銀河守護隊3 Guardians of the Galaxy Vol. 3 劇透討論區

唔洗咁認真諗佢有咩目標
應該唔會有完嘅一日所以咪話好似玩模擬市民，鍾意打機啲人都唔會expect有一日打完就唔打，而係打完一隻開另一隻

雖然之前已經講得幾白，但今集終於正式賜死「原」Gamora，MCU對呢Team人好狠，五大元老主角，去到第三集其實已死其二

今集主線放喺火箭浣熊既悲慘過去，大反派乍看下係久違既純種滅世大魔頭，演員用力過猛既演繹亦確實令觀感更鞏固，實際上James Gunn透過呢個角色對「創造」進行咗大量質疑同鞭撻，直接用Counter-＊＊EARTH＊＊ 命名「造物主」創造既世界、大量描寫佢對受造物既無情與唔尊重，例如對「得到智慧」既火箭產生嫉妒、強迫症下郁啲就用大屠殺reset方式修正自己嘅創造「缺憾」，解放動物一幕更加係畫出腸既reverse版挪亞方舟，同懂得珍惜「低等」生命價值既普通人類直接做對比，精彩，但唔知有幾多人睇得出

銀河守護隊曲終人散，但唔係灑狗血式賜死邊個邊個，又或者勁老土夾硬拉埋Starlord同「高仿版」Gamora搏取廉價感動，相反係交代成員間已各自成熟、各自發展、各自探索人生，雖然今後未必再朝夕相對，但彼此既心靈連繫前所未有咁密不可分，有比咁樣寫得更好既Family？

Starlord預告咗會再喺MCU出場，但冇咗James Gunn，有冇人識繼承、發揮呢位經歷咁飽滿既角色？Sorry，真係完全唔樂觀，不如喺多重宇宙拉個黑人性轉同性戀版本過唻取代佢算啦，迪士尼玩呢啲比較拿手

呢啲動物保護意識咪令人睇得舒服囉
唔一定要搵個西女人企出嚟講women are better than men先係平權

咁Counter-Earth係漫畫設定黎

素材擺喺度，識唔識借題發揮就係導演能力問題，大把英雄片一手好牌改到爛晒

Ching啲文筆好似報紙寫影評專欄

死，踩定讚？

當係讚先，多謝

簡單啲講感覺主旨係：要愛自己，你懂得愛自己，自然就會識得愛其他生命

個boss打架同戰略都好廢
生物改造本身應該強項，但佢整d 兵仔又係勁弱

starlord難得avg3-4咁柒都叫救得返
如果之後客串驚佢又要做返柒頭

勁好睇喎

今次依套真係好睇
依度多數師兄都係讚
希望之後果啲都keep到

最後留低唱歌同交換禮物都好感人

神力喺ego死咗之後就冇啦
唔係的話vol 2勇度咪白死

難d, 閪面隊長個套應該搞唔掂

上次睇marvel覺得感人已經係vol 2勇度葬禮

呢套我都未必入場費

好似都已經好耐冇一套係一致咁多人讚

好鐘意groot成個爆粗

讚啦 冇乜邊個討論區會寫咁長嘅影評
Btw都知道要重組舊Guardians冇咩可能
希望重有機會見到新Guardians重想見Rocket

好明顯個黑人嘛係死好命
對隻浣腸都被秒，浣熊當年識補刀，都已經少好多麻煩
最勁只係喺人地星球裝炸彈。
睇嚟浣熊都有能力改造生命。

依家暫時期待既得秘密入侵同洛基，其他無眼睇

蕉蕉