《風再起時》電影討論區（含劇透）

最威都係幾個月前睇，點幾年前睇的，想學

佢喺中國電檢做

其實翁導上次幫張婉婷講說話真係好撚型, 好公道。但翁導成日太想同唔鍾意自己嘅人解釋了，唔好咁在意討厭佢嘅人點睇佢，佢點都唔會please到哩啲人。

佢覺得如果佢冇幫張導講說話，哩種人係會入場支持佢咩？套套戲都等哩啲痴線佬入場就死得啦。

但佢唔好覺得自己冇為港產片帶黎正面影響。例如本來俾打手跣咗入場睇明日同飯戲之後，已經好唔想再入場睇港產片嘅觀眾。會因為佢監製嘅正義迴廊，佢同天導極力推介嘅給十九歲的我都好睇，先放低到bias去繼續睇港產片。
雖然次次都覺得佢要打千字文好似有少少情緒勒索。但諗深一層又會好心痛冇比佢更高地位嘅人出黎幫佢講好說話，導致佢監製嘅戲又要佢打千字文，佢導演嘅戲又要佢打千字文。
認真，微膠少女真係好差好差，係十年內最差港產之一。但佢拍完微膠之後拍嘅踏血係得到獎項上嘅極大認可。一個導演可以拍到垃圾片之後，又企得返起身拍一套梁朝偉都欣賞嘅戲，然後梁朝偉仲肯幫佢拍之後套戲，其實已經好大光榮。
光榮到可以蓋過風再起時多唔多人鍾意。
都未必再有新晉導演可以同梁朝偉合作到，新晉導演可以有無限個，但梁朝偉就只有一個。

I'm glad 王家衛多產嘅時候，冇得用social media打千字文幫自己套戲解釋/叫人入場。導演唔應該需要做哩啲嘢。

bro覺得套戲，有踏血尋梅幾多成水準？唔該

踏血我串流翻睇左兩次，幾好睇

岩岩睇完
真係除左睇朝偉個靚仔樣
同許冠文個幾part有啲睇頭
同埋啲境搭得幾好
其餘都唔知做乜撚

錦繡多味魚咁

呢套唔收得

我覺得唔關咩「杯葛」事，亦影響唔大

因為佢口碑唔夠硬淨 奶嘢係好正常

踏血如果10分計呢套最多5分

感覺好似兩個幾鐘內，一口氣睇晒幾集電視劇咁。畫面係靚，音樂ok，但劇情唔算吸引，唔易理解個故事想點。我覺得製作者企圖心太大，將太多野放晒入去，但出黎既效果唔係咁理想

又一套畀過審整死嘅作品？

好好睇

我諗呢兩套咁耐都未出到街嘅原因都係剪出嚟太爛想盡救
風再起時同明日戰記呢啲喺後期膠著咁耐嘅都係例子嚟

bro請問你已入場睇左？見你討論NBA比較多

我未睇，但一套戲有偉仔，都可以咁多負評，唔似係成功既作品，所以未有打算入場睇

毒舌同19歲我都入場睇左，毒舌我覺得唔多好，謝君豪睇完他水𥖁，就一面倒幫哂黃子華極冇說服力，而個idea係黎自個古惑仔同差佬既對話，但當然唔得都唔算爛，因娛樂黎講當睇香港電視劇

19歲非常好睇，超預期，美中不足係結尾時因班女已冇心機拍落去，收得急同馬夫，但整體已好好，但好睇係建立係班女既痛苦之上

點解毒舌票房咁高，有冇人可以解釋一下

bro可以評價下兩位男主角既表現？對比又得，同佢地本身其他作品比又得

唔該先

都係個句 眼高手低
一係就去盡 一係就唔好寫入劇本
成套戲整到一忽忽，有入場睇既應該會留意到 城城 同 偉仔 運鏡同拍攝手法有啲唔同 睇到好撚出戲
唔知係郭富城太鳩定真係拍攝手法問題

拍係拍得靚 音樂得 但劇本唔撚得

唔該比啲誠意寫好個劇本先啦 晒鳩晒啲演員

爽片係咁 3歲都睇得明票房點唔高

個5分唔關劇本事 係演員（除左郭富城）音樂同美指功勞

科幻片

現實魔幻主義片

情感投射打飛機+ 黃子華

講好睇 正義 好睇好多，但三級片又要用腦，普通香港人識西睇咩 好難拎高票房，毒 係合家歡又bbq end咪收得 毒都好睇既

童話故事

因為除左視聽享受係唔差其他真係出哂事點會唔多負皮
佢要玩穿插式同用調度影像敘事黎講故事
一黎門檻就高理解唔係容易
二黎就預左會牽一髮動全身
只要冇左一忽成個節奏同結構分分鐘崩盤咁款
依家就令人睇到只會係支離破碎唔知講咩
或者會有個剪得好D既版本既但依家成品就係唔理想
你問我睇唔睇好真係答你唔好睇或者上網出碟睇算