［殭屍/靈幻/鬼怪］《輪迴。道》世界重新輪迴一次之後我都係變咗做道士 10

Post 01:

https://lih.kg/2070511

Post 02:

https://lih.kg/2311177

Post 03:

https://lih.kg/2400128

Post 04:

https://lih.kg/2508078

Post 05:

https://lih.kg/2561554

Post 06:
https://lih.kg/2632105

Post 07:
https://lih.kg/2733578

Post 08:
https://lih.kg/2831204

Post 09:
https://lih.kg/3089645


不知不覺已經嚟到第十個post 第二季劇情暫時應該係一半左右，不過隨時會再加多啲，請大家繼續大大力支持啊！！！

而依家開新post未有文住大家唔好屌咁大力！依兩日會有

一秒留名

想負皮

新po冇文

新post冇新文⋯⋯

試吓唔好咁

好快有㗎啦

我都知 個故都好快完
個個作者都係咁講

個故仔有排都未完

十年大作

如無意外，今晚會有文

「你咁緊張人地女朋友做咩姐～又話好愛自己老婆～」媚娘嘲諷王奇

「你…..」王奇氣得說不出話

「嗄…嗄…..有同理心就係…嗄…你地人類最大嘅缺點」因王奇停下了攻勢令習維有時間回復傷勢，他已可勉強把自己撐起，單膝跪著

「嘖….」王奇看到習維正在回復傷勢就想上前補刀加傷

「我勸你就唔好亂嚟啦～」媚娘此刻又說

「…….」王奇頓時陷入兩難之中，一邊是想要親手手刃殺害自己女兒的兇手，一邊又怕段天傷害兄弟的女人

畫面中，段天走得更近洛兒，更把手搭在正埋頭工作的洛兒肩膀上

頭慢慢靠攏過去，兩隻尖利的獠牙像是隨時會咬向洛兒的脖子

「你停手！你地到底想點！！！！」王奇看此只能暫時強壓怒火

「哥哥仔～你隔住咁遠～Boss佢又點會聽到你叫佢啊～」媚娘見王奇果然停下了手腳就笑說

「你地真係好卑鄙啊！！」王奇怒吼，一股氣從他體內逼出，刮起一陣猛風

「哈…依個世界勝者為王…敗者為寇…」習維已回復得可自行站起，身上的傷都滲透著紅光，證明傷口都在癒合

「你收聲！！」王奇揮臂，從手中揮出一道氣將習維再次擊到

「嗚呃！…..」

「你啊好再亂郁啦～你再郁，你兄弟嘅前女友就係咁先㗎啦～」媚娘威脅說道

而這刻，上天亦跟王奇開個天大的玩笑，他的身體正以肉眼可見的速度急速腐爛

是時間到了…..

他連投胎轉世的機會都經已押上…應該再也沒有轉機

如果他不是擔憂洛兒的安危，也許已成功為女兒報仇雪恨

「呃….哈哈哈哈哈！！」王奇反常的大笑

他心態已徹底崩潰，他不明白為何老天不站在正義的一方，卻是像包庇著邪魔

「夢晞…對唔住，我地來生冇緣再做夫妻….女，老豆嚟見你啦」王奇弄出手刀，把最後的功力都逼在手刀上

借法借來所剩不多的靈力法力聚成一團

王奇把手刀架在脖子前，揮拖一刀，鮮血就如瀑布般湧出

他自己已刧數難逃，所以寧願死在自己手也不想死在仇人手上，這是他的心中最後的倔強

但他又好像忘了，面前的對手是可怕的殭屍…..

