我覺得就算抽離曬成個背景去睇,只係以一個偶像組合而言,佢地都真係唔合格
1)實力同樣貌都唔夠,唱同跳都講唔上好聽好睇,係偶像包裝之下都唔可以話係好靚仔既情況之下就要賣唱跳,用實力整容,但又唔係做得好(其實講開個樣就不得不提某最受捧Center暴肥,又某上位圈成員變膠臉令人思疑佢過度整容,不過呢啲就唔使我多講)
2)疏於練習,唔好話要跳得齊好似啲韓團刀群舞咁,直情好似自己首歌隻舞都未搞清楚係點跳,啲人各有各跳,唱歌又車禍現場,令觀眾感到尷尬
3)一直退步,我當前兩點都係因為素人出身所以起步點低,搞養成系偶像啦好未?但屌點解啲現場係會愈黎愈差架,當眾走音,鳩唱,鳩叫,究竟養成左啲咩出黎?
4)肉眼可見既言行不一,一直退步都算,仲要成日將努力掛係嘴邊,但觀眾見到既就係出道咁多年一直冇進步,仲要愈黎愈敷衍,廣告就識拍,唱歌跳舞反而好似唔識咁
5)冇團魂,有啲成員之間係鏡頭之下都可以畀人睇到佢地關係唔太好,感覺仲疏離過你同你啲同事;某啲成員同佢啲fans直情表現到好似嫌棄個團咁,覺得個團拖累左佢自己/佢個推。但可笑既就在於如果唔係有呢個團佢根本唔會出到道好冇?就感覺好數典忘祖好肉酸
6)遇事即公關,咩事都好似自己冇責任咁,搵PR拉大隊係媒體到寫曬公關稿咁「澄清」,結合埋啲fans瘋狂洗白
7)公司食相難睇,團體策劃求其,一齊賣廣告既時間仲多過一齊上台唱歌宣傳,幫成員各自出solo歌永續新人獎,感覺就係想捧紅幾隻主推成員之後佢地直接solo然後個團就冇利用價值可以即刻收皮解散
講真,雖然我冇睇過《全民造星》,但由佢地出道就開始留意佢地,會覺得佢地未紅之前冇人理既時期反而仲用心啲,果時仲有團綜,我自己果時覺得「雖然唱跳都一般般,但搞素人養成既話好似都好似可以睇下佢地會有幾大進步?」懷住一個期待既心態去留意佢地
但而家咁既樣,我只係覺得,呢個咁既團,永久Center,舖天蓋地粉絲應援,癲倒黑白式公關,直情可以話結合左中日韓各偶像團體既缺點。心中不由自主地感到慶幸,
好彩我從來冇為佢地洗過一分一毫咋
用四個字去總結就係德不配位,都係快啲收皮啦