邊度買lab grown diamond好

我都想知邊到買lab grown 平
唔駛大大粒求婚果d
想要細細粒做頸鏈

但見好多lab grown都貴

呢間都幾貴

咁你答左我GIA點分先，評粒石之前打個電話比你問下粒石邊到黎先好冇？ 呢d Chem撚嘅答法我已經聽到出耳油

你咁講 買假撈假袋都一樣道理 負擔到咪得

我而家講得chem structure 就擺明唔食商家個套銷售話術啦
仲拉我講商家點分grading個套

GIA都係商家啊？ 睇到呢句已經feel到自己同緊條on9傾計

By definition
Diamond is pure carbon attached to 4 other carbon atoms.

佢本質就係本質
GIA 唔係商家個套係咩?
分grading 除咗用嚟賺錢同賺更多錢仲有咩用?
連我背後意思都get 唔到 睇嚟大家思想/價值觀/目光都唔係同一level
我都費事曬時間

仲要cap埋張圖出黎。
我宜家講緊GIA點分天然同lab wor，關粒石grading賺唔賺錢咩事？你比多幾條金條佢就話你粒石係天然？你比少左就話你粒石係lab？ 係啊大家真係唔同level

咁其實又冇話講到話覺得買天然鑽就on99既
不過大部分人都唔會睇得出分別
既然睇唔出有乜分別何不買樣性價比高既野

咁當然我唔排除可能有人好勁一眼就睇得到分別
但我覺得10個人入面可能都冇1個識睇


之但係你講到「買天然鑽就光明正大話人知買既係真鑽」
我又有啲不敢苟同

首先我認知既鑽石只要化學結構符合就叫鑽石
除非你話玻璃水晶扮鑽石呃人就話真假鑽之分

始終係可以人工製造既化合物 而唔係金咁樣本身係一種元素

鍍金就可以可以話假金
Lab 鑽我覺得又唔可以話係假鑽囉

點解要有大Brand 加持
買大Brand 比多一舊錢買品牌咋wo

條女都係二手，二手鑽有乜問題？

ig story 平一半以上
有門市既LG都好貴

買luxury就係要show off

無brand同假貨有咩分別

唔夠2卡無IF 3EX都唔好show off

唔知 求婚嘅時候老公買的

求婚戒指你會同自己另一半一齊睇？
佢係有做過功課嘅 同埋有啲野比價錢重要💛

其實你一開始用性價比呢個準則黎講奢侈品成件事已經錯左。天然最重點嘅價值係佢形成過程時間帶來嘅稀有度，呢樣野冇錯當年比DeBeers包裝成為商業價值，但呢樣野的確係天然鑽嘅特點，而且天然鑽呢樣野歷史以來都係名貴野；Lab嘅價值只在於佢幾乎所有特性同天然鑽一樣而又平d，呢點你地識倒轉背啦，但就真係得呢個價值，而且呢個價值仲係要偷天然鑽嘅光而得來，因為佢本身自己係冇任何商業價值。連佢個價嘅定位有部分因素都係參考天然鑽嘅價。

你所指嘅性價比無非都係想講用一個比較實惠嘅價錢買一粒同鑽石比外觀、火彩、反光度硬度差唔多，然後就係你地成日強調嘅原子結構一樣嘅石去滿足你屋企隻老虎，所以你可以理直氣壯話呢粒係一粒鑽石、一隻鑽戒。其實講黎講去都係呢句：「呢個係你嘅選擇，你嘅目標係用最經濟嘅錢搞掂件事，但事實又好多客買鑽唔係咁諗。」你只係選擇唔理會上面所講天然鑽同lab最核心嘅分別，而只係focus兩者咩原子結構一唔一樣等等。

呢樣同時都關乎到咩叫真同假鑽。利申我不能夠代表所有天然撚講，但佢地所講嘅「真」會考慮曬粒石所有特性，再包括佢嘅形成。歷世歷代鑽石都係講緊天然鑽，咁我地咪會覺得天然鑽先叫做「真」鑽，任何不能夠界定為天然鑽嘅都係「假」鑽。你可以當呢個係一個哲學問題；而你地睇嘅「真」鑽就剩係睇佢成份、原子結構係咪屬於鑽石，係就係「真」鑽。呢個咪就係一個科學問題。

咁多口水，其實都係想強調天然同lab真係要分得清楚去睇。個d咩「都睇唔出分唔出嫁啦」，呢個都係你地選擇左用咩角度去睇。知道自己為咩而買呢樣野就得，唔好有種「我買A咪即係B」嘅心態就夠。

一開始唔知咩血鑽，依家先知係咩一回事，當知道之後我偏向想要lab多啲

所以大家知道自己要咩就得啦
無謂互相貶低對方想要既野

有人覺得lab鑽足夠滿足自己需求

有人覺得天然形成既過程對佢好有意義，個意義值得比幾萬

同樣有人覺得呢層意義不值一文

真係好主觀

講黎冇意思

咁都有世界大戰

同埋你話我角度一開始就錯我會覺得奇怪

我從化學結構去定義鑽石呢種物質係最offical 既講法
你唔可以話我錯

只係你一廂情願去加additional 條件去話你心目中係天然形成既先叫真鑽

呢個係你主觀睇法

我尊重你睇法，你要買真鑽我唔會笑你傻仔
但你都唔應該用你一廂情願既主觀睇法去貶低人地買lab 鑽就係假鑽扮真

因為化學結構係咁就係鑽石
呢個就係official 既definition

咁咪好囉