凹凸洞治療一問 微針/Laser

真皮手術我喺去台灣
始終海外醫生係鍾意雷射多過手術，台灣、澳洲、美國以外冇咩會做手術類，因為多風險、醫生懶、雷射有錢可賺。

係外國網買左隻韓國tca peeling 35% 聲稱唔痛無downtime 唔會甩黑色皮
但其實都痛到雪雪聲洗果陣都好痛
做完唔算勁紅 個感覺勁似做co2退左紅果幾日咁(毛孔變得唔太明顯 同埋摸落去好似沙紙咁)
希望keep住兩星期做一次效果ok

近排轉打pico蜂巢頭效果唔錯
之前打co2同ep都冇好得咁明顯
利申 d洞差唔多十年up 兩邊面珠都有極深嘅洞
不過淺盒型嗰啲都仲係幾明顯

啱啱做完真皮了
返緊去酒店
等我休息一陣再打個小分享俾想做嘅朋友參考

真皮流程

1） 術前
登記完，入細房，拍低手術前嘅樣貌作記錄，然後更衣換上手術袍，之後再被安排去敷面部麻藥，敷15分鐘，護士姑娘話只敷15分鐘怕太耐會紅，影響醫生判斷。

2） 術中
敷完，入手術室見醫生，醫生會俾塊鏡你，頭頂上用燈照，叫你指出邊啲洞你係最在意、最想處理嘅，用筆將洞圈起，最多1次手術內20個真皮治療（醫生好好人送多1粒免費俾我=21），最後瞓上手術床。

手術分2階段：
一） 取皮（肚）
打1支麻醉針，取肚臍位皮，用刀切成小塊，取咗20+1，我覺得打針係痛嘅，切嘅過程唔痛，係拉扯令到我有啲唔舒服，然後縫線，肚臍位貼上紗布。

二） 面部
面蓋上手術遮布，所以唔知佢做緊咩，施術流程靠感覺得出嚟。
每個洞位週邊用針插好似黑芝麻嘅細窿，唔知有冇呢個時候放啲麻醉液入嚟，唔肯定係咪前面敷麻藥嘅效力，Anyway，我個人唔怕痛，係容易緊張only，針插過程我覺得唔痛。插完每個凹凸洞之後，再切開洞口，放舊真皮入去，然後作調整，有拉扯嘅感覺。所有洞無需縫線，只需貼上人工皮，防止濕水、滲血、感染。

手術完成！
過程約1個鐘，爆好多血，我見姑娘途中不斷用消毒紙幫我抹血。

3） 術後
姑娘講解術後護理資訊
提供藥物只有搽肚皮位嘅乳膏
需自行準備生理鹽水、棉棒、防水貼（幫助面上人工皮，防止掉落）
用棉棒輕搽生理鹽水洗淨肚臍傷口，再塗上藥膏，每日一次，護理後更換肚皮紗布。肚皮縫線位不能正常洗水，2週後可自行找香港醫護拆線。
面上人工皮不可移除更換，只可加不可以減，不可洗面，直至3天後先可以正常洗面。
最後俾錢32000，走人～

康復對照應該要等3個月-半年 會最準確。之後再update。

啱啱拆完人工皮。
啲洞肉眼睇唔凹了，平晒，菸青腫紅，日光照射會微凸。
呢啲狀況係正常。

我綜合醫生同其他網上病人做完嘅說法：
醫生會補微凸小小，因為日後可能會有回凹情況，幸運嘅就會完好存活，成為你嘅肉，唔好彩嗰啲會回凹，但都會好過未補肉之前。萬一康復完，佢仲係好凸你唔滿意，可以雷射打平，只凸唔凹有呢個好處。

題外話，如果打算做真皮嘅朋友，記住stay在台灣耐少少，我喺呢3日唔拆得人工皮嘅時間有啲辛苦，只想叫外賣上酒店，噉啱高雄落大雨，再加上第三日我就要上機離開台灣，個過程好狼狽，所以時間請留「手術日」+ 3 日，最好4日以上，噉就無噉麻煩。

之後再補圖

多謝哂巴打分享 !

星期日打完co2
開頭都還好
依家焦開始出 又有d白色一點點白頭咁既野
feel到好乾 仲紅過打完頭兩日
有冇咩超保濕又keep得耐既可以推薦下
依家成日好似比針拮下拮下咁

1）左面術前
2）右面術前
3）左面術後當日
4）右面術後當日

做完手術當日食嘢講嘢就會滲血，所以要預一啲防水貼同埋買多少少人工皮。

你可以帶口罩，但我覺得比較緊，所以我選擇買full face mask or half face mask去遮面（Amazon有）。

想睇康復圖了

圖為左右面 術後一週 已拆人工皮 素顏
1） 左
2） 右



在室內光下其實效果唔錯，幾個滾動型接近平坦。
術前啲死亡光線下影相係最worst，暫時我好滿意，有待觀察。

期待！

哇好咗好多，幾錢

凹凸洞旁邊啲黃色係麻醉針散菸，確定佢係有喺敷面部麻藥後再施打麻醉針，我做嗰陣冇feel到佢打咗

治療費用32000台幣，20粒真皮

8000千蚊平到

真心 如果有用我都想整
師兄有冇話幾耐會睇到實際效果？
效果永久？

我自評本身屬於中等至嚴重患者
對我而言，我評分係好過未做之前
而家嘅效果如下：
左右太陽穴幾乎平晒 95/100
左面 87/100
右面 92/100
不幸有一個洞位好似有回凹情況，冇噉漲卜卜，尚可接受。

Final result 要再等多幾個月（3個月至半年），so far 最明顯嗰幾個大洞我覺得改善好多，效果永久，部分患者會有回凹情況，如發生可做第二次真皮移植，始終都係睇吓你基因係咪吸收型特質。

左右面唔算所有平晒，可以睇到有顆粒感（小波浪），微凹。不過within 我expectations，因為都無可能回復水煮蛋肌，頗滿意成果。

可能未來會後續補co2 laser / UP laser細緻返啲位

Ching想問下你係問online影相俾醫生做評估然後約時間，要排幾耐

你試吓加Line初步問問，我第一次Line查詢佢話補15粒真皮，去到真係面診又唔止，所以非面診個判斷唔準，可能燈光、解像度、角度唔同。

一般排2個月太多人，進行療程前需面診，個姑娘話香港嚟可以即面診即手術，視乎醫生當日schedule，呢啲都係問問好。

問完冇人覆嘅個line

係咪呢個？
635tyfqi

諗住睇葛正詳

佢早前轉咗診所做，而家去咗高雄悅之美