[多圖少字] 三年無見 福岡 河口湖 東京 河津 櫻花散策

好耐無見 上一次出post已經係３年之前
個陣係我人生最順既時間
所以短時間內去左好多次旅行 去左好多想去好耐既地方
完成左幾個人生CHECK LIST

事過景遷

留名待睇

痴線 都未打完就禁錯制出左POST

完成左幾個人生CHECK LIST
包括之前係長崎去軍艦島
[多圖少字] 長崎 島原 即影即有 快閃 4日3夜
https://lihkg.com/thread/1096239/page/1

仲有去左冰島睇極光
[人生check list系列] 冰島極光+芬蘭+愛沙尼亞快閃8日攝影之旅
https://lihkg.com/thread/1020285/page/1
-------------------------------------------------------------------------------
到今次 我已經去左其他地方讀書
但我仍然想同大家分享下今次旅行既所見所聞
仲有一D中途既趣事
當然唔少得我既旅行攝影作品
今次有好多相都係用菲林影
所以可能會同之前既有D唔同

好啦EMO完
講下行程規劃先
總共前後10日
day1 台北->福岡
day2 福岡(內陸機)>東京
day3 東京 中野 散步
day4 東京>下吉田>河口湖
day5 河口湖>河津
day6 東京 櫻花 散步
day7 東京>福岡
day8 福岡 散步
day9 福岡>太宰府
day10 福岡>台北
------------------------------------------------
重點行程
富士山 河口湖
覺得人生一定要試一次靚溫泉酒店!
所以見難得湖山亭有一間空房即刻狗沖
同時都因為會係山梨一晚既關係
再plan埋落去河津睇河津櫻花祭

成程天氣都幾好 唯獨最後一日係太宰府橫風橫雨
所以都會有好多好多相
-----------------------------------------------------
菲林仲要時間沖 睇住D數碼先

未入正題之前 講下呢幾日會住係邊到先

由於係清晨6點幾起飛既機
去到日本既時間真係唔上唔落 12點幾左右
check in又未得 仲要唔小心book左間要4點先可以check in既酒店
間酒店仲要係無reception
好彩事前聯絡左 可以放低行李先 都無咁辛苦

福岡day one 酒店
HOTEL ORIGO HAKATA - Gion -


專燈無揀係博多車站既酒店
因為想安靜D 所以就唔搵最市區既地方了
酒店係內街 環境都好舒服


--------------------------------------------------------------------

東京5日既酒店
新宿e hotel
同上面個間係兩個極端
因為想係新宿車站出發去其他地方
而BUDGET又想慳多D 所以就住左係歌舞妓町附近
樓下就係東京都營既地鐵站
但真係只可要黎訓教
而且入黑之後好多警車係附近行黎行去 好嘈


------------------------------------------------------------------------

因為河口湖既行程係後期再改
所以係新宿既酒店其實係空左一晚
河口湖住左係傳說中既人氣no.1溫泉酒店
湖山亭 產屋

真係世界級 之後再詳細講
總之景觀一流 服務都好好 去一次絕對值得

----------------------------------------------------------------------------------

再次返到福岡 今次呢間酒店唔係我揀
因為有朋友一早夾左會去 而佢已經一早book左呢到
所以我都跟機

博多由布院武雄溫泉 萬葉之湯旅館
個名長到....
我仲爭D以為佢真係係武雄溫泉 差D就book錯地方


係一間好傳統既本地人為主要客群既溫泉旅館
好近福岡機場 附近乜都無
因為 基本上所有既野都可以係間酒店入面做哂
之後再講
--------------------------------------------------

酒店簡介 完

留名
可唔可以介紹多d湖山亭產屋
嚟緊都會去住

咁呢幾年唔順咩

可以呀

唔知你地係自駕定坐巴士/火車去河口湖呢?
如果去到河口湖站無車揸既都可以坐巴士
紅線巴士有個站就係佢門前 讀音係(UBUYA)


去到門口就有個哥哥仔問你用咩名BOOK
之後會叫你去大堂坐陣 仲有杯WELCOME DRINK比你
之後有個專人就會同你講解邊到可以浸溫泉呀
幾點食飯呀 係邊到食飯呀等等
點解會話係邊到食飯呢?
因為佢係分好哂
邊間房既人係佢地兩間餐聽入邊既邊一間房食
(BTW個晚食和牛燒肉好撚正)
所以一食就會晚餐同早餐都係同一間房



