招呼

「嘩！你想點啊」梁生一看到是陳天航立刻想關門

但奈何陳天航用腳把門給頂住了

「喂…你想點啊」梁生本想跟陳天航鬥力把門關上

但發覺自己力氣根本不及對方就放棄了

「我想你幫我睇住夢…王太」陳天航說

「下？？點解，咩事？王生呢？你到底係邊個？？」梁生心中一直都有很多問題，如今終於可以一次過問出口

「……」陳天航也不想回答一大串的問題，但礙於遠親不如近鄰，啊全的人也不會真的全天候二十四小時守護，所以要梁生幫忙也不得不回答

「我係王生王太嘅朋友，亦係佢地未出世個女嘅契爺，王生有啲事要出一趟遠門，佢託我要照顧王太一段時間」

「哦….」梁生半信半疑的點頭

「我唔知你信唔信，但依個係我電話，如果你覺得王太個邊有啲咩奇怪嘅就即刻打比我」陳天航遞出預先寫好的紙條

「呃…哦..」梁生接過紙條

「記住啊！係即刻啊！」陳天航看著梁生像還沒睡醒一般便刻意大聲的再說

「哦！呃！好啊！！！」梁生果然真的馬上醒神

「好，有咩打比我」說畢，陳天航說出發去找「海伯伯」

返工慢慢j文，j左三個星期先live到

暫時嚟講，有冇邊段劇情係最中意或者最深刻

第一季結局含家死曬。同學校條女死個陣
好彩你已經1001左。唔係就要加入大家剪你