………

「先生你好～依到係段氏集團總部，請問你係想去邊個部門？或者我有咩可以幫到你～」站在大廈大堂門外的禮儀小姐打開玻璃門

是陳天航眾人終於來到

「頭先有冇兩個奇怪嘅人嚟過？」陳天航問

「奇怪～？先生～我唔太明白你講咩」禮儀小姐搖頭說

「先生你地又係咩事㗎？咁大班人」保安上前了解

「又係？除咗我地，係咪有兩個人嚟過？」啊烈聽到保安話中玄機

「係啊，有兩個人入到嚟就嘈喧巴閉咁」保安說起就動火

「哥仔，你又唔洗咁勞氣嘅，咁佢地兩個去咗邊？同埋大概係幾耐之前嚟㗎？」英叔加把嘴問

「幾耐….都有成個鐘前啦，佢地比我地啊頭接咗上去啊，話係段生嘅貴賓喎」

「仆街….」眾人心中都不禁浮出這個想法

「咁啱啦，佢地兩個係我地朋友，我地嚟就係嚟搵佢地」啊烈故作鎮定的說，說畢就打算帶頭跑向電梯大堂那

但那保安卻比想像中反應快，一手便攔住剛起步的啊烈

「喂！我真係….頂你地啊！今日咩事啊！個個嚟到都係到搞事」保安說到嘴邊的字又收回

「鬆開手～」這時，電梯大堂傳來一把聲

今日有文

「呃…于秘書，佢地….」保安正想說時

來者是媚娘，在剛剛大戰裏媚娘是唯一不狼狽的人，所以由她來應對眾人是最佳的人選

題外話，而我們到現在才是媚娘是姓于的

媚娘由電梯大堂步出，她扭著妖嬈的步伐走到眾人面前

「呃…又係你啊靚仔….」媚娘定睛一看才發現面前的人正是上次在西貢看到的帥哥——啊烈，她的臉頰又馬上變得通紅

「我認得你，我朋友係邊？」啊烈仲手指著媚娘

「喂！你對于秘書禮貌啲啊！」那保安看到啊烈對媚娘的態度不佳就比剛剛更為火起，看來平時媚娘也迷倒不少公司的男職員

「得啦～冇事～佢地係段生嘅貴客，交比我～」媚娘安撫保安說

「呃…好啦」保安聽到後就放下攔住啊烈的手

「門口狗」啊烈盯著保安，再撥一撥剛剛被他碰到衣服的位置，示意他手髒，弄髒衣服

保安盯著啊烈的眼神也同樣充滿著狠意

待我們走到電梯大堂，九叔終於開聲

「我認得你啲妖氣，西貢街市嘅妖女」九叔動了動鼻子

「哎啊～型仔叔叔～你唔好係咁多人面前索我啲香水啦～我會怕醜㗎」媚娘伸出類似蘭花指的動作向九叔揚了一下手

「唔好講咁多廢話，我地朋友到底去咗邊」陳天航更是直接拿出彎刀從後頂著媚娘的後腰

「嘩嗚～哥仔，你一嚟就係後面頂住我，咁唔係幾好㗎喎～話曬靚仔哥哥都望住㗎嘛～」媚娘說著說著視線就飄向了啊烈

我們眾人都瞬間明白媚娘大概是看上了啊烈，所以我們眾人都看着啊烈，示意由他再問

啊烈也自然明白大家的用意，他先把陳天航的彎刀壓下，再看一看向上方的閉路電視

「唔好亂嚟，呢度周圍都係閉路電視，一郁手就中計」啊烈頭腦十分清晰，一來就把就陷阱位看穿

「喔～好聰明」媚娘暗暗說了一句

「啊靚女，我知你風情萬千，但我地唔係嚟同你玩㗎，我地朋友到底去咗邊」連平時咯嘻皮笑臉的英叔都藏不住怒氣

「唔好急～我地上到去慢慢再講～」媚娘意味深長的笑說

叮！！

這時電梯剛剛到達大堂

「大家請進～」

乘搭電梯的時候大伙都沒有說話，感覺大家都為待會電梯門打開後的未知之數作好作戰的準備

大家都默默伸手去握著自己的武器，而媚娘就站在電梯的最前方暗笑著

叮！！到了！！

正當大家以為開門後定必會是一場惡戰時，卻猜錯了

門打開後，步入眼簾的是一個潔白寬敞又安靜的辦公室，一個個員工疲於奔命的在工作

眾人馬上放鬆握緊武器的手

但這個點數，應早已過了辦公時間，何以還有這麼多人在工作

「于秘書！」眾職員看到媚娘都馬上打聲招呼

「大家繼續做野啦～」媚娘擺擺手說

「各位～歡迎你地」此時辦公室遠方又傳來另一把聲音

這聲音眾人都深刻，是段一凡

「…..」眾人看著段一凡沉默

「嘻哈哈哈！大家好似唔係咁想見到我喎～唔緊要～Boss 知道大家嚟咗～佢係裏面等緊你地」段一凡轉身為我們帶路到一間闊大的面議室前

「九叔，依到啲職員係咪…..」陳天航悄悄問九叔

「我都感應唔到，佢地幾個嘅屍氣妖氣太濃烈，完全覆蓋曬方圓十里嘅其他妖魔邪氣」九叔也搖頭表示

「嗱𡃁仔，我眼見呢，依班打工仔就冇屍氣纏身，應該都係普通人嚟」英叔此時又說

「係啊～依到全部都係普通人嚟㗎～所以唔好亂講野啊～」段一凡站在會議室門口轉身面向我們，更把一隻食指放在嘴脣前，示意我們說這些時不要說太大聲，以免引起不必要的恐慌

「Boss ～貴賓們都到咗～」段一凡敲響會議室的門

「入嚟啦～」裏面的人說

咔….

