《風再起時》電影討論區（含劇透）

我又係

Cut咗喺街跳舞嗰part
同埋啲題句
會加多一分

呢套戲我覺得最好睇係愛情嗰part

唔知點解我覺得呢套戲適合做短嘅影集多啲，電影嚟講礙於時長佢cut得太多嘢，如果可以長啲，成個故事同埋交代主角起跳人生就會豐滿好多

少少唔明城城老婆點解咁訓身

老婆個阿爸睇死阿城坐唔到最高級個位
所以老婆為咗阿城用晒所有手段幫佢升職

劇情同歷史不符寫俾廢老打飛機
但愛情嗰part ok

我睇嗰陣都有諗過呢個問題我估第一係因為城城係佢力排眾議自己揀返嚟，佢性格本身倔強唔想比佢屋企人睇死自己揀嘅男人唔好，所以好想落力維護呢段感情同幫佢上位，證明俾人睇佢當初嘅眼光係冇錯。第二係當初城城追佢同佢一齊嗰陣的確係好幸福好甜密，佢都只係個簡簡單單嘅女人，渴望同城城返番以前咁樣

唔關事 可能簽咗約要出嚟謝票

而家興謝票

估計故事原本focus差佬賺大錢
紫醉金迷象徵香港曾經輝煌
許冠文角色就着力喺為香港嘅下一代殿基
五個探長討論就好似香港人嘅移民問題

兩個主角同時愛上女主角又唔係好有意思
加咗勁多日軍殘殺好似硬生生加落去
嗰啲暴動的掉菠蘿根本唔需要着墨邊啲人攪事

套戲似係拍得太多野同太多內容
又太多講黑警俾人剪到支離破碎
再插啲日本兵加國民黨做壞事落去
啲內容同剪法似係俾人剪亂剪咁

動機可接受

但一個正當人家千金小姐，無啦啦結婚後即刻咁有手段，可以純熟周旋係啲黑社會之間，感覺好似冇乜說服力

都真係，見到佢同啲黑社會打交道以為呢個女人唔簡單，點知墮胎嗰part又俾人呃，話原來唔知會害死埋個第三者

無啦啦加咗食/戒鴉片

好多野為咗劇本過審

為咗大陸可以上，嚴重破壞晒整套戲既結構

導演下次直接改拍奶共戲算啦，無謂搞到而家兩頭唔到岸

而家香港個政治環境都唔適合你發揮

都咪話，頭先半個場都廢老

拍緊個陣都散左啦

導演如要避免同類事件發生，都要定位套戲想較高自由度香港上映為主，定係點都要就大陸，拍到兩面唔討好，今次對佢黎講係一次試驗，結果好明顯

希望佢想得通，其實唔一定要自己去做試驗，前人大把同類經驗，但今次發生係翁導自己身上，感受應該會更深

點解叫風再起時？

開頭諗住吳卓羲同埋jenna個角色唔出聲都幾好
一出聲即刻出事

其實當佢人物傳記，城城偉仔影集，
愛情音樂MV咁去睇，係幾正架，
好正好型好靚仔，完場啲女粉濕晒，
千祈唔好當佢係個套追龍咁就好好多。

無睇任何簡介、預告入戲院

一開始比我感覺係一文一武，本身諗住齊齊有錢分，但最後分贓唔勻，兩個拆夥既故事

去到中間跳舞溝女都算，我當刻覺得係派下甜頭比fans，又show到梁朝偉係文、郭富城係武既形象

之後打牌嘈交、打交，我以為係反面既開始，點知轉個頭就用一個鐘講一個「因為「覺得個舞女似自己個ex而沉船」既故事之後係點，大家都講唒，就唔再多講

好聽啲就係因為要過電檢所以剪到咁，唔好聽講句就係太貪心，咩都想有啲。如果原先真係長三個半鐘，我都諗唔到有啲咩可以吸引到人坐咁耐

人地avengers都用左十年時間舖排、阿凡達就因為個3D技術，但呢套我又唔覺得個劇本出眾到吸引到人坐咁耐