成晚都係同一個女將黎SERVE你
食哂正餐之後佢會同你講 可以去出面飲杯野同食甜品
出面就係D巧舒服既梳化 比你望住個富士山嘆茶嘆CAKE

不過D CAKE麻麻地

附近可以行去淺川溫泉街個邊有D野食買下食下
不過其實都幾凍 我自己就無行
係酒店到用500YEN買左個哈根大師食下就算
---------------------------------------------------------------------
最後講下浸溫泉
我想講 日頭同夜晚都要去下
夜晚既星空清到好多星星
日頭就落地大玻璃無敵富士山河口湖景
咁樣望住黎浸真係好撚享受
(如果你訂到有私人湯屋就另計啦)

講住咁多先 仲有無咩想知?

男人都係不外錢或者另一半

有D變化係成個社會都一齊面對既
好似自己本身做緊份覺得好有意義又好好既工
但都因為呢幾年既關係比人炒左
之後就無計劃之下而要去其他地方讀書
人生就係咁
有好多野就係真係話無左就無左
----------------------------------------------------------------------
同朋友浸溫泉個陣係到傾計
大家都有種覺得真係要好好咁重視「當下」
其實都係源自於因為未來已經唔係我地可以主動地掌握
而只有每一個「現在」
係我地可以選擇去做咩 選擇去點樣過
選擇開心咁過定唔開心咁過?
我自己其實係北海道個TRIP個陣
其實心入面唔多唔少都有D怨恨
覺得 屌 唔應該係咁樣 佢真係好衰BLA BLA BLA

呢幾年面對多左好多挫折同失去
係呢段時間有種好強烈既感覺
「我唔想再重覆返之前咁樣地做人」
而係我自己個方面
以前係一個好完美主義既人
而加就叫做首先接受自己係不完美先
之後就開始有更多既空間去學習同了解自己
到底呢幾年
「發生過什麼事?」
--------------------------------------------------------
過去做左既事 已經無辦法去改變
唯讀係而加了解左之後
終於可以向住正確既方向努力
個陣無辦法做到更加好既選擇
但而加努力
下一次 下一次做決定既時候就可以做到更好了

lm

支持
博多由布院武雄溫泉呢個名好誤導

真係fake到臭

師兄想問吓河口湖啲温泉酒店有無話幾多個月前開放可以book?
我想book 11月但好多都無房，唔知full晒定未開始俾人book

試下去酒店官網？有d 有英文

Book到一間叫Ooike, 應該唔係最出名果啲

11月好多未開放，一般3-4個月前開放

咁我過幾個月再check. Thank you

for your reference
個陣我係11月中BOOK2月中既酒店
岩岩好得返一間
同埋我係用HOTXXXX.COM呢D中介BOOK
唔識日文無自己問間酒店
但發現佢地D STAFF介紹酒店都係用英文
仲連普通話都有

岩岩收到一部分既負片菲林相
但正片仲未搵到地方沖
係到順便介紹下菲林既兩種分類同埋講下今次旅行帶左咩器材

菲林篇

平時一般印象中見到D底片好多時都係啡色橙色
呢D菲林係叫「負片」意思係講緊佢影像既顏色係負像
互為補色既色就係影像本身既顏色啦

啡色個種就係負片啦

咁「正片」姐係咩?
可以叫幻燈片又得
姐係話菲林沖好之後 菲林顯示出黎既顏色就係影像本身
又唔係好似上面負片咁係「負像」,而係「正像」
有咩分別呢其實
最大既分別就係佢地「所見即所得」既特性
負片某程度上係可以被數碼相機所取代
因為負片沖洗時會進行二次曝光 (人話姐係影多次啦你當)
所以菲林既寬容度會高D 容錯率亦都高D

而正片因為只會進行唯一個一次曝光
影完個下 正常情況下唁會再有咩可以補救
但菲林 影像本身就會非常FINE 好幼細
當然每隻菲林都有D特別既取向
而我本身用既就係專用黎影鮮艷顏色既菲林
Fujifilm Velvia 100/50
影花黎講就特別特出
其實仲有帶傳說中「櫻花卷」
以前只會係春天發售既FORTIA SP
不過最後無用到

(網上圖片)

成個TRIP本身帶左25卷左右
最後影左咁多......


