月牙
2023-11-21 22:56:22
之後眾人就分成兩批行動
「武,如果有咩事嘅,你帶我個妹走先」葉尚生輕聲跟啊武說
「哎,唔會有事嘅,有替身又有鬼僕掩護,班差佬唔會發現我地嘅,同埋要帶都你自己帶啦」啊武回應
「總之以後有咩事,你地都要幫我睇住啊妹」見啊武拒絕,葉尚生又提出另一要求
「嗯,冇問題,但有咩事我地一齊頂住,唔會比你一個出事嘅」啊武笑說
二人對話雖很老土,但卻又真心
踏!踏!踏!
突然他們後方通道不遠的轉角處傳來一陣凌亂的腳步聲
「貼牆」葉尚生一個轉身用背貼著牆並伸手將啊武也拉背貼牆
兩名鬼僕馬上用身驅擋著二人
好快,兩名警員在二人面前跑過,葉尚生明顯看到警員肩背上騎著兩名鬼僕,他們正用手掩住警員的眼睛,加上二人又有鬼僕作掩護,成功在警員面前隱形
而由於九叔作法令整個警局斷電,因此連後備電源也用不上,兩名警員也只能提著手電筒照明
「快啲睇下有冇走犯,走犯就大鑊㗎啦!」
「應該冇事嘅,鎖住㗎嘛,我地又唔係電動鎖」
「屌,都要睇下㗎,真係有事你同我打靶都唔掂啊」
警員好快就在轉角跑走了
「呼,真係睇唔到我地」啊武鬆了一口氣
「鬼掩眼加鬼擋身,你估流㗎」葉尚生輕笑
「估唔到咁大效果姐」啊武說
「我地都係行快兩步啦,嗱嗱聲接埋啊妹走啦,拖愈耐愈多麻煩」葉尚生加快了腳步
「嗯!」
兩人恃著有保護便放任的跑,不再管腳步聲的問題
但就在轉角處
嘭!!
葉尚生跟人撞上了,衝力導致他往後倒下
……..
「喂,唔對路喎,死仔佢地咁耐都未出嚟嘅」這時英叔他們已安全離開了警局,並去到對面大廈的平台俯伏著觀望警局門口
「或者搵葉靈個陣有啲阻滯」啊武算說
「我地返入去」九叔說
「哎,就算係衝都係我同武仔,你盲嘅係到阻住曬」英叔雖說出這樣的話,但聽者都知道,他只是擔心九叔的安危
「係囉九叔,我同英叔入去得啦,如果有咩事都要靠你睇住夢晞同啊航啊姨」啊武聽懂英叔的話也附和著
「咁你地入」但九叔居然也直接認同
「嘩,你條老野又會應得咁順口嘅,扮都唔扮下野」英叔看著九叔說
「唔好咁多廢話,入去」九叔順著英叔說話的方向,用手推了英叔一下
「得啦,你唔講我都會行」英叔轉身想跳越圍欄
「行啦武仔!」英叔一下就半身跨過了圍欄
「喂!英叔,唔好跳住!」啊武突然叫停英叔
「嘩喂!做乜鬼啊!」英叔因為在跳的中途突然被叫停,導致他半天吊在圍欄外,幸好啊武剛好拉著了他的手
「啊烈佢地出嚟啦!」啊武發力把英叔拉回上來
「唉啊,武仔你嚇死我啦,下次唔好咁啊,跌Q死我㗎」英叔抱怨道
「okay ,下次由得你跌落去」啊武玩味的說
「頂你啊死仔!學埋曬啲衰野」英叔揈手打向啊武的下體
「哎!」啊武左手擋住
然而,待英叔爬回平台後又真的看見葉尚生啊武帶著葉靈跑了出來
原來剛剛葉尚生在轉角撞到的就是正趕往門外的葉靈,二人都被對方撞倒,但他們就這樣狼狽的會合了
「走!」現時跑出門外的葉尚生好快就發現英叔眾人的位置並向他們揮手
「九叔,生哥叫我地走喎」啊武雖只喊了九叔一名,但話就是對著兩位師父說
「我地聽到,老野盲咗姐,未聾嘅」英叔開玩笑的說,話畢就拍拍啊武示意離開
砰!!!!
