各位讀者，歡迎收睇我地既「信長之飲食」，大家都應該聽過明智光秀謀反，其中一個假想出處宴會失職。1582年5月15日，德川家康去安土城拜會織田信長，咁大家戰友一場，信長當然想款待對方，就委託光秀負責食物，之後發生咩事，大家都清楚吧？但係，到底宴會飲食內容係咩，大家又知唔知呢？
今日，我地就為大家介紹宴會菜單，係由江戶時代國學專家 - 塙保己一編集記錄，出處係《續群書類從》第23輯下 武家部，內容就係5月15-16日既午、晚膳內容。睇之前，我地先同大家講解，日本大名飲宴流行一餐上五輪料理，最後仲有甜品，聽落又幾似法國菜啊？在之前，我要多謝台灣一位網友用心將菜單翻譯，陣間補返出處。事不而遲，我地逐日條列菜色！
安土御膳節錄
5月15日洗塵宴
本膳（第一輪）：焯水章魚、燒鯛魚、蔬菜麵鼓湯、生鯉魚絲拌山葵、醃漬白蘿蔔、鮒壽司、米飯
二膳（第二輪）：鹽漬香魚內臟卵、燒鰻魚、海鞘冷湯、包山藥乾海參、鮑魚、照燒海鰻魚、鯉魚湯
三膳：烤野雞、鹽漬薄切鶴肉加山藥湯、梭子蟹、辣辛螺刺身、鱸魚湯
與膳：卷魷魚乾、茄子鷸肉卷、鯽魚湯(琵琶湖特產)、椎茸
五膳：鯧魚刺身、鴨肉湯、灸烤昆布條
御菓子（甜品）：豆飴、美濃柿乾、花形昆布及裝飾用花
5月15日晚餐
本膳：燉煮料理三品、日本熱梅酒撈魚絲(包括魷魚、鮑魚)、香魚壽司、鯛魚、米飯
二膳：鮑魚乾切片、牛尾魚湯、酒粕醃蔬菜(奈良漬)
三膳：鮑魚切片、鯛魚、醋煮鰹魚、海參切塊、青葡萄裝飾及部份不明
參考圖
5月16日早餐
本膳：燒鰻魚、鹽燒鱒魚(近江特產)、芋頭牛蒡麵鼓湯、生鯽魚片配醋及煎酒、土當歸、鹽漬海參內臟、米飯
二膳：燒雲雀、比目魚、鯛魚湯、灸燒鱈魚、味噌燒麵筋、墨魚、燒茄子冷湯
三膳：鹽漬三文魚、新鮮狩獵雁肉湯、魚板香魚及醋牛蒡拼盤、杉木板盛肉拼盤、雞冠紫菜
四膳：大海鰻包海藻絲、淡路卷貝、肉碎山藥、灸燒鯛魚碎、鱸魚刺身配蓼醋、串燒魚漿丸、象拔蚌
甜品：紅豆饅頭、山藥、美濃柿乾、油炸麵筋、琵琶果
5月16日晚餐
本膳：鹽漬三文魚、青豆雁肉、灸烤魚鳥肉、煎酒醋混魚乾、茶泡飯、醃白蘿蔔、鯛魚魚鬆、魚漿串燒
二膳：烏魚子、焯水章魚及蠑螺、海味混湯、鳥魚肉串燒、鰹魚醋片搭水母
三膳：山椒海鰻、竹筍天鵝肉拼盤、生鯽魚肉、鹽乾鮑魚薄片、鯉魚麵鼓湯
四膳：鯡魚卵巢、燒鳥砂囊、蒼鷺肉麵鼓湯、酒醋拌薄片瓜
五膳：燒鷸、鯨魚湯、卷貝
甜品：羊羹、栗子乾、胡桃、和菓子饅頭、花形昆布、水飴糯米、熨斗鮑
點心：蒸麵粉類、海苔類、豆腐類、香菇等食物，有生薑、杏仁及山椒粉佐料
參考圖
--------------------------------------------------------------------
好喇，睇完上述菜單之後，大家應該都會問：「點解冇豬、牛既？」咁係有原因既，日本係一個咩國家？島國嘛，四面環海，附近仲有暖流經過，海產資源豐富，所以魚、海產類係必備既。
而且在古日本，豬、牛、雞呢類畜牧動物，對農民百姓黎講，係重要既生產力，價值不霏，冇理由為左果腹，殺死生產工具，因此農民多以蔬菜米飯為主食，亦會四處採集。至於較有地位既人，室町時代後以「三鳥五魚」為主食，三鳥係「鶴、雉雞及雁」，五魚係「鯉、鯛、鱸、比目魚、鯊」。呢度我就黎個推斷，可能舊時日本只有高級既人，方能輕易享用飛鳥及魚，百姓以蔬菜為主食，蛋白質不及豬牛等現代肉食豐富，因此身高較現代人矮一截。
關於織田信長既菜單，話說名古屋近日有間料理店為配合城內展覽，就參照上述菜單，重現部份菜色共十七品，一位收3800日圓(約為266港元)，如果要試，就要提前三日預約，如果呢排去名古屋既朋友，可以去體驗一下信長公既口味啦。
德川美術館 信長御膳清單節錄
資料來源
天正十年 信長招待家康的「饗応膳」菜單
https://www.ptt.cc/bbs/WarringState/M.1494948641.A.A3C.html
附註：歧阜亦有信長御膳餐，每份5000日圓(350港元)