------------------------------------------------------------------------------------

器材篇

今次其實都帶左唔少野....
係內陸機成田返福岡個陣仲比地勤CHECK
兩件HAND CARRY行李最多7KG
我只係個相機BACK PACK就11KG.......
個陣仲要得返半個鐘就起飛
之後唯有火拚時速快快手手盡力包好D鏡頭放入GIP先搞得掂

菲林機我帶左3部
分別係中片幅既
Hasselblad 500CM
3個菲林背
另加鐵3角三枝鏡頭
50MM F4 FLE
80MM F2.8 CF
150MM F4 C

35MM既帶左
NIKON F3 WITH 50MM F1.4
Fujifilm Tx1 With 45MM F4 & 90MM F4

另外仲拎左部即影即有
Fujifilm 500AF

數碼就拎左兩部
一部輕便要黎日常攝影
Fujifilm X100V
仲有就係驚死要萬無一失既大機+天涯鏡
Sony A74 + TAMRON 28-200MM

仲有腳架

我膊頭已經死了 勿念

器材篇完

今日有文!
沖埋杯係目黑買既咖啡就打

lm

師兄 襟條link 變左抽獎網嘅

行前準備講得7788
開始講下每日行程啦

day1

台北->福岡->祉園

太耐無去過機場
好似唔係好記得要預幾多時間
所以今次去機場既時間就預得好鬆
朝早0650既飛機 0300就出門口
去到機場先至0330
去到見未有人排隊就去下廁所先
轉個頭返黎已經打哂蛇餅....
排隊都排左成半個鐘
因為桃園機場凌晨真係無乜鋪頭可以行
所以都係拿拿聲入閘就算
----------------------------------------------------------------------
朝早7點機呢個時間真係好尷尬
入到去閘都5點幾6點
仲有個1個鐘又訓唔到好多
所以結果都係完全無訓過

訓唔到就影下相啦

地平線日出


上天了 幾耐無見過呢個畫面呢大家
------------------------------------------------------------------------
個陣出發前間中都會CHECK下目的地既溫度大概咩水平
成日都見到0度 東京早一排又落雪
所以都帶左幾件褸著哂上身.....
結果係架機入面熱到想死
完全訓唔到
不過好彩時間唔係特別耐
兩個地方個種近既通勤時間仲快過我返學
-----------------------------------------------------------------------
去到福岡機場個陣
落機見到後面有個人都係拎住部菲林機
之後去到檢查VISIT JAPAN個個位
見到個個女仔又唔識同個職員講又無搞VISIT JAPAN
就睇下佢使唔使幫手
結果都靠住自己鄧腳既日文順利大家都入到境
又因為排隊過關排左好耐
所以咁岩就可以傾陣計 無等得咁悶
後尾出到去講左句去熊本玩得開心D
就頭也不回走左
事後覺得自己幾型

回想起上次自己一個人北海道
個陣都受到一D完全唔識既日本人幫忙
今次輪到自己做幫忙個個人
感覺自己都成長左
而且好多時因為係自己一個去
所以先會有呢D落花流水式既相遇
「淡淡交會過各不留下印」
-----------------------------------------------------------------------
福岡機場國際線大堂要坐接駁巴士先可以去到福岡地下鐵個邊既國內線大堂
而去到個邊之後就好方便了
落條電梯就到地鐵站
加上一早已經係IPHONE整好左APPLE PAY既西瓜卡
出入真係好方便
建議大家如果之後要去日本都一早整定


唔知大家有無一種感覺
我成日覺得日本JR/地鐵個種有小小黃小小綠既燈真係好特別
加上我都有小小鐵膠特質-----鐘意影火車
所以都會有唔小既相有火車混入其中

----------------------------------------------

去到祉園只係12點半左右 離可以CHECK IN仲有3個幾鐘
但都上去放低左個大BACK PACK同喼先
上到去好搞笑
佢得部TAB放係𨋢口
之後係到入資料 入入下佢要同個STAFF ZOOM黎確認身份
但係又打唔通個電話
等多一陣之後就有個人出LIFT 問我係咪任生
叫我放低行李係LIFT口比佢就得 到時會幫我搬入去
放低完之後我就唯有再諗下可以點樣度過呢3個幾鐘

寫住咁多先
待續

屌 我諗住廢事真係打HOTELS.COM 就是但X左佢
點知真係有呢個網