門打開後，是段天

這個是我們早已預料的，但會議室內還有令眾人震驚的存在

「洛兒？！」

推下先

推多啲

「肥仔？！點解你地係到嘅？」洛兒也是驚訝的看着門前的眾人

「歡迎大家～嚟探洛兒班」段天走到洛兒身旁，一手搭著洛兒的肩膀上

感覺就是在警告眾人，他有洛兒這人質在手，不要亂來

「係囉，肥仔點解你地會全部人嚟曬嘅？」洛兒站起走到陳天航面前，看著陳天航的眼神好像有一絲期盼

「呃….係啊，啊航個死仔話突然想見你，咁我地咁啱又一齊食完飯，咁咪陪佢嚟搵你」聰明的啊烈當然看穿洛兒那期盼的眼神

「嗯？！」陳天航猛然回頭看著啊烈

「你帶走洛兒先，帶佢去安全嘅地方，依到得你做到」啊烈在耳邊拍拍陳天航的肩膀說

「嗯……」陳天航想想也是，所以只能順應點頭

「真係㗎？！肥仔！你係咪記得我啦？」洛兒聽到後興奮的捉住了陳天航的手

「嗯…好似有啲印象，不如你陪我去食個飯慢慢講」陳天航反捉著洛兒的手

「依家？？但係我…..」洛兒回頭看一看段天

「哦～唔緊要，拍拖緊要，啲野我交比其他人做住先～你聽日返嚟先跟返～」段天裝作寬容的說

「多謝段生！」說畢，洛兒就拖著陳天航離去

而陳天航就不時回頭望向眾人，有是面對洛兒不知所措，有是不想掉下眾人離去

但英叔和啊烈都回頭揮手叫陳天航快帶洛兒先離去

「…..」而一旁的葉靈就用難以形容的眼神來「送別」陳天航二人

「我都去諗辦法疏散依到啲職員」待陳天航他們的身影消失在辦公室後，葉靈才回過神來，在英叔耳邊輕聲的說

英叔點頭同意

「妹，執生」葉尚生拉一拉住葉靈說了一句

作為哥哥的又怎會看不穿妹妹剛剛在陳天航跟洛兒走那一刻的失神，但此刻也只能作一句關心

「當我三歲？」葉靈拋下句就脫開他的手行動了

葉尚生看著妹妹背影笑一笑

說回正事

啪！！！段天突然用力雙手拍枱，眼神裏盡是醋意

「Boss…..」媚娘當然明白段天是在為陳天航帶走洛兒而生氣

「呼…..好啦～大家好啊，你地都係我未見過嘅新面貌喎～不如介紹下？～」但段天好快又調整好自己的情緒

「習管家！！」這時，辦公室又能起一陣叫喚聲

「帶頭嘅係兩位先生，拎住白杖嘅一位係茅山四派北門派嘅掌門——張九先生，另一位留住少少鬚根嘅係掌門人嘅師兄——張英先生～」來者居然是習維，剛剛經歷完一番苦戰的他竟已換上一身光鮮的衣服來到眾人面前

「係你啦！奇哥一定係嚟咗搵你！」啊武看到習維後按捺不住大聲的說

「哎，武仔冷靜啲，唔好中計」英叔用手攔住

「啊～你條柒菇碌都好熟我地喎～」英叔裝作起習維那般的語調

「呵～出邊有好多人聽住～唔好咁多粗口」習維瞇起眼對著英叔笑說

「掌門人，有趣有趣～習維～繼續」段天打斷二人對話

「係嘅Boss ～之後兩位身後邊由左邊開始係社團皇圖坐館個仔暨天圖前坐館——張一烈先生，可惜兩個社團都經已唔存在～」習維語氣中擺明是夾雜了嘲諷的語氣

「……..」但偏偏習維說的就是啊烈的死穴，啊烈心中火滾，但無奈貿然動手不是好事，所以只能忍住

「隔離個位係拳館「武館」嘅老闆兼總教練——李梓武先生，不過唔知咩原因之下佢嘅右手好似有暫時性嘅問題而唔能夠郁動～」

大家聽到這裏也愣住了，居然這些事情也知道？！

夜麻麻都推下先

“終止交易”

四點幾五點仲未訓？！

啱啱瞓醒一睇，我load咗幾秒先load 到

老人家就總有泡夜尿要屙下㗎嘛

喂！咁啱尿急咋係咪啊！