阿媽驗到癌症 決定左唔做化療

巴/絲打 我爸爸前日走左
佢都係病左好耐 撐左好耐
理性上知道離開係解脫 唔駛再咁辛苦
咁感性上好想佢重喺度 好掛住佢

好後悔咁遲先知佢病到好嚴重 冇好好陪佢
我屋企都好窮 所以我好努力工作
努力到冇時間陪佢 成日想快d賺多d錢威比佢睇
到左宜家發覺幾多錢都追唔返失去左既時間

趁媽咪重喺度陪佢多d呀
試諗下我地成日帶另一半staycation 食好西 講我愛你
但呢d說話有冇同過父母講？不如試下啦
媽咪會好開心 其實好易講出口嫁咋

希望你唔好好似我咁帶住遺憾
祝福媽咪🙏🏼

基本上政府做大部分procedure都係收attendance fee
門診96？ 入院120？
收佐呢舊錢之外多數做既野都唔會再額外收錢

樓主參考下，如果睇政府就醫得翻點解唔醫？

呀媽早幾年乳癌，切完，做完化療之後過幾年癌上腦，有腦癌，仲要有幾粒，其中一粒好大粒，乒乓波size。

發現返兩星期就切咗粒大嘅，腦入面其他細嘅癌就做電療，身體其他部位都有擴散，就用化療同標靶醫。

由上年6月切完，到而家做完半年化療，同幾次標靶，啱啱驗個腦已經冇晒了。

不過我媽仲後生所以接受到化療，我同佢去睇中醫嘅時候都見到有好多老人家寧願睇中醫都唔做化療，做完化療仲衰。

睇下你媽媽後生定點，後生我覺得仲可以試下，加油

佢都做到坦然面對
點解你唔可以呢？

化療唔洗錢

醫乳癌我記得有個叫徐城之醫生醫乳癌有一手，但佢私家醫生，會好貴。

做咩都好
陪佢多啲
襯你伯母仲精神果陣多啲為佢留倩影
利申：過來人

弱智就唔好出嚟害人
Cancer cell本身已經會搶你體內營養
你唔食佢咪出信號燃燒你身體
燒死你自己都未燒死佢

乜都冇，如常返工，超神

如果媽媽身體狀況可以嘅話同佢去一次旅行

第幾期？

加油
希望伯母平安
多啲陪下佢

揾個私家醫生睇寫轉介信
情況嚴重既說一星期內就會有電話來約見醫生

幾時落藥就睇醫生決定

樓豬take care

真 白卡樓主加油

既然錢最後留返比你 我第時一定會後悔冇用啲錢醫我媽 那怕只可以陪多一半半年
依家有好好多新藥研究唔洗比錢 政府都好多藥有資助
如果你媽知道佢啲錢你都係用嚟醫佢 會更加有動力對抗個病 更加感受到你對佢嘅愛
當然 舊錢等救命就另計

超，命有幾閒，梗係錢緊要d 叻仔

直接辭工, 帶佢去食好野, 去旅行!
唔好唸太多啦

依樣真係一直有人講 但都一直有人犯嘅錯
我都keep左好多媽咪叫我翻屋企 食唔食飯嘅錄音