一記槍聲突然在葉靈眾人身後響起
月牙
2023-12-05 23:41:02
槍聲過後,葉靈突然向前倒下
「妹!」葉尚生看妹妹倒下,雙眼瞪大,緊張上前關心
「英叔,靈姐好似中咗槍啊」啊武半個身探出圍欄想看更清楚
「我都見到!!」
「英!」九叔示意英叔快去查看葉靈情況如何
「去緊啦!!」英叔又再次跨過圍欄
但這時葉靈自己站了起來
「妹,你冇事啊嘛??」葉尚生緊張的問葉靈
「冇….比個下槍聲嚇一嚇同地下個高低級撠到姐」葉靈指一指腳後地面突出的小石級
「喂喂喂!英叔咪住啊!」啊武又再次叫停英叔,英叔又再次半天吊在圍欄
「我頂你啊武仔!又玩鳩我!!」英叔指罵啊武
「唔係玩你啊英叔,葉靈冇事啊!佢地嚟緊搵我地啦」英叔一手捉住圍欄,用腳尖輕撐一下外牆,把身體外轉
他看到葉尚生正扶著葉靈向自己跑來,啊烈更是向他們方向揮手
「嗄….妹頭冇事就得啦,嚇死人」英叔慨嘆道
「你個死仔!仲唔拉我返上嚟?!」英叔叫啊武
「係係係」啊武右手捉著英叔的手,再用腳撐著圍欄發力
把英叔拉回來
「唉….真係年紀大,咁樣再玩多真係兩次命都比埋你」英叔搖頭說道
「喂英叔,做咩咁睇唔開跳樓啊」啊烈的聲音從後傳來,他們已成功會合大家
「唉,唔好提啦,我跳咗兩次啦」英叔擺手說
「好啦,講正經先,象山我地就應該唔洗諗住返去㗎啦,新聞一定會講我地比人拉咗,總有啲三姑八婆會篤背脊,我地有咩地方去?」葉尚生帶出一個問題
「去我拳館?」啊武提出
「嗯….我諗唔安全,始終係你原本就會出現嘅地方,陳一可能會發現」
「其實死仔你怕咩姐,我地個個都有身外化身做替死鬼,佢又點會再派人睇住唔存在嘅我地呢?」英叔說
「唔怕一萬只怕萬一」
「冇錯,陳一識咗我地咁耐,都大概估到我地識嘅道術,唔排除佢真係會係我地原本會出現嘅地方徘徊」啊烈接了葉尚生的話
「同埋如果真係咁唔好彩,我地其中一個身外化身破咗,咁其他嘅自然都會比人識破」葉尚生又接在啊烈的話後說
「咁好難搞㗎喎…..」眾人頓時陷入苦惱
「嗯….我諗有一個地方,陳一唔會去」良久 ,啊烈出聲
「邊到啊?」英叔問
「卓斌嘅私竇」啊烈口中的地方亦即是他父親遇難的地點
「卓斌?」葉尚生第一時間是不解,因為雙生靈事件發生時,他還沒有回來
「之前對付過嘅一隻雙生靈」葉靈快快解釋
「係喎,個到又辟又遠,卓斌又死埋,陳一應該點都估唔到我地會去個到」
「冇錯,不過麻煩在我地要出出入入買生活用品」葉尚生又想另一個問題
「唔洗諗,我有辦法」啊烈搭著葉尚生的肩膀說
………
「啊嗄….依到….」啊仁一手按地撐起自己,一手輕拍前額,不知暈了多久的他從「荃灣廣場天台公園」的地面醒過來
他搖一搖頭,把自己弄清醒一點
他向左一看,發現陳天航暈到在旁
「嗄…喂!航…..醒啦」啊仁拖著快垮掉的身體趴往拍打陳天航
陳天航沒有反應
「喂…醒啊…依到邊到嚟㗎」啊仁再搖晃陳天航,但也是沒回應
嗚……
不知從何處突然傳來一聲低嗚聲
啊仁感覺到來者不是什麼好東西,所以立馬苦撐起來,一拐一拐的想要先到室內避禍
但走了兩步,他回頭看向還躺在地上的陳天航
「……」