阿媽驗到癌症 決定左唔做化療

第幾期？係唔係三陰性？

我有親戚都係乳癌 當時已經擴散咗
之後切咗都無事依家仲健在
如果有能力可以試下做化療
唔好放棄

樓主加油，祝你家母早日康復

你阿媽有冇買保險呀，我老母10幾年前都係乳癌，嗰時佢咁啱買左危疾，去聖保祿到做手術，total好似都係洗左十幾萬定30萬以內，不過醫cancer好講鬥心，我諗翻我老母嗰時電療食標靶藥，喺屋企佢都帶住個頭笠唔想人睇到。好彩佢後尾真係捱得過，到依家都係keep住覆診，最緊要係你要鼓勵佢比d希望佢，等佢有生存落去嘅心，打呢d仗心態真係好緊要，我老豆中兩次風都係因為心態積極依家先叫行得翻，加油啦巴打，cancer依家唔算係咩絕症，係難搞d嘅病姐

決定唔醫就去外國安樂死
起碼唔洗咁痛苦，又無化療咁貴

政府化療好平 而家轉介去好快有
有錢私家 冇錢咪公立囉

節哀, 伯母年紀有幾大? 有無其他疾病要keep住覆診?
要留意返佢精神狀況, 認知能力有無問題
有能力, 就留一個人長期陪住佢

呢個病, 隨住時間, 會不斷奪走患者身體能力
所以你要搵定拐杖, 輪椅
屋企睇下可唔可以裝扶手

情況可以惡化得好快, 快到你唔信
趁佢仲可以食多D野時, 就儘量買多D佢鍾意既野比佢食

最後就係問定身後事想點做, 確認財產有幾多, 同埋要安排好財產轉移
你而家唔做, 之後要做會好麻煩

唔清楚乳癌呢啲，但我阿麻廿幾年前話乳癌仲有兩年命，結果我阿爺同其他親戚都死曬佢仲在生，最緊要係心境要好開朗，成日擔心係會更差

我作為化療病人可以答你

因為化療有好多副作用，會令到個人殘得好緊要（出街行10分鐘都要抖大氣個隻），加上白血球數量下降唔適合周圍去（一病可以好大件事）

所以化療病人本人已經強制宅係屋企，我叫本身個人宅開都仲叫做好啲，一般人半年8、9成時間都要困係屋企其實個人會好壓抑，對病情都唔好

所以化療完身體情況許可絕大部份人都想去旅行，就算自己命數已盡要離開都想臨走前見多啲世界 & 陪屋企人留下啲回憶

化療 政府係唔洗錢

試下斷食
詳細你上網check : 諾貝爾獎日本學者大隅良典Yoshinori Ohsumi 既細胞自噬研究

I know that feel 我啊媽都係癌症😔